ຄະນະຜູ້ແທນລາວສຳເລັດເຂົ້າຮ່ວມກອງປະຊຸມເວທີການເມືອງລະດັບສູງກ່ຽວກັບການພັດທະນາແບບຍືນຍົງ

- advert banner 728 90 728x90 - ຄະນະຜູ້ແທນລາວສຳເລັດເຂົ້າຮ່ວມກອງປະຊຸມເວທີການເມືອງລະດັບສູງກ່ຽວກັບການພັດທະນາແບບຍືນຍົງ

ໃນວັນທີ 17-19 ກໍລະກົດນີ້ທີ່ສໍານັກງານໃຫຍ່ອົງການສະຫະປະຊາຊາດ, ຄະນະຜູ້ແທນແຫ່ງ ສປປ ລາວ ນຳໂດຍທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດໄດ້ເຂົ້າຮ່ວມກອງປະຊຸມລະດັບລັດຖະມົນຕີເວທີການເມືອງລະດັບສູງກ່ຽວກັບການພັດທະນາແບບຍືນຍົງປະຈໍາປີ 2017 ພາຍໃຕ້ຫົວຂໍ້: “ການລຶບລ້າງຄວາມທຸກຍາກ ແລະ ສົ່ງເສີມຄວາມຈະເລີນຮຸ່ງເຮືອງໃນສະພາບທີ່ໂລກກໍາລັງມີການປ່ຽນແປງ” ເຊິ່ງໃນປີນີ້ມີ 43 ປະເທດຂຶ້ນສະເໜີບົດລາຍງານແຫ່ງຊາດແບບສະໝັກໃຈກ່ຽວກັບຄວາມຄືບໜ້າໃນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ.

- new3 - ຄະນະຜູ້ແທນລາວສຳເລັດເຂົ້າຮ່ວມກອງປະຊຸມເວທີການເມືອງລະດັບສູງກ່ຽວກັບການພັດທະນາແບບຍືນຍົງ

ກອງປະຊຸມຄັ້ງນີ້ນອກຈາກກອງປະຊຸມພາກອະພິປາຍທົ່ວໄປແລ້ວຍັງມີກອງປະຊຸມປິ່ນອ້ອມຈຳນວນຫລາຍທີ່ຈັດໂດຍປະເທດສະມາຊິກ ແລະ ໜ່ວຍງານທີ່ກ່ຽວຂ້ອງຕ່າງໆ. ໃນໂອກາດນີ້ທ່ານຮອງລັດຖະມົນຕີກະຊວງການຕ່າງປະເທດໄດ້ຂຶ້ນກ່າວປາໄສໃນກອງປະຊຸມພາກອະພິປາຍທົ່ວໄປ ໂດຍໄດ້ຢ້ຳຄືນຄວາມໝາຍໝັ້ນຂອງ ສປປ ລາວ ໃນການບັນລຸເປົ້າໝາຍການພັດທະນາແບບຍືນຍົງ, ພ້ອມທັງໄດ້ຊີ້ໃຫ້ເຫັນຄວາມຄືບໜ້າຫລາຍດ້ານທີ່ສຳຄັນ, ໂດຍສະເພາະການເຊື່ອມສານເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 8, ການຮັບຮອງເອົາເປົ້າໝາຍການພັດທະນາແບບຍືນຍົງແຫ່ງຊາດທີ 18, ຊີວິດທີ່ປອດໄພຈາກລະເບີດບໍ່ທັນແຕກ ເພື່ອແນໃສ່ຫລຸດຜ່ອນຜົນກະທົບຂອງລະເບີດບໍ່ທັນແຕກ ແລະ ສ້າງເງື່ອນໄຂສໍາລັບການພັດທະນາ ແລະ ຍົກລະດັບຊີວິດການເປັນຢູ່ຂອງປະຊາຊົນ, ການແຕ່ງຕັ້ງຄະນະຊີ້ນໍາລະດັບຊາດ ເພື່ອການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ, ການກຳນົດຄາດໝາຍແຫ່ງຊາດ ແລະ ຮ່າງແຜນດຳເນີນງານສຳລັບການຈັດຕັ້ງປະຕິບັດເປົ້າໝາຍພັດທະນາແບບຍືນຍົງ. ນອກນັ້ນທ່ານ ທອງຜ່ານ ສະຫວັນເພັດ ຍັງໄດ້ເນັ້ນເຖິງຄວາມສຳຄັນຂອງການຮັດແໜ້ນການເປັນຄູ່ຮ່ວມທີ່ກວມລວມເພື່ອບັນລຸເປົ້າໝາຍການພັດທະນາປະເທດ ກໍຄືວາລະ 2030 ເພື່ອການພັດທະນາແບບຍືນຍົງ ພ້ອມທັງໄດ້ປະກາດວ່າ ສປປ ລາວ ໄດ້ລົງທະບຽນເພື່ອສະເໜີບົດລາຍງານແຫ່ງຊາດ ແບບສະໝັກໃຈໃນປີ 2018. ນອກນັ້ນຍັງໄດ້ພົບປະສອງຝ່າຍກັບລັດຖະມົນຕີກະຊວງສິ່ງແວດລ້ອມຂອງປະເທດລຸກຊໍາບວກຕາມການສະເໜີເພື່ອປຶກສາຫາລືກ່ຽວກັບການຮ່ວມມືສອງຝ່າຍທີ່ພົວພັນກັບການຈັດຕັ້ງປະຕິບັດສັນຍາປາຣີວ່າດ້ວຍການປ່ຽນແປງຂອງດິນຟ້າອາກາດ.

ນອກນີ້, ຄະນະຜູ້ແທນຕິດຕາມຍັງໄດ້ເຂົ້າຮ່ວມກອງປະຊຸມປິ່ນອ້ອມທີ່ສຳຄັນຈຳນວນໜຶ່ງ ເຊັ່ນ: ກອງປະຊຸມຂອງລັດຖະສະພາສາກົນ, ກອງປະຊຸມຈຸດປະສານງານແຫ່ງຊາດຂອງກຸ່ມປະເທດດ້ອຍພັດທະນາ, ກອງປະຊຸມຂອງສູນພັດທະນາພາກພື້ນຂອງອົງການສະຫະປະຊາຊາດກ່ຽວກັບການເຊື່ອມຈອດລະຫວ່າງຕົວເມືອງ ແລະ ຊົນນະບົດ ແລະ ອື່ນໆ. ກອງປະຊຸມເວທີການເມືອງລະດັບສູງໃນປີນີ້ໄດ້ດຳເນີນໄປດ້ວຍຜົນສຳເລັດເປັນຢ່າງດີດ້ວຍການຮັບຮອງເອົາຖະແຫລງການລັດຖະມົນຕີທີ່ໄດ້ຢໍ້າຄືນຄຳໝາຍໝັ້ນຂອງວົງຄະນາຍາດສາກົນໃນການບັນລຸວາລະ 2030 ເພື່ອການພັດທະນາແບບຍືນຍົງສຳລັບຫມົດທຸກຄົນໃນທົ່ວໂລກ.

- lattana 1 - ຄະນະຜູ້ແທນລາວສຳເລັດເຂົ້າຮ່ວມກອງປະຊຸມເວທີການເມືອງລະດັບສູງກ່ຽວກັບການພັດທະນາແບບຍືນຍົງ
error: Content is protected !!