ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?

- 04 1 - ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?
- AGL banner - ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?

 

ລູກສາວຖາມແມ່ວ່າ : “ແມ່.. ເປັນຫຍັງແມ່ຈຶ່ງບໍ່ຄ່ອຍມີໝູ່ ເມື່ອເຮົາໃຫຍ່ຂຶ້ນ ຄົນທີ່ຮັກເຮົາຈະໜ້ອຍລົງແມ່ນບໍ່ ?”

ແມ່ຕອບວ່າ : “ບໍ່ແມ່ນແນວນັ້ນດອກລູກ. ເມື່ອເຮົາໃຫຍ່ຂຶ້ນ ເຮົາຈະເຫລືອຄົນທີ່ຮັກເຮົາແທ້ໆຫລາຍກ່ວາ. ເຮົາຈະມີຫລາຍຢູ່ຄຸນ ນະພາບ ບໍ່ໄດ້ຫລາຍຢູ່ຈຳນວນ, ເວລາຈະຄັດເລືອກຄົນທີ່ເໝາະສົມໄວ້ກັບເຮົາ, ຖ້າເປັນມິດ ກໍຈະເປັນມິດທີ່ມີຄຸນນະພາບ ແລະ ຮັກເຮົາ, ຖ້າເປັນສັດຕູ ທີ່ເຫລືອກໍຈະເປັນສັດຕູທີ່ຈະເປັນແຮງຊຸກຍູ້ໃຫ້ເຮົາຕໍ່ສູ້ເພື່ອທີ່ຈະກ້າວໜ້າຕໍ່ໄປ”.

ລູກສາວຖາມແມ່ຕໍ່ວ່າ : “ແລ້ວຖ້າມື້ໜຶ່ງ ລູກໃຫຍ່ພໍທີ່ຈະເລືອກທາງຊີວິດໄດ້ ແມ່ຈະບໍ່ຖິ້ມລູກໄປແມ່ນບໍ່ ?”

ແມ່ຕອບວ່າ : “ເມື່ອມື້ໜຶ່ງລູກເລືອກທາງຊີວິດເອງໄດ້ ແມ່ກໍຍັງຈະຄອຍຢູ່ຄຽງຂ້າງລູກຄືເກົ່າ, ແຕ່ເມື່ອລູກໃຫຍ່ຂື້ນ ລູກກໍຈະຕ້ອງ ຫາໃຜຈັກຄົນມາຍ່າງຂ້າງໆ ແມ່ກໍຈະຖອຍມາແລ່ນຢູ່ທາງຫລັງ ແຕ່ຍັງຄົງເຝົ້າເບິ່ງລູກຈົນມື້ໜຶ່ງແມ່ແລ່ນບໍ່ໄຫວ ແມ່ກໍຈະຢຸດ ແລ້ວເບິ່ງລູກຍ່າງຕໍ່ໄປ ຫລື ຈົນມື້ໜຶ່ງທີ່ແມ່ຕ້ອງຈາກໄປ ແມ່ກໍຍັງຈະແລ່ນຢູ່ໃນໃຈຂອງລູກຕະຫລອດການ. ຊີວິດແມ່ນການກ້າວ ຍ່າງໄປທາງໜ້າ, ແຕ່ລູກຕ້ອງຈື່ໄວ້ວ່າ ການກ້າວໄປຈະມີຄຸນຄ່າເຮົາຈະຕ້ອງບໍ່ລືມຄົນຂ້າງໆ ຫລື ແມ່ນແຕ່ຂ້າງຫລັງ ເພາະມັນ ແມ່ນພະລັງທັງໝົດທີ່ຄອຍຊຸກຍູ້ລູກໃຫ້ກ້າວໄປພ້ອມກັບພະລັງຂອງຕົນເອງ ຍິ່ງໃຫຍ່ຂຶ້ນ ຍິ່ງຍ່າງລຳພັງຫລາຍຂຶ້ນ, ຍິ່ງສູງຂຶ້ນ ຍິ່ງ ຮູ້ວ່າຄົນທີ່ຍ່າງຮ່ວມທາງມາກັບເຮົາຄ່ອຍໆຫາຍໄປເທື່ອລະຄົນໆ ສຸດທ້າຍ ເຮົາຈຶ່ງພົບວ່າ ໝູ່ທີ່ດີທີ່ສຸດໃນຊີວິດແມ່ນ ໂຕເຮົາເອງ. ຈົ່ງແຍກໃຫ້ອອກລະຫ່ວາງ ມິດຕະພາບ ກັບ ຜົນປະໂຫຍດ, ເຖິງຈະເປັນຄົນສະໜິດ ໝົດຜົນປະໂຫຍດ ເຂົາກໍບໍ່ເອົາ. ສິ່ງທີ່ຫາຍາກ ທີ່ສຸດແມ່ນຄວາມຈິງໃຈ, ນ້ຳອາດຈະເຮັດໃຫ້ຮອຍຕີນຂອງເຮົາຫາຍໄປ, ແຕ່ນ້ຳບໍ່ອາດເຮັດໃຫ້ເຮົາລືມວ່າ ເຮົາມາແຕ່ໃສ ແລະ ມາ ກັບໃຜ” – ແມ່ຕອບ ແລະ ຍິ້ມໃຫ້ລູກ ດ້ວຍຄວາມຮັກທີ່ເຕັມລົ້ນ.

- Wave100S AD to Website 2020 0 - ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?

ລູກບໍ່ຕອບຫຍັງ ມີແຕ່ຍ່າງຊ້າລົງ.

     ແມ່ສົງໄສຈຶ່ງຖາມວ່າ :  “ເປັນຫຍັງຈຶ່ງຍ່າງຊ້າລົງ ?”

     ລູກຕອບວ່າ : “ກໍຍ້ອນລູກຢາກມີເວລາຍ່າງກັບແມ່ດົນໆ”.

- lattana banner 1 - ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?
-    AD conten website - ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?
- lattana banner - ແມ່ນຫລືບໍ່ທີ່ອາຍຸຫລາຍຂຶ້ນແລ້ວຈະມີໝູ່ໜ້ອຍລົງ ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!