ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ

- 1456 - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ
- AGL banner - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ

ເຈົ້ານະຄອນຫລວງພະບາງ ໄດ້ອອກຄຳສັ່ງ ເລກທີ 1000/ຈນ.ຫຼບ ລົງວັນທີ 11 ກັນຍາ 2021 ວ່າດ້ວຍການເພີ່ມທະວີເຂັ້ມງວດ ເພື່ອປ້ອງກັນ, ສະກັດກັ້ນ ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຢູ່ນະຄອນ ຫລວງພະບາງ ໂດຍອີງໃສ່ສະພາບການແພ່ລະບາດຂອງພະຍາດໂຄວິດ-19 ຢູ່ນະຄອນ ຫລວງພະບາງ ຍັງມີທ່າອ່ຽງຂະຫຍາຍເປັນວົງກ້ວາງຢູ່ໃນບັນດາສູນກັກກັນ ແລະ ເຂດຊຸມຊົນ ສະນັ້ນ, ທຸກພາກສ່ວນໃນສັງຄົມຕ້ອງເປັນເຈົ້າການປະຕິບັດບັນດາມາດ ຕະການຕ່າງໆຂອງຄະນະສະເພາະກິດວາງອອກ ດ້ວຍຄວາມຕື່ນຕົວ ແລະ ເຂັ້ມງວດດັ່ງນີ້:

- 15268 213x300 - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ

  1. ຫ້າມພະນັກງານທີ່ຮັບຜິດຊອບປະຈໍາຢູ່ສູນກັກກັນ ກັບບ້ານເດັດຂາດ ແລະ ໃຫ້ປະຈໍາການປະຕິບັດຫນ້າທີ່ຢູ່ສູນເປັນປົກກະຕີ ຍົກເວັ້ນໄດ້ຮັບການອານຸຍາດຈາກຄະນະສະເພາະກິດ, ເພື່ອຮັບປະກັນໃຫ້ມີຄວາມປອດໄພຕໍ່ຄອບຄົວ, ສັງຄົມ ແລະ ການຈັດຕັ້ງ.
  2. ຫ້າມບໍ່ໃຫ້ຄົນນອກເຂົ້າສູນ ແລະ ຄົນຢູ່ໃນສູນອອກນອກເດັດຂາດ ນັບທັງບຸກຄົນ, ແຮງງານທີ່ກັກກັນຄົບ 14ວັນ ແລະ ບໍ່ຮັບແຮງງານເຂົ້າໃໝ່ ຍົກເວັ້ນໄດ້ຮັບອານຸຍາດຈາກຄະນະສະເພາະກິດຂັ້ນແຂວງ, ຂັ້ນນະຄອນ ເສຍກ່ອນ.
  3. ສໍາລັບພະນັກງານ, ຄອບຄົວ ແລະ ບຸກຄົນທີ່ໄດ້ຜູ້ສໍາພັດ, ໃກ້ຊິດກັບຜູ້ຕິດເຊື້ອໂຄວິດ-19 ຢູ່ສູນ ຕ້ອງຈໍາກັດບໍລິເວນຢູ່ສູນ ຫລື ຢູ່ເຮືອນຂອງຕົນ (ຫ້າມໄປເຄື່ອນໄຫວຢູ່ຊຸມຊົນ ແລະ ສະຖານທີ່ຕ່າງໆເປັນເດັດຂາດ).
  4. ຫ້າມບໍ່ໃຫ້ຂາຍເຄື່ອງຢູ່ພາຍໃນສູນ, ສະຖານທີ່ອ້ອມຂ້າງ ແລະ ຫ້າມພະນັກງານ, ຜູ້ກັກກັນຢູ່ພາຍໃນສູນສັ່ງອາຫານຜ່ານທາງຝູດແພນດາ (food panda) ຢ່າງເດັດຂາດ.
  5. ມອບໃຫ້ ຄະນະສະເພາະກິດຂັ້ນນະຄອນ ຮີບຮ້ອນ ລົງສົມທົບກັບຄະນະຮັບຜິດຊອບສູນ ແລະ ພາກສ່ວນທີ່ກ່ຽວຂ້ອງ ສືບສວນ-ສອບສວນ ເກັບກໍາຂໍ້ມູນຕົວຈິງຜູ້ສໍາພັດໃກ້ສິດກັບຜູ້ຕິດເຊື້ອໃຫ້ລະອຽດພ້ອມທັງລາຍງານໃຫ້ຄະນະສະເພາະກິດຂັ້ນແຂວງຮັບຊາບ ແລະ ແກ້ໄຂທັນເວລາ.
  6. ໃຫ້ຄະນະຮັບຜິດຊອບປະຈໍາຢູ່ສູນຕ່າງໆຕ້ອງເພີ່ມທະວີເຂັ້ມງວດໃນການຄຸ້ມຄອງ, ບໍລິຫານຈັດການສູນຢ່າງເປັນລະບົບ ແລະ ຮັບປະກັນໃຫ້ມີຄວາມປອດໄພ ເປັນຕົ້ນ: ການພົວພັນວຽກງານ, ການເຄື່ອນໄຫວໄປມາ, ການກິນການຢູ່ ແລະ ການຮັກສາຄວາມສະອາດ.
  7. ຄໍາສັ່ງສະບັບນີ້ ມີຜົນບັງຄັບໃຊ້ ນັບແຕ່ວັນທີ 11 ກັນຍາ 2021 ເປັນຕົ້ນໄປ ຈົນກ່ວາຈະມີການປ່ຽນແປງ.

 

- Wave100S AD to Website 2020 0 - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ
-    AD conten website - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ
- lattana banner 1 - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ
- lattana banner - ດ່ວນ! ເຈົ້ານະຄອນຫລວງພະບາງ ອອກຄຳສັ່ງເພີ່ມທະວີເຂັ້ມງວດຢ່າງເດັດຂາດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!