ປາບໂຄວິດ-19 ສົມທົບກັບຢາພື້ນເມືອງລາວ

- 241356515 565111661604205 1423250680587728660 n - ປາບໂຄວິດ-19 ສົມທົບກັບຢາພື້ນເມືອງລາວ
- AGL banner - ປາບໂຄວິດ-19 ສົມທົບກັບຢາພື້ນເມືອງລາວ

ໂດຍ: ທິດກໍ່າ

ໃນທີ່ສຸດຂ່າວດີໃນການປິ່ນປົວຄົນຕິດເຊື້ອໂຄວິດ-19 ຢູ່ປະເທດເຮົາກໍມີຜົນອອກມາຢ່າງຊັດເຈນ. ໃນການຄົ້ນຄວ້າຕຳລາຢາພື້ນເມືອງລາວທີ່ເປັນພູມປັນຍາ, ເປັນຊັບສົມບັດທຳມະຊາດອັນລ້ຳຄ່າ ທັງເປັນມໍລະດົກຕົກທອດມາແຕ່ສະໄໝບັນພະບຸລຸດປູ່ຍ່າຕານາຍເຮົາຈົນມາຮອດຍຸກປັດຈຸບັນກໍຍັງຖືເປັນພາລະກິດອັນສຳຄັນ ແລະ ທຶນຮອນອັນປະເສີດຂອງຊາດບ້ານເມືອງ.

ນີ້ກໍຍັງຖືວ່າເປັນມິຕິໃໝ່ແຫ່ງວົງການແພດລາວເວົ້າລວມ, ເວົ້າສະເພາະແມ່ນໃນວົງການສະຖາບັນຄົ້ນຄວ້າຢາພື້ນເມືອງລາວທີ່ພວມໂດດເດັ່ນໃນຍຸກທີ່ມີການລະບາດຂອງເຊື້ອພະຍາດໂຄວິດ-19.

ຈາກການຖະແຫລງຂ່າວຂອງສູນຂ່າວສານການແພດສຸຂະສຶກສາ ໄດ້ກ່າວເຖິງການນຳໃຊ້ຢາປິ່ນປົວຄົນຕິດເຊື້ອໂຄວິດ-19 ໃນຫລາຍປະເທດ ໂດຍສົມທົບທັງຢາຫລວງ ແລະ ຢາພື້ນເມືອງ. ສຳລັບປະເທດລາວເຮົາ, ພັກ ແລະ ລັດຖະບານກໍໄດ້ເອົາໃຈໃສ່ຊີ້ນຳ ແລະ ສົ່ງເສີມການນຳໃຊ້ຢາພື້ນເມືອງ ເພື່ອມາປິ່ນປົວຄົນທີ່ຕິດເຊື້ອໂຄວິດ-19 ດັ່ງຜົນທີ່ອອກມາຢ່າງຊັດເຈນກໍເປັນຢາຊະນິດແຄັບຊູນ ເຊິ່ງໄດ້ມາຈາກຕົ້ນລາຊາບີ, ຜັກຄາວທອງ ແລະ ຫົວກະຊາຍຂາວ.

- Wave100S AD to Website 2020 0 - ປາບໂຄວິດ-19 ສົມທົບກັບຢາພື້ນເມືອງລາວ

ມາຮອດປັດຈຸບັນແມ່ນສາມາດຈັດສົ່ງໄປແຂວງທີ່ມີການລະບາດໜັກເຊັ່ນ: ຄຳມ່ວນ, ສະຫວັນນະເຂດ, ສາລະວັນ ແລະ ຈຳປາສັກ. ອີກຢ່າງ ທາງສະຖາບັນຍັງແຈ້ງໃຫ້ຮູ້ວ່າ: ຢາທີ່ຜະລິດໄດ້ນີ້ມີຜົນດີໃນການປ້ອງກັນ ແລະ ປິ່ນປົວພະຍາດທາງລະບົບຫາຍໃຈ ກວມລວມໄປເຖິງປິ່ນປົວພະຍາດໂຄວິດ-19 ນຳອີກດ້ວຍ.

ພວກເຮົາຂໍຊົມເຊີຍເປັນຢ່າງຍິ່ງຕໍ່ຜົນສຳເລັດ ແລະ ໄດ້ຮັບໄຊຊະນະເບື້ອງຕົ້ນໃນພາລະກິດການຄົ້ນຄວ້າຕຳລາຢາພື້ນເມືອງຂອງ ສປປ ລາວ ພວກເຮົາ. ໝາກຜົນ ແລະ ໄຊຊະນະຢ່າງໂດດເດັ່ນໃນຄັ້ງນີ້ມັນເປັນຜົນສຳເລັດໃນການຈັດຕັ້ງຜັນຂະຫຍາຍມະຕິຄັ້ງທີ XI ຂອງພັກປະຊາຊົນປະຕິວັດລາວ ຊຸດທີ IX (2021-2025).

ແຕ່ແນວໃດກໍດີ, ພາລະກິດໃນການຄົ້ນຄວ້າຕຳລາຢາພື້ນເມືອງຂອງພວກເຮົາຍັງຕ້ອງດຳເນີນໄປຕິກໆ ແລະ ຕະຫລອດໄປ ບໍ່ໃຫ້ມັນສິ້ນສຸດ ແລະ ເປັນອຳມະພາດຄືສະຖາບັນຄົ້ນຄວ້າບາງຂະແໜງການຂອງລັດທີ່ສ້າງຕັ້ງຂຶ້ນມາແລ້ວພັດສ້ວຍຫາງຂີ້ໂກະ ອັນເປັນການສູນເສຍທຶນຮອນເງິນລັດເງິນຫລວງຈົນບໍ່ສາມາດກຸ້ມຕົນເອງເພິ່ງຕົນເອງໄດ້. ສຸດທ້າຍມາກໍອ້າງວ່າບໍ່ມີເງິນງົບປະມານເຮັດຕໍ່ເລີຍພາກັນນັ່ງກອດເຂົ່າລໍຖ້າອ້າປາກກິນເງິນເດືອນນຳພັກນຳລັດພໍແລ້ວມື້ແລ້ວວັນ. ຕາມທິດກໍ່າຄິດ ຖ້າລາວເຮົາສາມາດຄົ້ນຄວ້າຢາມາປາບໂຄວິດ-19 ໄດ້ໃນອະນາຄົດອັນບໍ່ດົນສະຖາບັນຄົ້ນຄວ້າຢາພື້ນເມືອງລາວຕ້ອງຮັ່ງມີ, ກະຊວງສາທາກໍຈະຮັ່ງ, ປະເທດລາວເຮົາກໍຈະຮັ່ງ ຍ້ອນຂາຍຢາປົວໂຄວິດ-19 ໄປທົ່ວພາກພື້ນ ແລະ ໃນໂລກ, ຈະມີຫລາຍປະເທດອິດສາ ແລະ ເງິນກີບລາວກໍຈະພຸ້ງແຂງຕົວຂຶ້ນຢ່າງແນ່ນອນ.

- lattana banner - ປາບໂຄວິດ-19 ສົມທົບກັບຢາພື້ນເມືອງລາວ
- lattana banner 1 - ປາບໂຄວິດ-19 ສົມທົບກັບຢາພື້ນເມືອງລາວ
-    AD conten website - ປາບໂຄວິດ-19 ສົມທົບກັບຢາພື້ນເມືອງລາວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!