ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022

- https  cdn - ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022
- AGL banner - ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022

ວັນທີ 14 ກັນຍາ 2021, ສຳນັກຂ່າວຕ່າງປະເທດ ລາຍງານວ່າ: ປະທານາທິບໍດີ ໂຈ ໄບເດນ ຂອງອາເມລິກາ ກຽມຮຽກຮ້ອງໃຫ້ບັນດາຜູ້ນຳໂລກຊ່ວຍກັນເລັ່ງສັກວັກຊີນໂຄວິດໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022 ລວມທັງຈະຕ້ອງຊ່ວຍກັນບໍລິຈາກວັກຊີນເພີ່ມອີກ 1 ພັນລ້ານໂດສ ເພື່ອໃຫ້ປະເທດທີ່ມີລາຍໄດ້ຕໍ່າເຂົ້າເຖິງວັກຊີນໄດ້ຫລາຍຂຶ້ນ.

ຕາມເປົ້າໝາຍທີ່ CNN ໄດ້ຮັບມາ ລະບຸວ່າ: ແຕ່ລະປະເທດຈະຕ້ອງຮ່ວມກັນປະກັນເງິນ 3 ພັນລ້ານໂດລາ ພາຍໃນປີນີ້ ແລະ ອີກ 7 ພັນລ້ານໂດລາ ພາຍໃນປີ 2022 ເພື່ອສະໜັບສະໜູນທາງດ້ານການເງິນໃນການກຽມຄວາມພ້ອມເລື່ອງວັກຊີນຕ້ານໂຄວິດໃນມິຕິຕ່າງໆ.

ໂດຍຄາດວ່າທ່ານ ໄບເດນ ຈະປະກາດແຜນດັ່ງກ່າວຂະນະທີ່ເປັນເຈົ້າພາບຈັດກອງປະຊຸມໂຄວິດໃນອາທິດໜ້າ ເຊິ່ງເປັນໄລຍະເວລາດຽວກັນກັບຈະມີກອງປະຊຸມສະມັດຊາໃຫຍ່ສະຫະປະຊາຊາດ (UNGA) ແລະ ຄາດວ່າທ່ານ ໄບເດນ ຈະຈັດກອງປະຊຸມເພີ່ມອີກໃນທ້າຍປີນີ້ ຫລື ຕົ້ນປີໜ້າ.

ລັດຖະບານອາເມລິກາ ພາຍໃຕ້ການນຳຂອງທ່ານ ໄບເດນ ຕັ້ງເປົ້າຈະໃຫ້ອາເມລິກາເປັນສາງວັກຊີນຂອງໂລກທີ່ພ້ອມຈະສົ່ງວັກຊີນຊ່ວຍເຫລືອປະເທດອື່ນໆໃນປະຊາຄົມໂລກໄດ້, ແຕ່ຢ່າງນັ້ນ ອາເມລິກາກໍຍັງເປັນໜຶ່ງໃນປະເທດຮັ່ງມີທີ່ໄດ້ຮັບສຽງວິພາກວິຈານເຖິງການເດີນໜ້າສັກວັກຊີນເຂັມກະຕຸ້ນ (Booster Shot) ໃຫ້ພົນລະເມືອງຂອງຕົນ ແທນທີ່ຈະຊ່ວຍໃຫ້ອັດຕາພົນລະເມືອງໂລກທີ່ເຂົ້າຮັບວັກຊີນເຂັມທຳອິດມີຈຳນວນເພີ່ມຂຶ້ນ ໂດຍຜ່ານມາອາເມລິກາບໍລິຈາກວັກຊີນໄປແລ້ວ 140 ລ້ານກວ່າໂດສ ເຊິ່ງສ່ວນຫລາຍມອບຜ່ານໂຄງການ COVAX ຂອງອົງການອະນາໄມໂລກ ແລະ ພັນທະມິດ ທີ່ພະຍາຍາມຈະສ້າງຫລັກປະກັນໃຫ້ແຕ່ລະປະເທດເຂົ້າເຖິງວັກຊີນໄດ້ຢ່າງເທົ່າທຽມກັນ.

- Wave100S AD to Website 2020 0 - ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022

ອ້າງອີງ:

- lattana banner 1 - ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022
-    AD conten website - ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022
- lattana banner - ໄບເດນ ກຽມຮຽກຮ້ອງໃຫ້ຜູ້ນຳໂລກຊ່ວຍກັນເລັ່ງສັກວັກຊີນ ໃຫ້ໄດ້ຢ່າງໜ້ອຍ 70% ຂອງພົນລະເມືອງໂລກ ພາຍໃນປີ 2022
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!