ໂຄງການກໍ່ສ້າງເສັ້ນທາງລົດໄຟລາວ-ຈີນຕ້ອງການແຮງງານລາວຫລາຍກວ່າ 7 ພັນຄົນ

- advert banner 728 90 728x90 - ໂຄງການກໍ່ສ້າງເສັ້ນທາງລົດໄຟລາວ-ຈີນຕ້ອງການແຮງງານລາວຫລາຍກວ່າ 7 ພັນຄົນ

- 28c8e3e84c4b95f111a8b2e80da6be47 L - ໂຄງການກໍ່ສ້າງເສັ້ນທາງລົດໄຟລາວ-ຈີນຕ້ອງການແຮງງານລາວຫລາຍກວ່າ 7 ພັນຄົນ

ສໍານັກຂ່າວສານປະເທດລາວ ລາຍງານວ່າ: ປັດຈຸບັນບໍລິສັດຜູ້ຮັບເໝົາກໍ່ສ້າງໂຄງການລົດໄຟລາວ-ຈີນ ມີຄວາມຕ້ອງການແຮງງານລາວຫລາຍກວ່າ 7 ພັນຄົນເພື່ອຕອບສະໜອງເຂົ້າໃນວຽກງານກໍ່ສ້າງ. ຂະນະທີ່ການກໍ່ສ້າງດັ່ງກ່າວມາຮອດປັດຈຸບັນມີຄວາມຄືບໜ້າດີຕາມແຜນການວາງໄວ້ ແລະ ເມື່ອທ້າຍອາທິດຜ່ານມານີ້, ກະຊວງໂຍທາທິການ ແລະ ຂົນສົ່ງໄດ້ຈັດກອງປະຊຸມຄະນະຊີ້ນຳໂຄງການກໍ່ສ້າງເສັ້ນທາງລົດໄຟລາວ-ຈີນ ຂຶ້ນຢູ່ນະຄອນຫລວງວຽງຈັນ, ໂດຍເປັນປະທານຂອງທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທັງເປັນຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟ ລາວ-ຈີນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ລັດຕະນະມະນີ ຄູນນີວົງ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ທັງເປັນຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ ໃຫ້ຮູ້ວ່າ: ພາຍຫລັງໄດ້ເລີ່ມລົງມືກໍ່ສ້າງມາແຕ່ທ້າຍປີ 2016 ຜ່ານມາ ແລະ ຮອດປັດຈຸບັນການກໍ່ສ້າງມີຄວາມຄືບໜ້າປະມານ 130 ກວ່າກິໂລແມັດ ເທົ່າກັບ 31% ຂອງຄວາມຍາວຈໍານວນທັງໝົດ 417 ກິໂລແມັດ, ໃນນີ້ໄດ້ເຈາະອຸໂມງ 49 ຈຸດໃນ 101 ຈຸດ ມີຄວາມຍາວໄດ້ 5.800 ກວ່າແມັດ, ເຈາະເສົາຂົວໄດ້ 268 ເສົາ, ສໍາເລັດການຕິດຕັ້ງໂຮງຊີມັງ 14 ແຫ່ງ, ຫ້ອງທົດລອງ 18 ແຫ່ງ, ສໍາເລັດການກໍ່ສ້າງແຄ້ມສຳລັບຜູ້ຮັບເໝົາ 88 ແຫ່ງ, ທີ່ສຶກສາໂຄງການ 12 ແຫ່ງລວມ 100 ແຫ່ງ, ກໍ່ສ້າງທາງຊອຍເພື່ອເຂົ້າຫາສະຖານທີ່ກໍ່ສ້າງ 657 ກວ່າກິໂລແມັດ, ກໍ່ສ້າງຂົວລວມຄວາມຍາວ 2.300 ກວ່າແມັດ, ຕິດຕັ້ງສາຍສົ່ງໄຟຟ້າຍາວກວ່າ 360 ກິໂລແມັດ, ຕິດຕັ້ງໝໍ້ແປງໄຟ 172 ໜ່ວຍ, ກໍ່ສ້າງລະບົບນໍ້າປະປາເຂົ້າຫາແຄ້ມ ແລະ ສະຖານທີ່ກໍ່ສ້າງ 77 ກິໂລແມັດ ແລະ ຄວາມຄືບໜ້າການລົງທຶນທັງໝົດທຽບໃສ່ແຜນການປີ 2017 ເທົ່າກັບ 30%, ເຊິ່ງແລວທາງລົດໄຟໄດ້ຜ່ານ 5 ແຂວງຄື: ຫລວງນໍ້າທາ, ອຸດົມໄຊ, ຫລວງພະບາງ, ແຂວງວຽງຈັນ ແລະ ນະຄອນຫລວງວຽງຈັນ, ໃນນີ້ ປະກອບມີ 32 ສະຖານີ, ກໍ່ສ້າງຂົວໃໝ່ 167 ແຫ່ງ, ອຸໂມງ 75 ແຫ່ງ (ອັດຕາສ່ວນຂົວ ແລະ ອຸໂມງເທົ່າກັບ 62%), ເສັ້ນທາງລົດໄຟຜ່ານເຂດພູດອຍ ກວມເອົາ 80% ສ່ວນທີ່ເຫລືອແມ່ນພູພຽງ ແລະ ທົ່ງພຽງ ແລະ ແຜນກໍ່ສ້າງຈະໃຫ້ສຳເລັດໃນ 5 ປີຄືແຕ່ 2016-2021.

