ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ

- hypatia h b798ac5fd3bc49d4858bcd3921717e5e h dacda066f21717313ca7f2b49361d282 - ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ
- AGL banner - ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ

ວັນທີ 13 ກັນຍາ 2021, ທາງການນິວຢອກຊິຕີ້ເລີ່ມບັງຄັບໃຊ້ພາສປອດວັກຊີນ (Key to NYC) ຢ່າງເປັນທາງການ ເພື່ອເປັນເງື່ອນໄຂສຳຄັນໃນການເຂົ້າໃຊ້ບໍລິການ ຫລື ເຂົ້າຮ່ວມກິດຈະກຳໃນສະຖານທີ່ໃນຮົ່ມເກືອບທັງໝົດ, ຄຽງຄູ່ກັບການທະຍອຍກັບມາເປີດເມືອງອີກ ຫລັງຈຳນວນຜູ້ຕິດເຊື້ອໃໝ່ ລວມທັງຈຳນວນຜູ້ທີ່ປິ່ນປົວຢູ່ໃນໂຮງໝໍ ເນື່ອງຈາກໂຄວິດມີຈຳນວນຫລຸດໜ້ອຍລົງ.

ນັບແຕ່ວັນທີ 17 ສິງຫາຜ່ານມາ, ທາງການນິວຢອກຊິຕີ້ເລີ່ມທະຍອຍໃຫ້ຜູ້ທີ່ມີອາຍຸແຕ່ 12 ປີຂຶ້ນໄປ ສະແດງຫລັກຖານການສັກວັກຊີນຢ່າງໜ້ອຍ 1 ໂດສ ເພື່ອເຂົ້າໄປຮັບປະທານອາຫານພາຍໃນຮ້ານ, ເຂົ້າໄປອອກກຳລັງກາຍໃນຟິດເນສ ລວມທັງເຂດສະຖານບັນເທີງຕ່າງໆ ທີ່ເປັນສະຖານທີ່ໃນຮົ່ມ ແລະ ມີລັກສະນະເປັນອາຄານປິດ ໂດຍສະເພາະໂຮງຮູບເງົາ, ໂຮງລະຄອນເວທີ, ບ່ອນຈັດຄອນເສີດ, ພິພິທະພັນ ແລະ ສະໜາມກິລາ.

ອີກທັງອົງກອນໃນພາກທຸລະກິດຕ່າງໆ ເລີ່ມກວດເຊັກສະຖານະການສັກວັກຊີນຂອງພະນັກງານໃນສັງກັດຂອງຕົນ, ບາງອົງກອນອາດຕັ້ງເງື່ອນໄຂເພື່ອສ້າງແຮງຈູງໃຈໃຫ້ພະນັກງານຕັດສິນໃຈເດີນທາງໄປເຂົ້າຮັບການສັກວັກຊີນ ໂດຍຜູ້ທີ່ອາໄສຢູ່ໃນເມືອງແຫ່ງນີ້ຈະສະແດງຫລັກຖານການສັກວັກຊີນຈາກໜ່ວຍງານທີ່ໜ້າເຊື່ອຖືແຫ່ງໃດກໍໄດ້ເຊັ່ນ: ແບບຟອມການສັກວັກຊີນຂອງສູນຄວບຄຸມພະຍາດ (CDC), ບັນທຶກການສັກວັກຊີນຂອງຊາວນິວຢອກ, QR Code ຈາກແອັບພລິເຄຊັນ Excelsior Pass ຫລື ຂໍ້ມູນໃນແອັບພລິເຄຊັນ NYC COVID Safe.

ໂດຍທາງການນິວຢອກຊິຕີ້ຈະມີເຈົ້າໜ້າທີ່ຈາກ 13 ໜ່ວຍງານຂອງລັດກະຈາຍຕົວເດີນທາງໄປສຸ່ມກວດກາການໃຊ້ພາສປອດວັກຊີນຂອງປະຊາຊົນ ແລະ ທຸລະກິດຫ້າງຮ້ານຕ່າງໆ ທີ່ໄດ້ຮັບອະນຸຍາດໃຫ້ທະຍອຍກັບມາເປີດໃຫ້ບໍລິການໄດ້ອີກ. ສ່ວນທ່ານ ບິລ ເດິ ບລາຊິໂອ ເຈົ້າຄອງນະຄອນນິວຢອກຊິຕີ້ ລະບຸວ່າ: “ທ່ານຈະສາມາດສຳຜັດໄດ້ເຖິງຊີວິດຂອງເມືອງນີ້ ວັນນີ້ເປັນວັນທີ່ເຮົາລໍຄອຍມາຕະຫລອດ ປະຫວັດສາດຈະຈົດຈຳວັນນີ້ໃນຖານະວັນແຫ່ງການປ່ຽນເກມ ວັນແຫ່ງຈຸດປ່ຽນ”.

- Wave100S AD to Website 2020 0 - ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ

ປັດຈຸບັນ ນິວຢອກຊິຕີ້ມີຊາວເມືອງໄວຜູ້ໃຫຍ່ເຂົ້າຮັບວັກຊີນແລ້ວຢ່າງໜ້ອຍ 1 ໂດສ ຫລາຍກວ່າ 79%. ຂະນະທີ່ພາບລວມຂອງລັດນິວຢອກມີຜູ້ຕິດເຊື້ອສະສົມ 2,34 ລ້ານຄົນ, ເສຍຊີວິດແລ້ວ 5,46 ໝື່ນຄົນ, ພົນລະເມືອງປະມານ 61,40% ເຂົ້າຮັບວັກຊີນຄົບໂດສແລ້ວ.

ອ້າງອີງ:

- lattana banner 1 - ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ
- lattana banner - ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ
-    AD conten website - ນິວຢອກຊິຕີ້ ເລີ່ມໃຊ້ພາສປອດວັກຊີນເປັນເງື່ອນໄຂສຳຄັນ ໃນການເຂົ້າໃຊ້ບໍລິການສະຖານທີ່ໃນຮົ່ມເກືອບທັງໝົດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!