ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ

- WhatsApp Image 2021 09 13 at 8 - ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ
- AGL banner - ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ

ຄະນະກໍາມະການຈັດຕັ້ງລາງວັນທຸລະກິດສາກົນ “Stevie Award, The 2021 International Business Awards®️” ໄດ້ປະກາດຢ່າງເປັນທາງການວ່າ: ບໍລິສັດ ສະຕາໂທລະຄົມ ຈຳກັດ ຫລື  ຢູນີເທວ (Unitel) ເປັນບໍລິສັດທີ່ໄດ້ຮັບລາງວັນຫລຽນທອງ ໃນຫົວຂໍ້ “ບໍລິສັດເຕັກໂນໂລຊີປະດິດສ້າງທີ່ສຸດແຫ່ງປີ” ຫລື  Most Innovative Tech Company of the Year, ເຊິ່ງເປັນບໍລິສັດ ທຳອິດໃນ ສປປ ລາວ ທີ່ໄດ້ຮັບລາງວັນນີ້ ພ້ອມກັບບັນດາ ບໍລິສັດເຕັກໂນໂລຊີທີ່ມີຊື່ສຽງໃນປະເທດອິນເດຍ, ອາເມລິກາ ແລະ ປະເທດ ຫວຽດນາມ.

https://stevieawards.com/iba/company-organization-awards-winners-3

ລາງວັນ “Most Innovative Tech Company of the Year” ເປັນການຢັ້ງຢືນວ່າ ຢູນີເທວ ເປັນເຄືອຂ່າຍນໍາໜ້າ ແລະ ເປັນເຄືອຂ່າຍບຸກເບີກຄົ້ນຄິດໃນການສ້າງຜະລິດຕະພັນໃໝ່ໆອອກສູ່ສັງຄົມ ເພື່ອຫັນປ່ຽນດີຈີຕອນໃນລາວ, ຮັກສາຕໍາແໜ່ງເປັນຜູ້ ບຸກເບີກ ແລະ ສ້າງຜະລິດຕະພັນ/ການບໍລິການໃໝ່  ເພື່ອຮັບໃຊ້ສັງຄົມ ແລະ ຄົນລາວ, ລາງວັນດັ່ງກ່າວ ຍັງສະແດງໃຫ້ເຫັນເຖິງຄວາມພະຍາຍາມຢ່າງຕໍ່ເນື່ອງຂອງ ຢູນີເທວ ໃນການພັດທະນາ ແລະ ປະດິດສ້າງໃນການສະໜອງ ຜະລິດຕະພັນ ແລະ ການບໍລິການດ້ວຍເຕັກໂນໂລຊີ ແລະ ຄຸນນະພາບຕາມມາດຕະຖານສາກົນ.

