ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່

- 2021 09 13 117488 1631529300 - ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່
- AGL banner - ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່

ການລະບາດຂອງໂຄວິດ ເຮັດໃຫ້ເມືອງຜູ່ຖຽນໃນມົນທົນຝູຈ້ຽນທາງຕາເວັນອອກສຽງໃຕ້ຂອງຈີນ ປະກາດປິດສະຖານທີ່ສາທາລະນະເຊັ່ນ: ໂຮງຮູບເງົາ, ຄາເຟ່ອິນເຕີເນັດ, ເທັກ, ຫ້ອງສະໝຸດ, ພິພິທະພັນ ແລະ ບ່ອນອອກກຳລັງກາຍ ຕະຫລອດຈົນຫລຸດໄລຍະເວລາໃຫ້ບໍລິການ ແລະ ຈຳກັດຜູ້ໃຊ້ບໍລິການຮ້ານອາຫານ. ນອກຈາກນັ້ນ ຍັງປິດທາງເຂົ້າ-ອອກຈາກທາງຫລວງບາງສ່ວນ ແລະ ລະບຸວ່າ: ປະຊາຊົນບໍ່ຄວນອອກຈາກເມືອງດ້ວຍເຫດຜົນທີ່ບໍ່ຈຳເປັນ ແລະ ຜູ້ທີ່ຈະອອກຈາກເມືອງຈະຕ້ອງສະແດງຫລັກຖານຜົນກວດໂຄວິດທີ່ກວດພາຍໃນ 48 ຊົ່ວໂມງວ່າເປັນລົບກ່ອນເດີນທາງ.

ຂໍ້ມູນຫລ້າສຸດ ເມື່ອເວລາ 20:00 ໂມງ ວັນທີ 13 ກັນຍາ ຕາມເວລາທ້ອງຖິ່ນ ເຊິ່ງເປັນຂໍ້ມູນຈາກເຈົ້າໜ້າທີ່ທ້ອງຖິ່ນລະບຸວ່າ: ພົບຜູ້ຕິດເຊື້ອທີ່ຢືນຢັນໃນ “ກຸ່ມກ້ອນຜູ່ຖຽນ” ແລ້ວທັງໝົດ 58 ຄົນ ແລະ ພົບຜູ້ຕິດເຊື້ອທີ່ບໍ່ສະແດງອາການ ເຊິ່ງທາງການຈີນຈະບໍ່ນັບເປັນຜູ້ຕິດເຊື້ອຢືນຢັນ ຈົນກວ່າຈະມີການສະແດງອາການທາງຄລີນິກຈຳນວນ 21 ຄົນ.

ຂະນະທີ່ ສະຖານີໂທລະພາບ CCTV ຂອງທາງການຈີນລາຍງານວ່າ: ສະຖານະການໃນເມືອງຜູ່ຖຽນນັ້ນ “ຮຸນແຮງ ແລະ ສັບຊ້ອນ” ແລະ ມີທ່າອ່ຽງວ່າຈະມີຜູ້ຕິດເຊື້ອໃໝ່ເກີດຂຶ້ນໃນຊຸມຊົນ, ໂຮງຮຽນ ແລະ ໂຮງງານ. ຂະນະທີ່ Reuters ລາຍງານວ່າ: ການຮຽນການສອນແບບບໍ່ແມ່ນອອນລາຍບາງສ່ວນໃນໂຮງຮຽນຖືກລະງັບໃນເມືອງດັ່ງກ່າວ ແລະ ໜ່ວຍງານດ້ານສຸຂະພາບແຫ່ງຊາດຂອງຈີນໄດ້ສົ່ງທີມຜູ້ຊ່ຽວຊານໄປເມືອງແຫ່ງນີ້ແລ້ວ.

ຜູ້ຊ່ຽວຊານຄາດການວ່າ: ແຫລ່ງທີ່ມາຂອງການລະບາດອາດຈະມາຈາກພໍ່ຂອງນັກຮຽນຄົນໜຶ່ງທີ່ເດີນທາງໄປສູ່ເຂດຊຽນໂຢໃນເມືອງຜູ່ຖຽນ ເຊິ່ງໃນເຂດນີ້ເອງທີ່ເປັນພື້ນທີ່ທຳອິດທີ່ພົບຜູ້ຕິດເຊື້ອຈາກການກວດຫາເຊື້ອຕາມປົກກະຕິ ໂດຍກວດພົບຜູ້ຕິດເຊື້ອເປັນນັກຮຽນຊັ້ນປະຖົມຫລາຍຄົນ, ຄາດວ່າພໍ່ຄົນດັ່ງກ່າວຈະເດີນທາງມາຈາກເມືອງເຊຍເໝິນ ເຊິ່ງຢູ່ໃນມົນທົນດຽວກັນ ຫລັງຈາກການເດີນທາງກັບຈາກປະເທດສິງກະໂປ. ຫລ້າສຸດໃນເຂດນີ້ເລີ່ມມີການກວດຫາເຊື້ອ, ໂຈະໃຫ້ບໍລິການລົດປະຈຳທາງ ແລະ ຕັກຊີ, ປິດສະຖານີລົດໂດຍສານໄລຍະໄກ ແລະ ຫ້າມຜູ້ໂດຍສານຂຶ້ນ ຫລື ລົງຈາກສະຖານີລົດໄຟ.

