ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ

- Laos thai 1 -  ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ
- Untitled design -  ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ

ເພື່ອເພີ່ມທະວີການສົ່ງເສີມການຮ່ວມມືທາງດ້ານເຕັກນິກໃນວຽກງານຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມລະຫວ່າງສອງປະເທດລາວ-ໄທ ໃນທ້າຍອາທິດຜ່ານມານີ້ໄດ້ມີພິທີລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມລະຫວ່າງທ່ານ ສົມມາດ ພົນເສນາ ລັດຖະມົນ ຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານພົນເອກ ສຸຣະສັກ ການຈະນະຣັດ ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມແຫ່ງຣາຊະອານາຈັກໄທ. ໂດຍສອງຝ່າຍຈະສ້າງຄວາມເຂັ້ມແຂງໃຫ້ແກ່ການປະສານງານ ແລະ ການ ຮ່ວມມືດ້ານວິຊາການ, ການແລກປ່ຽນຄວາມຮູ້, ປະສົບການ ແລະ ການຈັດຕັ້ງປະຕິບັດຕົວຈິງ, ການສ້າງຄວາມອາດສາມາດ ແລະ ການຄົ້ນຄວ້າໃນຂົງເຂດຊັບພະຍາກອນທຳມະຊາດ ແລະ ສິ່ງແວດລ້ອມ ເປັນຕົ້ນແມ່ນການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມແບບຍືນຍົງ, ການວາງແຜນ ແລະ ນະໂຍບາຍດ້ານຊັບພະຍາກອນທຳມະຊາດ ແລະ ສິ່ງແວດລ້ອມ, ການປ້ອງກັນ ແລະ ຄວບຄຸມມົນລະພິດເຊັ່ນ: ມົນລະພິດທາງອາກາດ, ມົນ ລະພິດທາງນ້ຳ ແລະ ມົນລະພິດທາງດິນ ແລະ ລວມເຖິງການຄຸ້ມຄອງສານເຄມີ ແລະ ສິ່ງເສດເຫລືອທີ່ເປັນອັນຕະລາຍ, ການຄຸ້ມຄອງຊັບພະຍາກອນນ້ຳ ເປັນຕົ້ນແມ່ນການຈັດຕັ້ງປະຕິບັດພາຍໃຕ້ສັນຍາແມ່ນ້ຳຂອງ 1995, ການແກ້ ໄຂບັນຫາການປ່ຽນແປງດິນຟ້າອາກາດ, ການປະເມີນຜົນກະທົບດ້ານສິ່ງແວດລ້ອມ ແລະ ສັງຄົມ, ການປ້ອງກັນ ແລະ ແກ້ໄຂຂໍ້ຂັດແຍ່ງກ່ຽວກັບຊັບພະຍາກອນທຳມະຊາດ ແລະ ສິ່ງແວດລ້ອມ, ການແຈ້ງເຕື່ອນໄພທຳມະຊາດ ແລະ ໄພພິບັດ, ການພັດທະນາລະບົບສືບຢັ່ງທາງໄກ, ການພັດທະນາກົມກອງ ແລະ ຊັບພະຍາກອນມະນຸດໃນການສ້າງຈິດສຳນຶກດ້ານການອານຸລັກຊັບພະຍາກອນທຳມະຊາດ ແລະ ສິ່ງແວດລ້ອມໃຫ້ແກ່ສັງຄົມ ແລະ ຊຸມຊົນ.

ຈຸດປະສົງຂອງບົດບັນທຶກຄວາມເຂົ້າໃຈສະບັບນີ້ແມ່ນໄດ້ຕົກລົງເຫັນດີທີ່ຈະ ເສີມຂະຫຍາຍການຮ່ວມມືດ້ານເຕັກນິກສອງຝ່າຍໃນຂົງເຂດການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມພາຍໃຕ້ກົດໝາຍ ແລະ ນະໂຍບາຍແຫ່ງຊາດທີ່ບັງຄັບໃຊ້ໃນແຕ່ລະປະເທດບົນພື້ນຖານຄວາມສະເໝີພາບ ແລະ ໄດ້ຮັບຜົນປະໂຫຍດຮ່ວມກັນ. ບົດບັນທຶກຄວາມເຂົ້າໃຈສະບັບນີ້ບໍ່ມີຂໍ້ຜູກມັດໃດໆທາງດ້ານກົດໝາຍ.

- Wave100S AD to Website 2020 0 -  ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ
- WhatsApp Image 2020 05 27 at 5 -  ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ
- WhatsApp Image 2020 05 27 at 5 -  ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ
error: Alert: ເນື້ອຫາຂ່າວມີລິຂະສິດ !!