ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ

- d681f0a5 6fd2 4544 aed1 e4a7cf5aee9c - ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ
- AGL banner - ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ

ໃນທ້າຍອາທິດຜ່ານມາ, ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນ (ລລບສ) ໄດ້ຈັດພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງຈໍານວນ 4 ສະຫາຍ, ຍິງ 01 ສະຫາຍ, ທີ່ໄດ້ຜ່ານການທົດສອບຕາມກົດລະບຽບຂອງພັກປະຊາຊົນ ປະຕິວັດລາວ ຄົບຕາມວາລະຢ່າງສົມບູນ, ໂດຍການເປັນປະທານຂອງ ສະຫາຍ ສຸລິຍາ ມະນີວົງ ເລຂາໜ່ວຍພັກ, ຜູ້ອໍານວຍການໃຫຍ່ລັດວິສາຫະກິດ ລາວບໍລິການສິນຄ້າຜ່ານແດນ, ມີຮອງເລຂາ, ກໍາມະການໜ່ວຍພັກ, ພ້ອມດ້ວຍສະມາຊິກພັກສົມບູນ ແລະ ສໍາຮອງຂອງໜ່ວຍພັກ ລລບສ ເຂົ້າຮ່ວມ.

ໃນກອງປະຊຸມສະຫາຍ ສຸລິຍາ ມະນີວົງ ເລຂາໜ່ວຍພັກ, ຜູ້ອໍານວຍການໃຫ່ຍ ລລບສ ໄດ້ມີຄໍາເຫັນໂອ້ລົມ ແລະ ໃຫ້ຮູ້ບັນດາເນື້ອໃນພື້ນຖານກ່ຽວກັບພັກປະຊາຊົນ ປະຕິວັດລາວ, ຊຶ່ງແມ່ນກອງນໍາໜ້າທີ່ມີການຈັດຕັ້ງ, ແມ່ນການຈັດຕັ້ງການເມືອງສູງສຸດຂອງຊົນຊັ້ນກໍາມະກອນ ແລະ ຂອງລະບອບປະຊາທິ ປະໄຕປະຊາຊົນລາວ, ເປັນຕົວແທນທີ່ຈົ່ງຮັກພັກດີຢ່າງສະເໝີຕົ້ນສະເໝີປາຍຕໍ່ສິດ ແລະ ຜົນປະໂຫຍດຂອງຊົນຊັ້ນກໍາມະກອນ, ຊາວຜູ້ອອກ ແຮງງານລາວບັນດາເຜົ່າ ແລະ ຂອງຊາດລາວທັງໝົດທີ່ໄດ້ຮັບການສ້າງຕັ້ງຂຶ້ນໃນວັນທີ 22 ມີນາ 1955 ໂດຍການສືບທອດພາລະກິດຂອງພັກກອມມຸຍນິດອິນດູຈີນ, ຊຶ່ງແມ່ນປະທານໄກສອນ ພົມວິຫານ ເປັນຫຼັກແຫຼ່ງນໍາພາກໍ່ຕັ້ງ, ທະນຸບໍາລຸງ, ຝຶກຝົນຫຼໍ່ຫຼອມ, ກໍ່ສ້າງ ແລະ ປັບປຸງໃຫ້ໜັກແໜ້ນ ແລະ ເຂັ້ມແຂງຢ່າງບໍ່ຢຸດຢັ້ງ.

ພ້ອມດຽວກັນນັ້ນ,ສະຫາຍເລຂາໜ່ວຍພັກ ລລບສ ຍັງໄດ້ເນັ້ນເຖິງບົດບາດຄວາມສໍາຄັນຂອງພັກປະຊາຊົນປະຕິວັດລາວ ທີ່ມີການກໍ່ສ້າງ ແລະ ປັບປຸງຕົນເອງຕາມ 05 ຫຼັກການ ແລະ 03 ທິດນໍາ, ໃຫ້ຮູ້ເຖິງມາດຖານຂອງສະມາຊິກພັກ, ໜ້າທີ່ຂອງສະມາຊິກພັກ, ເງື່ອນໄຂຂອງມະຫາຊົນກ້າວໜ້າທີ່ຈະຂະຫຍາຍເຂົ້າເປັນສະມາຊິກພັກ, ສິດຂອງສະມາຊິກພັກສໍາຮອງ ແລະ ສົມບູນ, ຂໍ້ຫ້າມ ແລະ ການສິ້ນສຸດການເປັນສະມາຊິກຂອງພັກປະຊາຊົນປະຕິວັດລາວເພື່ອໃຫ້ສະມາຊິກພັກສົມບູນ ແລະ ສໍາຮອງທັງໝົດໄດ້ເຂົ້າໃຈ ແລະ ຮູ້ໄດ້ທີ່ມາຄວາມໝາຍຄວາມສໍາຄັນຂອງພັກປະຊາຊົນປະຕິວັດລາວ.