ທັງນີ້ ລັດຖະບານທ້ອງຖິ່ນລະບຸວ່າ: ພໍ່ຂອງນັກຮຽນຄົນດັ່ງກ່າວຖືກກັກຕົວໃນໂຮງແຮມມາແລ້ວເປັນເວລາ 14 ວັນ ແລະ ຍັງກັກຕົວເພີ່ມອີກ 7 ວັນໃນການກັກຕົວແບບລວມສູນ ຢູ່ສະຖານທີ່ແຫ່ງໜຶ່ງໃນເຂດຊຽນໂຢ ກ່ອນເດີນທາງກັບບ້ານ ແລະ ຮັບການຕິດຕາມສຸຂະພາບອີກເປັນເວລາ 1 ອາທິດ. ສ່ວນສື່ຂອງທາງການລະບຸວ່າ: ລາວມີຜົນກວດເຊື້ອເປັນລົບເຖິງ 9 ຄັ້ງລະຫວ່າງການກັກຕົວ 21 ວັນ ກ່ອນຈະໄດ້ຜົນກວດເປັນບວກຫລັງຈາກລາວເດີນທາງເຂົ້າປະເທດຈີນມາແລ້ວ 37 ວັນ. ສຳນັກຂ່າວ CNN ລາຍງານວ່າ: ເຈົ້າໜ້າທີ່ທາງການບໍ່ໄດ້ເປີດເຜີຍໂດຍກົງວ່າລາວໄດ້ຮັບເຊື້ອຕອນໃດ, ຈາກບ່ອນໃດ ແລະ ຮັບມາແນວໃດ, ແຕ່ໄລຍະຟັກຕົວທີ່ເກີນກວ່າ 21 ວັນຖືວ່າບໍ່ປົກກະຕິ ແລະ ເຮັດໃຫ້ເກີດຄຳຖາມຕໍ່ຄວາມຍືນຍົງຂອງກົນລະຍຸດ “ໂຄວິດເປັນສູນ” ທີ່ເຂັ້ມງວດຂອງຈີນ, ສ່ວນຜູ້ໃຊ້ສື່ສັງຄົມອອນລາຍບາງຄົນຕັ້ງຄຳຖາມວ່າ: ເປັນໄປໄດ້ ຫລື ບໍ່ທີ່ຜູ້ຊາຍຄົນດັ່ງກ່າວຈະຮັບເຊື້ອຫລັງຈາກເດີນທາງກັບມາເຂດຊຽນໂຢແລ້ວ.

ສ່ວນຢູ່ເມືອງເຊຍເໝິນເອງ ຂໍ້ມູນຈາກເຈົ້າໜ້າທີ່ທ້ອງຖິ່ນລະບຸວ່າ: ເມື່ອເວລາ 18:00 ໂມງ ຂອງວັນທີ 13 ກັນຍາ ຕາມເວລາທ້ອງຖິ່ນ ພົບຜູ້ຕິດເຊື້ອຢືນຢັນແລ້ວທັງໝົດ 12 ຄົນ ທັງໝົດອາການຄົງທີ່ ແລະ ກຳລັງປິ່ນປົວຢູ່ໂຮງໝໍ.

- Wave100S AD to Website 2020 0 - ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່

ການລະບາດຄັ້ງກ່ອນໜ້າຂອງຈີນ ເຊິ່ງກະທົບຕໍ່ມົນທົນຈຽງຊູເປັນຫລັກ ແລະ ໃຊ້ເວລາປະມານ 1 ເດືອນ ໄດ້ສິ້ນສຸດລົງເມື່ອປະມານ 2 ອາທິດກ່ອນ ໂດຍບໍ່ມີລາຍງານຜູ້ຕິດເຊື້ອໃໝ່ໃນພື້ນທີ່ມົນທົນດັ່ງກ່າວ.

ອ້າງອີງ:

https://www.reuters.com/…/china-reports-49-new…/

https://www.cgtn.com/…/Latest-updates-on-COVID-19…

https://edition.cnn.com/…/fujian-covid…/index.html

-    AD conten website - ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່
- lattana banner - ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່
- lattana banner 1 - ເມືອງຜູ່ຖຽນໃນມົນທົນຝູຈ້ຽນຂອງຈີນອອກມາດຕະການຈຳກັດການເດີນທາງ ແລະ ປິດສະຖານທີ່ສາທາລະນະ ຫລັງພົບການລະບາດຂອງໂຄວິດຄັ້ງໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!