- 1 1 - ໂຄງການກໍ່ສ້າງເສັ້ນທາງລົດໄຟລາວ-ຈີນຕ້ອງການແຮງງານລາວຫລາຍກວ່າ 7 ພັນຄົນ
- lattana 1 - ໂຄງການກໍ່ສ້າງເສັ້ນທາງລົດໄຟລາວ-ຈີນຕ້ອງການແຮງງານລາວຫລາຍກວ່າ 7 ພັນຄົນ

ສ່ວນວຽກຈຸດສຸມຈະປະຕິບັດຮອດທ້າຍປີ 2017 ແມ່ນສືບຕໍ່ຕິດຕາມບົດລາຍງານກ່ຽວກັບລາຄາຫົວໜ່ວຍຄ່າຊົດເຊີຍສິ່ງກີດຂວາງ ແລະ ເວນຄືນທີ່ດິນ, ສືບຕໍ່ປະສານສົມທົບເຈົ້າໜ້າທີ່ພາສີໃນການຄຸ້ມຄອງນໍ້າມັນເຊື້ອໄຟ, ວັດຖຸອຸປະ ກອນ, ຍານພາຫະນະທີ່ນຳເຂົ້າໃຫ້ຖືກຕ້ອງຕາມລະບຽບກົດໝາຍ ແລະ ນຳໃຊ້ຖືກເປົ້າໝາຍ, ສືບຕໍ່ປະສານສົມທົບພາກສ່ວນທີ່ກ່ຽວຂ້ອງເພື່ອອຳນວຍຄວາມສະດວກໃນການນຳວັດຖຸອຸປະກອນທາດລະເບີດເພື່ອມາຮັບໃຊ້ໂຄງການປະສານສົມທົບກັບກົມໃຫຍ່ເສນາທິການໃນການກວດກູ້ລະເບີດທີ່ຍັງບໍ່ທັນແຕກ ຕາມແລວທາງລົດໄຟໃນຈຸດທີ່ໄດ້ໄກ່ເກ່ຍກັບປະຊາຊົນ ແລະ ມີການປັກຫລັກໝາຍແລວທາງ ແລະ ກວດກູ້ລະເບີດທາງນໍ້າໃນພື້ນທີ່ຈະກໍ່ສ້າງຂົວແມ່ນໍ້າຂອງ 2 ແຫ່ງ ແລະ ຂົວນໍ້າຄານ 2 ແຫ່ງ. ປັດຈຸບັນວຽກຮີບດ່ວນຢູ່ໂຄງການກໍ່ສ້າງ ແມ່ນມີຄວາມຕ້ອງການແຮງງານລາວປະມານ 7 ພັນກວ່າຄົນ ເພື່ອບັນຈຸເຂົ້າໃນໜ້າວຽກສໍາຄັນຕ່າງໆ, ຊຶ່ງຈະມີການປະກາດຮັບສະໝັກແຮງງານລາວໃນໄວໆນີ້ ແລະ ເປັນໂອກາດອັນດີໃນການສ້າງວຽກເຮັດງານທໍາໃຫ້ກັບປະຊາຊົນທ້ອງຖິ່ນ.

error: Content is protected !!