ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ

- 106924460 1628591046585 gettyimages 1233047909 nair notitle210522 npuBH - ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ
- AGL banner - ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ

ສິງກະໂປຍົກເລີກມາດຕະການເວັ້ນໄລຍະຫ່າງທາງສັງຄົມທີ່ເຂັ້ມງວດ ປ່ຽນມາໃຊ້ກົນລະຍຸດຢູ່ຮ່ວມກັບໂຄວິດ-19 ເຖິງວ່າຈຳນວນຜູ້ຕິດເຊື້ອໃນປະເທດຍັງເພີ່ມຂຶ້ນຈາກການແຜ່ລະບາດຂອງໄວຣັສສາຍພັນເດວຕາ.

ວັນທີ 10 ກັນຍາ 2021, ສຳນັກຂ່າວຕ່າງປະເທດລາຍງານວ່າ: ກະຊວງສາທາລະນະສຸກສິງກະໂປປ່ຽນມາໃຊ້ກົນລະຍຸດຢູ່ຮ່ວມກັບໄວຣັສໂຄວິດ-19 ແທນມາດຕະການຮັກສາໄລຍະຫ່າງທາງສັງຄົມທີ່ເຂັ້ມງວດ ເຖິງວ່າຍັງພົບຜູ້ຕິດເຊື້ອໃນປະເທດເພີ່ມຂຶ້ນຕໍ່ເນື່ອງ.

“ຈຳນວນຜູ້ຕິດເຊື້ອທີ່ເພີ່ມຂຶ້ນຢ່າງວ່ອງໄວ ແລະ ເປັນທະວີຄູນທີ່ພວກເຮົາກຳລັງປະສົບຢູ່ໃນປັດຈຸບັນ ຄືສິ່ງທີ່ທຸກປະເທດຫວັງທີ່ໃຊ້ນະໂຍບາຍການຢູ່ຮ່ວມກັບໂຄວິດ-19 ຈະຕ້ອງຜ່ານພົ້ນໄປໃຫ້ໄດ້” ທ່ານ ອອງ ຢີ ກຸງ ລັດຖະມົນຕີກະຊວງສາທາລະນະສຸກ ກ່າວໃນການບັນຍາຍ.

ສິງກະໂປກຳລັງຜະເຊີນການແຜ່ລະບາດຂອງໄວຣັສໂຄວິດ-19 ສາຍພັນເດວຕາ ສົ່ງຜົນໃຫ້ຈຳນວນຜູ້ຕິດເຊື້ອໂຄວິດ-19 ໃນສິງກະໂປກັບມາເພີ່ມຂຶ້ນຢ່າງວ່ອງໄວ ໂດຍໃນວັນທີ 9 ກັນຍາ ຈຳນວນຜູ້ຕິດເຊື້ອໃໝ່ສູງເຖິງ 450 ຄົນ ເຊິ່ງເປັນຕົວເລກສູງສຸດໃນຮອບໜຶ່ງປີ ແລະ ຄາດວ່າຈຳນວນຜູ້ຕິດເຊື້ອອາດເພີ່ມຂຶ້ນເກີນ 1.000 ຄົນຕໍ່ວັນໃນອີກບໍ່ດົນ.

ກ່ອນໜ້ານີ້, ລັດຖະບານສິງກະໂປໄດ້ປະກາດຍຸດທະສາດການຮັບມືກັບໂຄວິດ-19 ຈາກນະໂຍບາຍພະຍາຍາມເຮັດໃຫ້ໄວຣັສໝົດໄປຈາກປະເທດ ມາເປັນການຢູ່ຮ່ວມກັບໄວຣັສ ດ້ວຍການພະຍາຍາມຄຸມການແຜ່ລະບາດດ້ວຍວັກຊີນ ແລະ ເຝົ້າລະວັງອັດຕາຜູ້ຕິດເຊື້ອທີ່ຕ້ອງເຂົ້າປິ່ນປົວໃນໂຮງໝໍ ແທນການຕັ້ງຂໍ້ຈຳກັດການດຳລົງຊີວິດຂອງປະຊາຊົນ.

ເຖິງຢ່າງໃດກໍຕາມ, ການແຜ່ລະບາດຮອບໃໝ່ເຮັດໃຫ້ມາດຕະການເປີດເສດຖະກິດຮອບໃໝ່ຕາມຍຸດທະສາດດັ່ງກ່າວຂອງສິງກະໂປຕ້ອງສະດຸດລົງ ໂດຍທ່ານ ລໍເຣນ ຫວ່ອງ ລັດຖະມົນຕີກະຊວງການເງິນ ແລະ ປະທານຮ່ວມຂອງຄະນະສະເພາະກິດຕ້ານໂຄໂຣນາໄວຣັສຂອງສິງກະໂປ ລະບຸວ່າ: ຕົວບົ່ງຊີ້ສຳຄັນໃນການຕັດສິນໃຈເປີດເສດຖະກິດຮອບໃໝ່ຄືຈຳນວນຜູ້ຕິດເຊື້ອອາການໜັກໃນຫ້ອງໄອຊີຢູໃນໄລຍະ 2-4 ອາທິດຕໍ່ໜ້າ.

- Wave100S AD to Website 2020 0 - ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ

ທັງນີ້, ສິງກະໂປເປັນໜຶ່ງໃນປະເທດທີ່ມີອັດຕາການສັກວັກຊີນປ້ອງກັນໂຄວິດ-19 ສູງທີ່ສຸດໃນໂລກ, ປັດຈຸບັນມີປະຊາກອນຫລາຍກວ່າ 80% ສັກວັກຊີນຄົບ 2 ໂດສແລ້ວ.

ອ້າງອີງ:

https://www.reuters.com/…/singapore-maintains-current…/

https://www.cnbc.com/…/covid-singapore-refrains-from…

- lattana banner - ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ
- lattana banner 1 - ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ
-    AD conten website - ສິງກະໂປຍົກເລີກມາດຕະການເຂັ້ມງວດ ປ່ຽນໃຊ້ແນວທາງຢູ່ຮ່ວມກັບໂຄວິດ ເຖິງວ່າຍອດຕິດເຊື້ອໃນປະເທດຍັງເພີ່ມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!