ປັດຈຸບັນ, ຢູນີເທວ ກຳລັງປະຕິບັດພາລະກິດໃໝ່ ເພື່ອສົ່ງເສີມການຫັນເປັນດີຈີຕອນ ຢູ່ໃນ ສປປ ລາວ, ເລີ່ມແຕ່ປີ 2019 ຢູນີເທວ ເປັນຜູ້ບຸກເບີກການຫັນປ່ຽນດີຈີຕອນໃນການດໍາເນີນງານພາຍໃນ ແລະ ການບໍລິການທຸລະກິດໃນລາວ, ຢູນີເທວ ແມ່ນເຄືອຂ່າຍທຳອິດ ໃນສ ປປ ລາວ ທີ່ຂະຫຍາຍ ແລະ ສຳເລັດການນໍາໃຊ້ເຕັກໂນໂລຊີຂໍ້ມູນຂ່າວສານ ແລະ ການບໍລິການທີ່ທັນສະໄໝໃນໂລກ ເຊັ່ນ: ການບໍລິການ eSIM (ເດືອນກຸມພາ 2019), ເຕັກໂນໂລຍີ NB-IoT (ເດືອນກຸມພາ 2020), ເຕັກໂນໂລຍີ 5G (ເດືອນຕຸລາ 2019). ພ້ອມນີ້, Unitelຍັງເປັນຜູ້ໃຫ້ບໍລິການເຄືອຂ່າຍທຳອິດໃນລາວ ທີ່ໄດ້ຮ່ວມມືກັບ ບັນດາບໍລິສັດທີ່ມີຊື່ສຽງໃນໂລກເຊັ່ນ: Facebook, Youtube, Wechatເພື່ອອອກແບບແຜນການຜະລິດຕະພັນ ທີ່ນຳເອົາຜົນປະໂຫຍດຫລາຍຢ່າງມາສູ່ລູກຄ້າ. ລວມເຖິງແອັບ MyUnitelເຊິ່ງເປັນແອັບພລິເຄຊັນດີຈີຕອນ ທີ່ເບິ່ງແຍງລູກຄ້າຕະຫລອດ 24 ຊົ່ວໂມງໃນແຕ່ລະວັນ ແລະ ໄດ້ຮັບການຕອບຮັບເປັນຢ່າງດີຈາກລູກຄ້າ ດ້ວຍການລົງທະບຽນ App ທັງໝົດ 1.4 ລ້ານຄົນ ແລະ ດາວໂຫລດ App ສະເລ່ຍຕໍ່ເດືອນ ແມ່ນ 50.000 ຄັ້ງ.

ນັບແຕ່ປີ 2019 ເປັນຕົ້ນມາ ຢູນີເທວ ໄດ້ຮັບຄວາມໄວ້ວາງໃຈຈາກລັດຖະບານ ແລະ ທຸລະກິດຢູ່ລາວ ເພື່ອຄັດເລືອກເປັນຄູ່ຮ່ວມງານ ເພື່ອຮ່ວມກັນສ້າງ ແລະ ການບໍລິ ການໃຫ້ຄໍາປຶກສາ ເພື່ອສະໜອງດ້ານເຕັກໂນໂລຊີ (Solution), ການແກ້ໄຂບັນຫາຊອບແວ (Software-Solution), ເປັນທີ່ປຶກສາ ແລະ ການແກ້ໄຂບັນຫາເຕັກໂນໂລຊີ ສໍາລັບລະບົບຕ່າງໆເຊັ່ນ: ສູນຂໍ້ມູນ Data Ce, AI, ຄວາມປອດໄພທາງໄຊເບີ Cyber security, Cloud (Camera, Storage, Server, VDI). …ພ້ອມ ກັນນັ້ນ Unitelໄດ້ຈັດຕັ້ງປະຕິບັດຫລາຍໂຄງການທີ່ສໍາຄັນ ກ່ຽວກັບລັດຖະບານເອເລັກໂຕຣນິກ e-Government ສໍາລັບປະເທດຊາດ ເຊັ່ນ: ລະບົບການຄຸ້ມຄອງຂໍ້ມູນພົນລະເມືອງ, ລະບົບການຈັດການເອກະສານເອເລັກໂຕຣນິກ, ການແຂ່ງຂັນກິລາໂອລິມປິກລາວ, ທະນາຄານຫລັກ, ປະຕູການຊໍາລະເງິນແຫ່ງຊາດ(ເງິນມືຖື), ບໍລິການ ຢູມັນນີ, ລະບົບຊົນລະປະ ທານເປັນດີຈີຕອນ ແລະ ອື່ນໆ.

