ສືບດົມຄັວນລົດສົ່ງຜົນຮ້າຍຕໍ່ສະໝອງຂອງທ່ານ

- 042407 - ສືບດົມຄັວນລົດສົ່ງຜົນຮ້າຍຕໍ່ສະໝອງຂອງທ່ານ
- Untitled design - ສືບດົມຄັວນລົດສົ່ງຜົນຮ້າຍຕໍ່ສະໝອງຂອງທ່ານ

ທ່ານອາດອົດທົນບໍ່ໄຫວຕໍ່ກິ່ນຄັວນລົດທີ່ປ່ອຍອອກມາ ຈົນຕ້ອງໃຊ້ມື ຫລື ຫາຜ້າມາອັດປາກອັດດັງໄວ້ແມ່ນບໍ່ ? ແຕ່ທີ່ຮ້າຍ ແຮງໄປກ່ວານັ້ນຄື ກິ່ນ ຫລື ຄັວນທ່ີລອຍຢູ່ກໍສົ່ງຜົນຮ້າຍຕໍ່ສະໝອງຂອງທ່ານໄດ້ຄືກັນ ເນື່ອງຈາກການຫາຍໃຈເອົາຄັວນລົດເຂົ້າໄປຈະສົ່ງຜົນກະທົບຕໍ່ສະໝອງ ໂດຍອາດໄປທຳລາຍລະບົບການເຮັດວຽກຂອງສະໝອງໃນໄລຍະຍາວ ແລະ ເຄີຍມີລາຍງານການສຶກສາ  ພົບວ່າ : ອະນຸະພາກນ້ອຍໆຂອງຄັວນລົດສາມາດຜ່ານເຂົ້າໄປໃນດັງ ແລະ ຝັງຕິດຢູ່ໃນສະໝອງຂອງຄົນເຮົາໄດ້.

Paul Borm ຫົວໜ້າທີມວິໄຈຈາກມະຫາວິທະຍາໄລ Zuyd ກ່າວວ່າ : ຜົນກະທົບທີ່ເກີດຂຶ້ນກັບສະໝອງເຫລົ່ານີ້ອາດເປັນການສະແດງໃຫ້ເຫັນເຖິງສະພາບມົນລະພິດທາງອາກາດອັນຮຸນແຮງໃນໂຕເມືອງທີ່ມີການຈະລາຈອນແອອັດ ເຊິ່ງເປັນໄປໄດ້ວ່າຝຸ່ນຄັວນເຫລົ່ານີ້ຈະສົ່ງຜົນກະທົບຕໍ່ການເຮັດວຽກ ແລະ ການປະມວນຂໍ້ມູນຂອງສະໝອງ.

ທີມວິໄຈໄດ້ໃຫ້ອາສາສະໝັກ 10 ຄົນຢູ່ໃນຫ້ອງທີ່ມີຄັວນຈາກນຳ້ມັນກາຊວນເປັນເວລາ 1 ຊົ່ວໂມງ ແລ້ວວັດແທກຄື້ນສະໝອງ ພົບວ່າ : ມີລະດັບຄັວນຄືືທີ່ພົບໃນທ້ອງຖະໜົນ ຫລື ໃນໂຮງລົດ ແລະ ຫລັງຈາກນັ້ນ 30 ນາທີ ພົບວ່າ : ຄື້ນສະໝອງມີຄວາມເຄັ່ງຄຽດ ແລະ ມີການປ່ຽນແປງການປະມວນຂໍ້ມູນຂອງສະໝອງໃນພາກສ່ວນ Cortex.

- Wave100S AD to Website 2020 0 - ສືບດົມຄັວນລົດສົ່ງຜົນຮ້າຍຕໍ່ສະໝອງຂອງທ່ານ

ນອກຈາກນີ້, ຍັງພົບວ່າ : ຄັວນລົດເຫລົ່ານີ້ຍັງກ່ຽວຂ້ອງກັນບັນອາການຫາຍໃຈ ແລະ ບັນຫາຫົວໃຈ ແລະຫລອດເລືອດນຳອີກ ແລະ ເລື່ອງທີ່ນັກວິໄຈກຳລັງຈະສຶກສາຕື່ມໃນອະນາຄົດກໍແມ່ນການກວດຫາວ່າຜົນກະທົບດັ່ງກ່າວນີ້ຈະມີຜົນຕໍ່ຄວາມສະຫລາດ ແລະ ຄວາມຈື່ຈຳຫລືບໍ່.

- WhatsApp Image 2020 05 27 at 5 - ສືບດົມຄັວນລົດສົ່ງຜົນຮ້າຍຕໍ່ສະໝອງຂອງທ່ານ
- WhatsApp Image 2020 05 27 at 5 - ສືບດົມຄັວນລົດສົ່ງຜົນຮ້າຍຕໍ່ສະໝອງຂອງທ່ານ
error: Alert: ເນື້ອຫາຂ່າວມີລິຂະສິດ !!