ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ

- 24206 e1631690054497 - ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ
- AGL banner - ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ
ໃນວັນທີ 15 ກັນຍາ 2021 ນີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ມອບສານແຕ່ງຕັ້ງ ໃຫ້ ທ່ານ ບໍວອນທັດ ດວງຈັກ ໄປດໍາລົງຕໍາແໜງເປັນເອກອັກຄະລັດຖະທູດ, ຜູ້ຕາງໜ້າຖາວອນ ຂອງ ສປປ ລາວ ປະຈຳອາຊຽນ, ເຊິ່ງມີສຳນັກງານຕັ້ງຢູ່ ຈາກາຕາ ປະເທດອິນໂດເນເຊຍ.
ໂອກາດດັ່ງກ່າວ, ທ່ານ ປະທານປະເທດ ໄດ້ສະແດງຄວາມຍິນດີ ແລະ ຊົມເຊີຍຕໍ່ ທ່ານ ບໍວອນທັດ ດວງຈັກ ທີ່ໄດ້ຖືກແຕ່ງຕັ້ງ ໃຫ້ໄປປະຕິບັດໜ້າທີ່ການທູດ ແລະ ເປັນຜູ້ຕາງໜ້າຖາວອນ ຂອງ ສປປ ລາວ ປະຈຳອາຊຽນ, ພ້ອມທັງໃຫ້ທິດຊີ້ນຳຢ່າງເລິກເຊິ່ງ ແລະ ໜັກແໜ້ນ ໂດຍສະ ເພາະການປະທິບັດໜ້າທີ່ເປັນຜູ້ຕາງໜ້າຖາວອນຂອງ ສປປ ລາວ ປະຈຳອາຊຽນ ໃຫ້ເກີດປະໂຫຍດ ສູງສຸດແກ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ທັງເປັນການເສີມຂະຫຍາຍ ການພົວພັນຮ່ວມມື ລະຫວ່າງປະເທດ ໃຫ້ນັບມື້ດີຂຶ້ນເປັນກ້າວໆ, ພ້ອມດຽວກັນນັ້ນ, ຍັງເປັນການສະ ແດງໃຫ້ເຫັນເຖິງຄວາມສຳຄັນທີ່ ສປປ ລາວ ມີຕໍ່ອາຊຽນ ແລະ ຍົກສູງບົດບາດຂອງຜູ້ຕາງໜ້າຖາວອນ ຂອງ ສປປ ລາວ ຢູ່ໃນເວທີສາກົນ ແລະ ພາກພື້ນ.
ທ່ານ ບໍວອນທັດ ດວງຈັກ ກໍໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ທ່ານ ທອງລຸນ ສີສຸລິດ ກໍຄື ການນຳພັກ-ລັດຖະບານ ທີ່ໄດ້ໃຫ້ຄວາມໄວ້ເນື້ອເຊື່ອໃຈ ແຕ່ງຕັ້ງໃຫ້ເປັນເອກອັກຄະລັດຖະທູດ, ຜູ້ຕາງໜ້າຖາວອນຂອງ ສປປ ລາວ ປະຈຳອາຊຽນ, ພ້ອມທັງຢືນຢັນວ່າຈະສຸມທຸກຄວາມພະຍາຍາມ ເພື່ອປະຕິບັດໜ້າທີ່ ທີ່ຖືກມອບໝາຍໃນຄັ້ງນີ້ ໃຫ້ເກີດປະໂຫຍດສູງສຸດມາສູ່ປະເທດຊາດ.
- lattana banner 1 - ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ
-    AD conten website - ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ
- lattana banner - ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ
- Wave100S AD to Website 2020 0 - ປະທານປະເທດ ມອບສານແຕ່ງຕັ້ງ ທູດລາວ ໄປປະຈຳຢູ່ຕ່າງປະເທດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!