- Wave100S AD to Website 2020 0 - ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ

ຈາກນັ້ນ ສະຫາຍ ເລຂາໜ່ວຍພັກ ຍັງໄດ້ເນັ້ນໃຫ້ສະມາຊິກພັກສໍາຮອງທັງ 4 ສະຫາຍທີ່ພວມໄດ້ຖືກຮັບໃນພິທີຄັ້ງນີ້ຊຶ່ງຖືເປັນການເພີ່ມກຳລັງແຮງທີ່ສໍາຄັນໃຫ້ອົງການຈັດຕັ້ງພັກຂອງ ລລບສ ແລະ ພ້ອມກັນຮັບຜິດຊອບ, ຈັດຕັ້ງປະຕິບັດໜ້າທີ່ການເມືອງທີ່ມີກຽດສະຫງ່າຕາມການມອບໝາຍຂອງຄະນະພັກຂັ້ນເທິງ, ສືບຕໍ່ຄົ້ນຄວ້າຮໍ່າຮຽນ, ເຊື່ອມຊຶມ, ກຳແໜ້ນແນວທາງນະໂຍບາຍ ແລະ ກົດລະບຽບຂອງພັກໃຫ້ລະອຽດຂຶ້ນຕື່ມ, ຝຶກຝົນຫຼໍ່ຫຼອມຕົນເອງໃນທຸກດ້ານ ພ້ອມທັງຖອດຖອນບົດຮຽນຈາກສະມາຊິກພັກອາວຸໂສທີ່ມີປະສົບການ, ເອົາໃຈໃສ່ບຳລຸງ-ຍົກລະດັບວິຊາສະເພາະ ແລະ ພາສາຕ່າງປະເທດໃຫ້ສູງຂຶ້ນເລື້ອຍໆ, ເພື່ອໃຫ້ກາຍເປັນສະມາຊິກພັກຜູ້ດີເດັ່ນ, ມີຄວາມກ້າວໜ້າ, ຕອບສະ ໜອງຕາມຄວາມຮຽກຮ້ອງຕ້ອງການຂອງວຽກງານທີ່ມີການຜັນແປໄປໃນແຕ່ລະໄລຍະ.

ເຊື່ອໝັ້ນວ່າ ບັນດາສະຫາຍສະມາຊິກພັກສໍາຮອງໃໝ່, ພ້ອມດ້ວຍສະມາຊິກພັກສົມບູນທັງໝົດທີ່ຂຶ້ນກັບໜ່ວຍພັກ ລລບສ ຈົ່ງພະຍາຍາມສຸມໃສ່ທຸ້ມເທທຸກກໍາລັງແຮງ, ສະຕິປັນຍາ ແລະ ຄວາມຮູ້-ຄວາມສາມາດ ເຂົ້າໃນການປະຕິບັດໜ້າທີ່ການເມືອງຂອງຕົນໃຫ້ໄດ້ຮັບຜົນສໍາເລັດເປັນຢ່າງດີ ແລະ ຕັ້ງໜ້າພ້ອມກັນສ້າງໜ່ວຍພັກ ລລບສ ໃຫ້ກາຍເປັນໜ່ວຍພັກຕົວແບບທີ່ເຂັ້ມແຂງໃຫ້ປະກົດຜົນເປັນຈິງ.

- lattana banner - ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ
-    AD conten website - ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ
- lattana banner 1 - ໜ່ວຍພັກລັດວິສາຫະກິດ ລາວບໍລິການສິນຄ້າຜ່ານແດນຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!