ສະພາເຜີຍແຜ່ວິທີແຈ້ງຊັບສິນ-ລາຍຮັບຂອງພະນັກງານລັດຖະກອນ

- advert banner 728 90 728x90 - ສະພາເຜີຍແຜ່ວິທີແຈ້ງຊັບສິນ-ລາຍຮັບຂອງພະນັກງານລັດຖະກອນ

ເມື່ອທ້າຍອາທິດຜ່ານມານີ້ທີ່ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມເຜີຍແຜ່ການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນຮອບທີສອງພາຍໃນສະພາແຫ່ງຊາດ, ໂດຍການເປັນປະທານຂອງທ່ານ ສົມພູ ດວງສະຫວັນ ປະທານກຳມາທິການວັດທະນະທຳ-ສັງຄົມ, ມີຫົວໜ້າຫ້ອງການອົງການກວດກາລັດຖະບານ ແລະ ພະນັກງານ-ລັດຖະກອນເຂົ້າຮ່ວມຮັບຟັງເປັນຈໍານວນຫລາຍ.

ກອງປະຊຸມດັ່ງກ່າວຈັດຂຶ້ນເພື່ອເປັນການຜັນຂະຫຍາຍ ແລະ ປະຕິບັດດຳລັດຂອງນາຍົກລັດຖະມົນຕີ ແລະ ບົດແນະນຳຂອງອົງການກວດກາລັດຖະບານ ກ່ຽວກັບການແຈ້ງຊັບສິນ ແລະ ລາຍຮັບຂອງພະນັກງານພາຍໃນສະພາແຫ່ງຊາດໃຫ້ມີຄວາມເປັນເອກະພາບ, ມີຄວາມໂປ່ງໃສ, ແນໃສ່ສະກັດກັ້ນ ແລະ ຕ້ານການສໍ້ລາດບັງຫລວງໃນກົງຈັກການຈັດຕັ້ງຂອງພັກ-ລັດ, ພ້ອມທັງເປັນບ່ອນອີງໃຫ້ແກ່ພະນັກງານ-ລັດຖະກອນໃນການແຈ້ງຊັບສິນ ແລະ ລາຍຮັບຂອງຕົນ.

- 1 1 - ສະພາເຜີຍແຜ່ວິທີແຈ້ງຊັບສິນ-ລາຍຮັບຂອງພະນັກງານລັດຖະກອນ
- Tiger Head 728x90 - ສະພາເຜີຍແຜ່ວິທີແຈ້ງຊັບສິນ-ລາຍຮັບຂອງພະນັກງານລັດຖະກອນ

ທ່ານ ສົມພູ ດວງສະຫວັນ ກ່າວວ່າ: ໃນໄລຍະຜ່ານມາໄດ້ມີການຈັດຕັ້ງການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນແລ້ວຮອບ 1 ໃນປີ 2014, ພ້ອມທັງໄດ້ປະຕິບັດດຳລັດເລກທີ 159 ຂອງນາຍົກລັດຖະມົນຕີ ວ່າດ້ວຍການແຈ້ງຊັບສິນ, ບົດແນະນຳເລກທີ 46 ຂອງອົງການກວດກາລັດຖະບານ, ຕາມການຕົກລົງຂອງຄະນະພັກສະພາແຫ່ງຊາດ ແລະ ແຜນການຂອງຄະນະກວດກາພັກສະພາແຫ່ງຊາດ ເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນພາຍໃນສະພາແຫ່ງຊາດມີຄວາມຮູ້ເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດຢ່າງເລິກເຊິ່ງ, ໂດຍສະເພາະແມ່ນນະໂຍບາຍການແຈ້ງຊັບສິນ-ລາຍຮັບ ແລະ ກົດໝາຍວ່າດ້ວຍການຕ້ານການສໍ້ລາດບັງຫລວງ. ຊຶ່ງຕາມທິດນຳລວມຂອງພັກຕໍ່ກັບການແກ້ໄຂບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນນັ້ນ, ກ່ອນອື່ນໝົດຕ້ອງເອົາໃຈໃສ່ສຶກສາອົບຮົມທັດສະນະແນວຄິດ, ຄວາມຮັບຮູ້ເຂົ້າໃຈຕໍ່ຜົນຮ້າຍຂອງການສໍ້ລາດບັງຫລວງ, ຕ້ອງມີຄວາມເປັນເອກະພາບສູງແຕ່ເທິງລົງລຸ່ມ, ເລີ່ມຈາກພະນັກງານນຳພາ-ຄຸ້ມຄອງແຕ່ລະຂັ້ນ ແລະ ຕ້ອງສຸມໃສ່ແກ້ໄຂການເສື່ອມເສຍດ້ານຄຸນທາດການເມືອງ, ຄຸນສົມບັດສິນທຳປະຕິບັດ, ແກ້ໄຂແນວຄິດຄອງເດີມ, ອັດຕະວິໄສ, ເຫັນແກ່ຍາດພີ່ນ້ອງ, ຈຸ້ມເຈື້ອເຊື້ອສາຍ, ພັກພວກ, ການສວຍໃຊ້ໜ້າທີ່ຕຳແໜ່ງ ເພື່ອຫາຜົນປະໂຫຍດສ່ວນຕົວ ແລະ ອື່ນໆ.

error: Content is protected !!