ສປປ ເກົາຫລີ ເຜີຍທົດລອງລູກສອນໄຟໄລຍະໄກລຸ້ນໃໝ່ສຳເລັດ ກ່ອນຜູ້ແທນອາເມລິກາ, ຍີ່ປຸ່ນ ແລະ ສ.ເກົາຫລີ ເລັ່ງຫາລືເຈລະຈາປົດອາວຸດນິວເຄຼຍອີກ

- AGL banner - ສປປ ເກົາຫລີ ເຜີຍທົດລອງລູກສອນໄຟໄລຍະໄກລຸ້ນໃໝ່ສຳເລັດ ກ່ອນຜູ້ແທນອາເມລິກາ, ຍີ່ປຸ່ນ ແລະ ສ.ເກົາຫລີ ເລັ່ງຫາລືເຈລະຈາປົດອາວຸດນິວເຄຼຍອີກ

ວັນທີ 12 ກັນຍາ 2021: ສຳນັກຂ່າວທາງການ ສປປ ເກົາຫລີ ລາຍງານຜົນສຳເລັດຂອງການທົດລອງລູກສອນໄຟໄລຍະໄກລຸ້ນໃໝ່ທີ່ມີການພັດທະນາໃນໄລຍະ 2 ປີຜ່ານມາ ໂດຍສາມາດຍິງເຂົ້າສູ່ເປົ້າມາຍທີ່ຢູ່ອອກໄປໄກເຖິງ 1.500 ກິໂລແມັດ ໄດ້ສຳເລັດ. ເຖິງຢ່າງໃດກໍຕາມ, ກອງທັບ ສ.ເກົາຫລີ ຍັງບໍ່ໄດ້ຢືນຢັນເລື່ອງການທົດລອງລູກສອນໄຟໃນຄັ້ງນີ້ແຕ່ຢ່າງໃດ.

ໂດຍ ສປປ ເກົາຫລີ ປະກາດຜົນສຳເລັດໃນຄັ້ງນີ້ກ່ອນໜ້າຜູ້ແທນທາງການອາເມລິກາ, ຍີ່ປຸ່ນ ແລະ ສ.ເກົາຫລີ ຈະເຂົ້າຮ່ວມປະຊຸມຫາລືເຖິງແນວທາງໃນການກັບມາເປີດພື້ນທີ່ເຈລະຈາ ເພື່ອປົດອາວຸດນິວເຄຼຍຂອງ ສປປ ເກົາຫລີ ອີກ ຢູ່ນະຄອນຫລວງໂຕກຽວພຽງ 1 ວັນເທົ່ານັ້ນ.

ທາງການ ສປປ ເກົາຫລີ ຍັງລະບຸອີກວ່າ: ລູກສອນໄຟໄລຍະໄກລຸ້ນໃໝ່ນີ້ຈະເປັນອາວຸດທາງຍຸດທະສາດທີ່ສຳຄັນທີ່ຕອບຮັບກັບວິໄສທັດຂອງທ່ານ ກິມຈອງອຸນ ຜູ້ນຳສູງສຸດຂອງ ສປປ ເກົາຫລີ ທີ່ຕ້ອງການຈະເສີມສ້າງຄວາມເຂັ້ມແຂງໃຫ້ກອງທັບ ເຊິ່ງໃນຄັ້ງນີ້ທ່ານ ກິມຈອງອຸນ ບໍ່ໄດ້ເດີນທາງມາເບິ່ງການທົດລອງແຕ່ຢ່າງໃດ, ແຕ່ເປັນທ່ານ ພັກຈຸງຊອນ ໜຶ່ງໃນໂປລິດບູໂຣຄົນສຳຄັນຂອງພັກແຮງງານເກົາຫລີ.

ກ່ອນໜ້ານີ້, ທາງການ ສປປ ເກົາຫລີ ທົດລອງລູກສອນໄຟຄັ້ງຫລ້າສຸດໃນເດືອນມີນາ ແລະ ຫລັງຈາກທີ່ປະທານາທິບໍດີ ໂຈ ໄບເດນ ເຂົ້າຮ່ວມພິທີສາບານເຂົ້າຮັບຕຳແໜ່ງຜູ້ນຳຄົນໃໝ່ຂອງອາເມລິກາ ໄດ້ພຽງບໍ່ເທົ່າໃດຊົ່ວໂມງ ໃນເດືອນກໍລະກົດ 2021 ໂດຍທ່ານ ໄບເດນ ລະບຸວ່າ: ຊ່ອງທາງໃນການເຈລະຈາທາງການທູດກັບ ສປປ ເກົາຫລີ ເພື່ອປົດອາວຸດນິວເຄຼຍຍັງເປີດຢູ່, ແຕ່ຍັງບໍ່ມີຄວາມຕັ້ງໃຈທີ່ຈະຫລຸດຜ່ອນມາດຕະການຂວ້ຳບາດຕໍ່ ສປປ ເກົາຫລີ ໃນບັນຫານີ້.

- Wave100S AD to Website 2020 0 - ສປປ ເກົາຫລີ ເຜີຍທົດລອງລູກສອນໄຟໄລຍະໄກລຸ້ນໃໝ່ສຳເລັດ ກ່ອນຜູ້ແທນອາເມລິກາ, ຍີ່ປຸ່ນ ແລະ ສ.ເກົາຫລີ ເລັ່ງຫາລືເຈລະຈາປົດອາວຸດນິວເຄຼຍອີກ

ອ້າງອີງ:

-    AD conten website - ສປປ ເກົາຫລີ ເຜີຍທົດລອງລູກສອນໄຟໄລຍະໄກລຸ້ນໃໝ່ສຳເລັດ ກ່ອນຜູ້ແທນອາເມລິກາ, ຍີ່ປຸ່ນ ແລະ ສ.ເກົາຫລີ ເລັ່ງຫາລືເຈລະຈາປົດອາວຸດນິວເຄຼຍອີກ
- lattana banner 1 - ສປປ ເກົາຫລີ ເຜີຍທົດລອງລູກສອນໄຟໄລຍະໄກລຸ້ນໃໝ່ສຳເລັດ ກ່ອນຜູ້ແທນອາເມລິກາ, ຍີ່ປຸ່ນ ແລະ ສ.ເກົາຫລີ ເລັ່ງຫາລືເຈລະຈາປົດອາວຸດນິວເຄຼຍອີກ
- lattana banner - ສປປ ເກົາຫລີ ເຜີຍທົດລອງລູກສອນໄຟໄລຍະໄກລຸ້ນໃໝ່ສຳເລັດ ກ່ອນຜູ້ແທນອາເມລິກາ, ຍີ່ປຸ່ນ ແລະ ສ.ເກົາຫລີ ເລັ່ງຫາລືເຈລະຈາປົດອາວຸດນິວເຄຼຍອີກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!