ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ

- ca times - ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ
- AGL banner - ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ

ວັນທີ 14 ກັນຍາ 2021, ​ວາຮີດຸລເລາະ ຮາຊີມີ ສະມາຊິກອາວຸໂສກຸ່ມຕາລີບັນ ລະບຸວ່າ: ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ ຕາມທີ່ກົດໝາຍຊາຣີອະກຳນົດໄວ້ ເຊິ່ງຈະສົ່ງຜົນໃຫ້ຜູ້ຍິງບໍ່ສາມາດເຂົ້າເຮັດວຽກໄດ້ໃນໜ່ວຍງານຂອງລັດ, ທະນາຄານ, ບໍລິສັດສື່ ແລະ ອົງກອນອື່ນໆ ເຖິງວ່າຈະໄດ້ຮັບສຽງຄັດຄ້ານ ແລະ ແຮງກົດດັນຈາກປະຊາຄົມໂລກໃຫ້ເປີດພື້ນທີ່ການເຮັດວຽກໃຫ້ຜູ້ຍິງໃນອັບການິດສະຖານ.

ນັບແຕ່ກອງກຳລັງຕິດອາວຸດຕາລີບັນຢຶດອຳນາດ ແລະ ກ້າວຂຶ້ນມາບໍລິຫານປະເທດ, ຕາລີບັນໃຫ້ຄຳໝັ້ນຈະເຄົາລົບ ແລະ ອະນຸຍາດໃຫ້ຜູ້ຍິງເຂົ້າເຖິງການສຶກສາ ແລະ ມີວຽກເຮັດພາຍໃຕ້ຂໍ້ຈຳກັດທີ່ກົດໝາຍຊາຣີອະກຳນົດໄວ້ ໂດຍເມື່ອຄັ້ງທີ່ຕາລີບັນເຄີຍປົກຄອງອັບການິດສະຖານ ເມື່ອປີ 1996-2001 ຜູ້ຍິງອັບການິດສະຖານຖືກກີດກັນຈາກໂລກຂອງການເຮັດວຽກ ແລະ ການສຶກສາ, ການກັບເຂົ້າມາບໍລິຫານປະເທດໃນຮອບເກືອບ 20 ປີ ຈຶ່ງສ້າງຄວາມກັງວົນໃຫ້ບັນຫາຕ່າງໆເຫລົ່ານີ້ຫລາຍ.

“ເຮົາຕໍ່ສູ້ມາເກືອບ 40 ປີ ເພື່ອຈະເອົາກົດໝາຍຊາຣີອະເຂົ້າມາປົກຄອງອັບການິດສະຖານ. ຊາຣີອະບໍ່ອະນຸຍາດໃຫ້ຜູ້ຍິງ ແລະ ຜູ້ຊາຍຢູ່ລວມກັນ ຫລື ນັ່ງຢູ່ພາຍໃຕ້ຫລັງຄາດຽວກັນ. ຜູ້ຊາຍ ແລະ ຜູ້ຍິງຈຶ່ງບໍ່ສາມາດເຮັດວຽກຮ່ວມກັນໄດ້ ສິ່ງນີ້ຊັດເຈນ ພວກເຂົາຈຶ່ງບໍ່ໄດ້ຮັບອະນຸຍາດໃຫ້ເຂົ້າມາເຮັດວຽກໃນຫ້ອງການດຽວກັບເຮົາ ຫລື ເຂົ້າມານັ່ງໃນຕຳແໜ່ງລັດຖະມົນຕີ ຫລື ເຮັດວຽກໃນກະຊວງກັບເຮົາໄດ້” ຮາຊີມີ ລະບຸ.

ສົ່ງຜົນໃຫ້ລັດຖະບານຕາລີບັນຊຸດໃໝ່ທີ່ເຂົ້າມາປົກຄອງປະເທດຈຶ່ງບໍ່ມີຜູ້ຍິງ ກໍ່ໃຫ້ເກີດກະແສຄວາມກັງວົນວ່າຜູ້ຍິງອັບການິດສະຖານອາດຖືກຊຸກດັນໃຫ້ອອກຈາກພື້ນທີ່ຂອງການເຮັດວຽກກັບເຂົ້າສູ່ພື້ນທີ່ຂອງທີ່ພັກອາໄສເທົ່ານັ້ນ ໂດຍ ຮາຊີມີ ລະບຸວ່າ: ມີບາງສະຖານະການທີ່ຜູ້ຍິງ ແລະ ຜູ້ຊາຍສາມາດຢູ່ລວມກັນໄດ້ເຊັ່ນ: ຕອນເຂົ້າພົບແພດທີ່ເປັນຜູ້ຊາຍ.

ທາງການຕາລີບັນປະກາດວ່າ: ຜູ້ຍິງອັບການິດສະຖານຍັງຈະໄດ້ຮັບອະນຸຍາດໃຫ້ເຮັດວຽກ ແລະ ຮຽນໜັງສືໄດ້, ແຕ່ຈະຕ້ອງເປັນພື້ນທີ່ທີ່ສ້າງແຍກຂຶ້ນມາ ເພື່ອຮອງຮັບຜູ້ຍິງໂດຍສະເພາະ, ຜູ້ຍິງຍັງຈະໄດ້ຮັບອະນຸຍາດໃຫ້ເຂົ້າສຶກສາໃນມະຫາວິທະຍາໄລ ແຕ່ຈະຕ້ອງແຍກຕົວອອກໄປຈາກກຸ່ມຜູ້ຊາຍ, ການແບ່ງແຍກ ແລະ ຈຳກັດພື້ນທີ່ຂອງຜູ້ຍິງ ສົ່ງຜົນໃຫ້ຜູ້ຍິງຈຳນວນບໍ່ໜ້ອຍໃນອັບການິດສະຖານປະທ້ວງຈຸດຢືນຂອງກຸ່ມຕາລີບັນ.

ຈາກຂໍ້ມູນຂອງ World Bank ລະບຸວ່າ: ອັດຕາຜູ້ຍິງທີ່ຢູ່ໃນພື້ນທີ່ການເຮັດວຽກໃນອັບການິດສະຖານມີປະມານ 23% ເມື່ອປີ 2020 ຜ່ານມາ ໂດຍເພີ່ມຂຶ້ນຈາກ 0% ໃນໄລຍະທີ່ລັດຖະບານຕາລີບັນເຄີຍປົກຄອງປະເທດເມື່ອ 2 ທົດສະວັດກ່ອນ.

- Wave100S AD to Website 2020 0 - ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ

ອ້າງອີງ:

https://www.reuters.com/…/exclusive-afghan-women…/

https://www.aljazeera.com/…/taliban-announce-acting…

https://thehill.com/…/572003-senior-taliban-figure-says…

- lattana banner - ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ
- lattana banner 1 - ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ
-    AD conten website - ສະມາຊິກອາວຸໂສກຸ່ມຕາລີບັນລະບຸ ຜູ້ຍິງອັບການິດສະຖານບໍ່ຄວນໄດ້ຮັບອະນຸຍາດໃຫ້ເຮັດວຽກຮ່ວມກັບຜູ້ຊາຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!