ພ້ອມດຽວກັນນັ້ນ, ໃນໄລຍະການລະບາດຂອງພະຍາດໂຄວິດ-19 ຢູນີເທວ ເປັນຜູ້ບຸກເບີກໃນການສະໜັບສະໜູນ ລັດຖະບານ ແລະ ປະຊາຊົນລາວ ເພື່ອຕໍ່ສູ້ກັບພະຍາດcovid-19 ດ້ວຍວິທີແກ້ໄຂທາງດ້ານເຕັກໂນໂລຊີ ສະໜັບສະໜູນລະບົບຄຸ້ມຄອງການສັກວັກຊິນແຫ່ງຊາດ ໃຫ້ກະຊວງສາທາລະນະສຸກ, ສະໜັບສະໜູນເປັນເງິນສົດ, ມູນຄ່າໂທ ແລະ ດາຕ້າ ໃຫ້ແກ່ແພດໝໍ ແລະ ອື່ນໆ ດ້ວຍມູນຄ່າການສະໜັບສະໜູນ ທັງໝົດສູງເຖິງ 12 ຕື້ກີບ.

ການຫັນປ່ຽນດີຈີ ຢ່າງວ່ອງໄວ ແມ່ນໂອກາດອັນຍິ່ງໃຫຍ່ຂອງ Unitelແລະ ແມ່ນຄວາມໄດ້ປຽບດ້ານການແຂ່ງຂັນຫລາຍກວ່າຄູ່ແຂ່ງອື່ນ ໃນລາວ, ໃນລະຫວ່າງປີ 2018-2020 ບໍລິສັດໄດ້ສົ່ງເສີມເຕັກໂນໂລຊີ 4G ໂດຍການຕິດຕັ້ງເພີ່ມເຕີມ 3.800 ສູນສະຖານີ 4G ເພື່ອຂະຫຍາຍເຂດສົ່ງສັນຍານເຖິງ  95%  ຈໍານວນປະຊາຊົນ ແລະ ຂະຫຍາຍສາຍໃຍແກ້ວນໍາແສງໄດ້ຫລາຍກວ່າ 3.000 ກິໂລແມັດ. ກ່ອນໜ້ານີ້, ປະເທດລາວເປັນທີ່ຮູ້ຈັກເປັນໜຶ່ງໃນ “ເຂດສີຂາວຂອງການສື່ສານ”, ເຊິ່ງນັບຕັ້ງແຕ່ເວລາເຄື່ອຂ່າຍ ຢູນີເທວ ໄດ້ຮັບສະໜອງສູ່ສັງຄົມລາວ ເຮັດໃຫ້ປະຊາຊົນທີ່ໄດ້ເຂົ້າເຖິງບໍລິການໂທລະສັບມືຖືໄດ້ເພີ່ມຂຶ້ນເປັນ 6 ເທົ່າ, ຈາກ 18% ມາເປັນ 95%. ດ້ວຍການປະກອບສ່ວນຢ່າງຕັ້ງໜ້າ ຂອງຢູນີເທວ ໃນການສ້າງພື້ນຖານໂຄງລ່າງເຄືອຂ່າຍ, ການສື່ສານໂທລະຄົມມະນາ ຄົມໄດ້ປົກຄຸມທົ່ວປະເທດ, ຢູນີເທວ ໄດ້ປົກຄຸມສັນຍາເຖິງ 100% ຂອງບັນດາເມືອງໃນລາວ; ຢູນີເທວ ໄດ້ເຮັດໃຫ້ລາວ ກາຍເປັນໜຶ່ງໃນບັນດາປະເທດທີ່ມີພື້ນຖານໂຄງລ່າງໂທ ລະຄົມມະນາຄົມ ທີ່ກວ້າງຂວາງທີ່ສຸດຢູ່ໃນພາກພື້ນອາຊຽນ ດ້ວຍການປົກຄຸມ ແລະ ຄວາມໄວ 4G ທີ່ດີທີ່ສຸດ (ຄວາມໄວການດາວໂຫລດບັນລຸ 187Mbps/s) ໃນຂອບເຂດອາຊີຕາເວັນອອກສ່ຽງໃຕ້.

