ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ

- 06ef62fa 4f19 4141 8dca a51117d51b9f scaled - ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ
- AGL banner - ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ

ໄອຍະການໄຮຕິຍື່ນຟ້ອງສານ ເຊື່ອວ່ານາຍົກລັດຖະມົນຕີມີສ່ວນຮ່ວມໃນການລອບສັງຫານປະທານາທິບໍດີ ໂມອິສ ທີ່ເສຍຊີວິດໄປແລ້ວ.

ວັນທີ 14 ກັນຍາ 2021, ສຳນັກຂ່າວເອພີ (AP) ລາຍງານວ່າ: ໄອຍະການສູງສຸດຂອງໄຮຕິຍື່ນຂໍຜູ້ພິພາກສາໃຫ້ສັ່ງຟ້ອງນາຍົກລັດຖະມົນຕີ ອາຣີແອລ ອອງຣີ ໃນຂໍ້ຫາມີສ່ວນຮ່ວມກັບການລອບສັງຫານອະດີດປະທານາທິບໍດີ ໂມເວເນລ ໂມອິສ ຫລັງພົບວ່າຜູ້ຕ້ອງຫາໄດ້ໂທລະສັບຫານາຍົກລັດຖະມົນຕີ ອອງຣີ ຫລັງຈາກພາລະກິດລອບຂ້າສຳເລັດບໍ່ເທົ່າໃດຊົ່ວໂມງ.

ທ່ານ ເບດຟອດ ໂຄດ ໄອຍະການ ເຊິ່ງຮັບຜິດຊອບໃນຄະດີນີ້ ຢືນຢັນໃນໜັງສືທີ່ຍື່ນຕໍ່ຜູ້ພິພາກສາວ່າ: ມີຫລັກຖານພຽງພໍທີ່ຈະຍື່ນຟ້ອງ ແລະ ເອົາຜິດທ່ານ ອອງຣີ.

ທ່ານ ໂຄດ ເປີດເຜີຍວ່າ: ໂຈເຊບ ບາຕິໂອ ໜຶ່ງໃນຜູ້ຕ້ອງ ໄດ້ໂທລະສັບຫານາຍົກລັດຖະມົນຕີ ອອງຣີ ໃນເວລາ 4:03 ໂມງ ແລະ 4:20 ໂມງ ໃນວັນທີ 7 ກໍລະກົດ ໂດຍມີຫລັກຖານຊີ້ວ່າ ບາຕິໂອ ຍັງຢູ່ໃນບໍລິເວນເຮືອນພັກປະທານາທິບໍດີໃນເວລານັ້ນ ໂດຍໃຊ້ເວລາລວມກັນ 7 ນາທີໃນການສົນທະນາ.

ເມື່ອວັນທີ 13 ກັນຍາ, ທ່ານ ຣ໊ອກເຟລເລີ ແວງຊອງ ລັດຖະມົນຕີກະຊວງຍຸຕິທຳ ໄດ້ສັ່ງໃຫ້ຜູ້ບັນຊາການສຳນັກງານຕຳຫລວດແຫ່ງຊາດໄຮຕິ ເພີ່ມການຮັກສາຄວາມປອດໄພໃຫ້ໄອຍະການ ຫລັງໄດ້ຮັບຄຳຂູ່ໃນຊ່ວງ 5 ວັນຜ່ານມາ.

- Wave100S AD to Website 2020 0 - ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ

ສຳລັບເຫດລອບສັງຫານປະທານາທິບໍດີໄຮຕິໄດ້ກາຍເປັນຂ່າວດັງໄປທົ່ວໂລກເມື່ອວັນທີ 7 ກໍລະກົດ ຈາກການທີ່ບຸກຄົນກຸ່ມໜຶ່ງໄດ້ບຸກເຂົ້າໄປເຮືອນພັກປະທານາທິບໍດີ ແລະ ທຳຮ້າຍອະດີດຜູ້ນຳປະເທດຈົນເຖິງແກ່ຊີວິດ.

ປັດຈຸບັນຜູ້ຕ້ອງຫາຖືກຈັບກຸມແລ້ວ 40 ກວ່າຄົນ ໂດຍ 18 ຄົນເປັນອະດີດທະຫານໂຄລອມເບຍ ແລະ ມີຊາວໄຮຕິ-ອາເມລິກາຮ່ວມນຳອີກ 3 ຄົນ.

ອ້າງອີງ:

https://apnews.com/…/caribbean-port-au-prince-haiti…

- lattana banner 1 - ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ
- lattana banner - ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ
-    AD conten website - ນາຍົກລັດຖະມົນຕີໄຮຕິຖືກຕັ້ງຂໍ້ຫາ ສັ່ງຂ້າປະທານາທິບໍດີເມື່ອວັນທີ 7 ກໍລະກົດ ຂໍສານສັ່ງຫ້າມອອກນອກປະເທດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!