ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ

- 125381698 168640678268463 6801148023994515682 n - ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ
- AGL banner - ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ

ກົມຊັບສິນທາງປັນຍາ ກະຊວງອຸດສາຫະກໍາ ແລະ ການຄ້າ ຮ່ວມກັບ ພະແນກອຸດສາຫະກໍາ ແລະ ການຄ້າແຂວງເຊກອງ ໄດ້ຈັດກອງປະຊຸມກ່ຽວກັບການກະກຽມຈົດທະບຽນຖິ່ນກໍາເນີດໂສມ ເມື່ອທ້າຍອາທິດຜ່ານມາ, ໂດຍການເປັນປະທານຮ່ວມຂອງ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ທ່ານ ນາງ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ, ທ່ານ ດາວວີ ສວຍທະລັງສີ ຫົວໜ້າພະແນກອຸດສາຫະກໍາ ແລະ ການຄ້າແຂວງ, ພ້ອມດ້ວຍທ່ານເຈົ້າເມືອງດາກຈຶງ, ຫົວໜ້າ-ຮອງພະແນກ, ຫ້ອງ ການ, ຜູ້ຜະລິດ-ຜູ້ປະກອບການໂສມ ແລະ ວິຊາການກ່ຽວຂ້ອງເຂົ້າຮ່ວມ.

ທ່ານ ເຫຼັກໄຫຼ ສີວິໄລ ກ່າວວ່າ:  ເພື່ອເຜີຍແຜ່ວຽກງານຊັບສິນທາງປັນຍາ ແລະ ປຶກສາຫາລືຮ່ວມກັບຜູ້ຜະລິດ, ຜູ້ປະກອບການໂສມ ເມືອງດາກຈຶງ ແລະ ຂະແໜງການກ່ຽວຂ້ອງກ່ຽວກັບການວາງແຜນ ແລະ ກະກຽມຈົດທະບຽນຖິ່ນກໍາເນີດໂສມ ຈາກເມືອງດາກຈຶງ ແລະ ບັນດາໜ້າວຽກຕ່າງໆໃນການກະກຽມຈົດທະບຽນ ເພື່ອເປັນການປົກປ້ອງຖິ່ນກໍາເນີດໂສມໃຫ້ແກ່ຜູ້ຜະລິດ ແລະ ຜູ້ປະກອບການໂສມດາກຈຶງ ແນໃສ່ໃຫ້ຂະແໜງການທ້ອງຖິ່ນ ແລະ ຜູ້ຜະລິດ, ຜູ້ປະກອບການເຫັນໄດ້ຄວາມສໍາຄັນ ແລະ ຜົນປະໂຫຍດຈາກການປົກປ້ອງຖິ່ນກໍາເນີດໂສມ ເພື່ອເປັນການສົ່ງເສີມຫົວໜ່ວຍທຸລະກິດ ນໍາໃຊ້ຊັບສິນທາງປັນຍາເຂົ້າໃນຂະບວນການຜະລິດ ເປັນຕົ້ນແມ່ນການຜະລິດໂສມ ແນໃສ່ສົ່ງເສີມສ້າງມູນຄ່າເພີ່ມໃຫ້ສິນຄ້າດັ່ງກ່າວ, ທັງເປັນການອະນຸລັກລະບົບນິເວດອັນອຸດົມສົມບູນ ແລະ ປົກປັກຮັກສາພູມປັນຍາທ້ອງຖິ່ນແບບດັ້ງເດີມໄວ້ໃຫ້ໝັ້ນຄົງ ແລະ ຍືນຍົງຕະຫຼອດໄປ.

ໃນກອງປະຊຸມ ຄະນະຮັບຜິດຊອບກອງປະຊຸມກໍໄດ້ນໍາສະເໜີວຽກງານສໍາຄັນຕ່າງໆ ເປັນຕົ້ນແມ່ນນໍາສະເໜີຂັ້ນຕອນການຈົດທະບຽນຖິ່ນກໍາເນີດໃຫ້ຜູ້ຜະລິດ ແລະ ຜູ້ປະກອບການໂສມ, ຂັ້ນຕອນການສ້າງຕັ້ງສະມາຄົມ ເພື່ອກະກຽມຈົດທະບຽນຖິ່ນກໍາເນີດ, ແຕ່ງຕັ້ງຄະນະຂົນຂວາຍ ເພື່ອສ້າງຕັ້ງສະມາຄົມສົ່ງເສີມຖິ່ນກໍາເນີດ ທີ່ປະກອບດ້ວຍຂະແໜງການກ່ຽວຂ້ອງຂັ້ນແຂວງ, ການກໍານົດແຜນວຽກໃນຕໍ່ໜ້າ ແລະ ແບ່ງຄວາມຮັບຜິດຊອບຕໍ່ໜ້າວຽກ ເພື່ອແນໃສ່ໃຫ້ແຕ່ລະຂະແໜງການພ້ອມກັນຈັດຕັ້ງປະຕິບັດໃຫ້ມີຜົນສໍາເລັດ ແລະ ກະກຽມຈົດທະບຽນຖິ່ນກໍາເນີດໂສມ ເມືອງດາກຈຶງແຂວງເຊກອງໃນຕໍ່ໜ້າ.

- Wave100S AD to Website 2020 0 - ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ
- lattana banner - ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ
- lattana banner 1 - ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ
-    AD conten website - ແຂວງເຊກອງ ກຽມຈົດທະບຽນຖິ່ນກໍາເນີດໂສມ ເມືອງດາກຈຶງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!