ສຳລັບຄາດໝາຍທ້າຍປີ 2021, ລວມຍອດລາຍຮັບສະສົມຫລາຍກວ່າ 1,8 ຕື້ ໂດລາສະຫະລັດ, ສະສົມກຳໄລກ່ອນເສຍພາສີຫລາຍກວ່າ 700 ລ້ານໂດລາສະຫະລັດ. Unitelໄດ້ປະກອບສ່ວນເຂົ້າງົບປະມານຂອງລັດຫລາຍກວ່າ 500 ລ້ານໂດລາສະຫະລັດ ແລະ ນໍາຜົນກໍາໄລມາສູ່ອຸດສາຫະກໍາການສື່ສານຢູ່ລາວ 306 ລ້ານໂດລາ.

- Wave100S AD to Website 2020 0 - ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ

ຢູນີເທວໄດ້ຮັບການຢັ້ງຢືນຈາກສາກົນ, ເຊິ່ງມີຫລາຍໆລາງວັນທີ່ຢັ້ງຢືນວ່າ ຢູນີເທວແມ່ນເຄື່ອຂ່າຍດຽວ ແລະ ເຄື່ອຂ່າຍຜູ້ໃຫ້ບໍລິການທີ່ຢືນໃນແຖວໜ້າຂອງຜູ້ໃຫ້ບໍລິການດ້ານໂທລະຄົມມະນາຄົມ ແລະ ການສະໜອງດ້ານເຕັກໂນໂຊຊີ ທີ່ທັນສະໄໝເຊັ່ນ:

(1) ປີ 2016 ເຄື່ອງໝາຍການຄ້າໂທລະຄົມ ທີ່ດໍາເນີນທຸລະກິດປະສົບຜົນສໍາເລັດ ແລະ ປະສິດພາບອັນ 1 ໃນບັນດາປະເທດ ອາຊີຕາເວັນອອກສ່ຽງໃຕ້, ອີງຕາມການຕີຄາລາຂອງ ອົງການ Brand Finance, ຕິດອັນດັບ Top 30 ເຄື່ອງໝາຍການຄ້າໂທລະຄົມທີ່ມີຄຸນຄ່າທີ່ສຸດໃນພາກພື້ນ ແລະ ອັນດັບທີ 1 ໃນທ້ອງຕະ ຫລາດຂອງລາວ.

(2) ປີ 2019: ໄດ້ຮັບລາງວັນຫລຽນໄຊ ອິດສະຫລະ ຊັ້ນ 1 ແລະ ຫລຽນໄຊ ພັດ ທະນາ ຊັ້ນ 1 ຈາກລັດຖະບານລາວ; ຫລຽນໄຊແຮງງານ ຊັ້ນ 3 ຈາກ ລັດຖະ ບານຫວຽດນາມ ມອບໃຫ້.

(3) ປີ 2020: ໄດ້ຮັບລາງວັນ ຫລຽນຄໍາ “ຜະລິດຕະພັນເຕັກໂນໂລຊີ ທີ່ດີທີ່ສຸດໃຫ້ກັບລັດຖະບານລາວ”ມອບໂດຍອົງການ IT World Award ແລະ ລາງວັນ ຫລຽນທອງແດງ “ນະວັດຕະກໍາ ໃນການບໍລິການບໍລິຫານຂອງພາກລັດ”ມອບໂດຍອົງການ Stevie Awards.

(4) ປີ 2020: ບໍລິການ U-money ໄດ້ຮັບລາງວັນຫລຽນເງິນ “ນະວັດຕະກໍາ ດ້ານຜະລິດຕະພັນ ແລະ ການບໍລິການສໍາລັບຜູ້ບໍລິໂພກ”ມອບໂດຍອົງການ Asia Pacific Stevie Awards ແລະ ໄດ້ຮັບລາງວັນຫລຽນເງິນ “ຜະລິດຕະພັນ ແລະ ການບໍລິການໄອທີ ທາງດ້ານການເງິນ, ທະນາຄານ ແລະ ປະກັນໄພ”ມອບໂດຍອົງການIT World Award.

- lattana banner - ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ
- lattana banner 1 - ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ
-    AD conten website - ຢູນີເທວ ໄດ້ຮັບການຢັ້ງຢືນເປັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!