ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້

- jpg - ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້
- AGL banner - ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້

ກຸ່ມນັກວິທະຍາສາດນາໆຊາດ ເຜີຍແຜ່ລາຍງານໃນວາລະສານການແພດ The Lancet ເມື່ອວັນທີ 13 ກັນຍາ 2021 ລະບຸວ່າ: ການສັກວັກຊີນຕ້ານໂຄວິດເຂັມ 3 ຫລື Booster Shot ເພື່ອກະຕຸ້ນການສ້າງພູມຕ້ານທານຍັງບໍ່ມີຄວາມຈຳເປັນສຳລັບປະຊາຊົນທົ່ວໄປ ແລະ ບໍ່ມີຄວາມເໝາະສົມຕໍ່ສະຖານະການລະບາດຂອງໂຄວິດໃນຕອນນີ້ ເຖິງວ່າຈະມີໄພຄຸກຄາມຈາກໄວຣັສສາຍພັນເດວຕາທີ່ແຜ່ລະບາດໄດ້ງ່າຍຫລາຍຂຶ້ນ.

ລາຍງານດັ່ງກ່າວ ເຊິ່ງຂຽນໂດຍນັກວິທະຍາສາດນາໆຊາດ 18 ທ່ານ ລວມທັງນັກວິທະຍາສາດລະດັບຫົວແຖວຈາກສຳນັກງານຄະນະກຳມະການອາຫານ ແລະ ຢາ (FDA) ຂອງອາເມລິກາ ແລະ ອົງການອະນາໄມໂລກ (WHO) ລະບຸວ່າ: ການຕັດສິນໃຈໃດໆກ່ຽວກັບຄວາມຈຳເປັນ ແລະ ເວລາທີ່ເໝາະສົມໃນການສັກວັກຊີນເຂັມກະຕຸ້ນນັ້ນ ຄວນຢູ່ບົນພື້ນຖານການວິເຄາະຂໍ້ມູນທາງຄລີນິກພາຍໃຕ້ການຄວບຄຸມ ແລະ ຂໍ້ມູນທາງລະບາດວິທະຍາ.

ຂະນະທີ່ທີມນັກວິທະຍາສາດເບິ່ງວ່າ: ຈຳເປັນຕ້ອງມີຫລັກຖານເພີ່ມຕື່ມ ເພື່ອພິສູດເຖິງຄວາມເໝາະສົມ ແລະ ປະສິດທິພາບຂອງວັກຊີນເຂັມກະຕຸ້ນໃນການປ້ອງກັນອາການປ່ວຍຮຸນແຮງຈາກການຕິດເຊື້ອໂຄວິດທຸກສາຍພັນ ລວມທັງເດວຕາ ເຊິ່ງປັດຈຸບັນຍັງບໍ່ມີຂໍ້ມູນການສຶກສາວິໄຈໃດໆກ່ຽວກັບວັກຊີນໂຄວິດ ສະແດງຫລັກຖານທີ່ໜ້າເຊື່ອຖືວ່າວັກຊີນເຂັມກະຕຸ້ນນັ້ນຈະຊ່ວຍຫລຸດອາການປ່ວຍຮຸນແຮງຈາກການຕິດເຊື້ອ ເຊິ່ງເປັນເປົ້າໝາຍຫລັກສຳລັບການສັກວັກຊີນໄດ້.

ທ່ານ ເອນາ ມາເຣຍ ເຮນາໂຢ ເຣສເຕຣໂປ ຜູ້ຂຽນນຳ ແລະ ນັກວິທະຍາສາດຈາກ WHO ລະບຸວ່າ: ສິ່ງທີ່ຈຳເປັນໃນຕອນນີ້ ຄືການມຸ່ງເນັ້ນຄວາມສຳຄັນໃສ່ການສັກວັກຊີນຕ້ານໂຄວິດໃຫ້ປະຊາຊົນທົ່ວໂລກທີ່ຍັງບໍ່ໄດ້ຮັບການສັກກ່ອນເປັນອັນດັບທຳອິດ ເຊິ່ງຈະເປັນຫົນທາງການໃນການຢັບຢັ້ງການກາຍພັນຂອງໄວຣັສ ແລະ ເປັນຈຸດສິ້ນສຸດຂອງການແຜ່ລະບາດ.

ການເຜີຍແຜ່ລາຍງານດັ່ງກ່າວມີຂຶ້ນໃນຂະນະທີ່ຜົນການສຶກສາຫລາຍສະບັບສະແດງໃຫ້ເຫັນວ່າ: ວັກຊີນຕ້ານໂຄວິດທີ່ໄດ້ຮັບການອະນຸມັດນຳໃຊ້ໃນອາເມລິກາ ຍັງມີປະສິດທິພາບຕ້ານທານອາການປ່ວຍຮຸນແຮງ ແລະ ການເຂົ້າຮັບການປິ່ນປົວໃນໂຮງໝໍຈາກການຕິດເຊື້ອໄວຣັສສາຍພັນເດວຕາ.

- Wave100S AD to Website 2020 0 - ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້

ຂະນະທີ່ຂໍ້ສະຫລຸບຂອງລາຍງານຍັງສວນທາງກັບແຜນຂອງລັດຖະບານອາເມລິກາ ທີ່ປະກາດຈະເລີ່ມຕົ້ນການສັກວັກຊີນເຂັມກະຕຸ້ນໃຫ້ຊາວອາເມລິກາທີ່ໄດ້ຮັບການສັກວັກຊີນຄົບໂດສແລ້ວໃນອາທິດໜ້າ.

ນອກຈາກນີ້, ທີມນັກວິທະຍາສາດຜູ້ຂຽນລາຍງານຍັງລະບຸເຖິງຄວາມກັງວົນຕໍ່ຄວາມສ່ຽງໃນການເລັ່ງສັກວັກຊີນເຂັມກະຕຸ້ນໄວເກີນໄປ ເຊິ່ງລວມທັງຜົນຂ້າງຄຽງຈາກການສັກວັກຊີນເຊັ່ນ: ພາວະຫົວໃຈອັກເສບຫາຍາກທີ່ເອີ້ນວ່າ ກ້າມຊີ້ນຫົວໃຈຕາຍ ເຊິ່ງພົບໄດ້ເພີ່ມຂຶ້ນຫລັງການສັກວັກຊີນ mRNA ເຂັມທີ 2.

ອ້າງອີງ:

- lattana banner - ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້
-    AD conten website - ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້
- lattana banner 1 - ນັກວິທະຍາສາດຊີ້ ວັກຊີນຕ້ານໂຄວິດເຂັມ 3 ຍັງບໍ່ຈຳເປັນສຳລັບປະຊາຊົນທົ່ວໄປໃນຕອນນີ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!