ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ

ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ - 01 - ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ
ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ - AGL banner - ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ

ການວ່າງວຽກມີສາເຫດໄດ້ຫລາຍຢ່າງ ບາງຄົນສະໝັກໃຈວ່າງວຽກດ້ວຍຕົນເອງ, ໃນຂະນະທີ່ບາງຄົນຖືກບໍລິສັດເລີກຈ້າງ ຖ້າໃຜຖືກກໍລະນີທາງຫລັງກໍຕ້ອງມີເສຍໃຈແດ່, ເສຍສູນ, ເສຍຫລັກ ແຕ່ເມື່ອເວລາຜ່ານໄປ ຢາກຈະກັບມາສະແດງຄວາມສາ ມາດໃນຫ້ອງການອີກຄັ້ງ ຈະເຮັດແນວໃດ ເພາະວ່າງວຽກໄປໄດ້ໄລຍະໜຶ່ງແລ້ວ ຢ້ານຖືກປະຕິເສດອີກ ມື້ນີ້ພວກເຮົາມີ 5 ເຄັດ ລັບມາແນະນຳ ດັ່ງນີ້ :

  1. ປັບປ່ຽນພຶດຕິກຳ : ເມື່ອມີໂອກາດໄດ້ວ່າງວຽກ ບາງເທື່ອອາດມີເຜີໃຊ້ຊີວິດຕາມສະບາຍເກີນໄປ ເຊັ່ນ : ນອນເດິກຕື່ນ ສວາຍ ແລ້ວບໍ່ອາບນ້ຳ, ບໍ່ແຕ່ງໂຕ ເມື່ອທ່ານຢາກຈະກັບເຂົ້າສູ່ຕະຫລາດວຽກອີກຄັ້ງຄົງຕ້ອງປັບປ່ຽນພຶດຕິກຳໃຫ້ກັບ ເຂົ້າມາໃກ້ວົງຈອນຊີວິດຄົນເຮັດວຽກໃຫ້ຫລາຍທີ່ສຸດ, ພະຍາຍາມໃຊ້ເວລາໃຫ້ເປັນປະໂຫຍດໂດຍການເຂົ້າເວັບໄຊຊອກ ວຽກ ຫລື ຖາມຫາໂອກາດການຮັບຄົນເຂົ້າເຮັດວຽກຈາກໝູ່ເພື່ອນ ຫລື ຍາດພີ່ນ້ອງ, ຫາຄວາມຮູ້ອ້ອມໂຕທີ່ກ່ຽວຂ້ອງ ກັບຕະຫລາດວຽກຈາກທຸກສື່ໃຫ້ຫລາຍທີ່ສຸດເທົ່າທີ່ເປັນໄປໄດ້ ເພື່ອກຽມຄວາມພ້ອມກັບການຖືກເອີ້ນສຳພາດວຽກອີກ ຄັ້ງ.
  2. ປັບແກ້ທັດສະນະຄະຕິ : ຄົນທີ່ເຄີຍວ່າງວຽກໃນໄລຍະເວລາໜຶ່ງ ບໍ່ວ່າຈະເປັນວ່າງວຽກໂດຍສະໝັກໃຈ ຫລື ດ້ວຍສະ ຖານະຈຳຍອມກໍຕາມ ອາດເປັນໄປໄດ້ວ່າເກີດຄວາມຫົດຫູ່ໃນຊີວິດ, ເສຍຄວາມໝັ້ນໃຈບາງສ່ວນຈາກການເຮັດວຽກ ຫລື ບາງຄົນອາດເຖິງຂັ້ນມີທັດສະນະຄະຕິບໍ່ດີກັບຫ້ອງການເກົ່າ, ຫົວໜ້າເກົ່າ, ແບບແຄ້ນຝັງໃຈ ຖ້າທ່ານເຂົ້າຂ່າຍເປັນ ຜູ້ມີທັດສະນະຄະຕິໃນດ້ານລົບດັ່ງທີ່ໄດ້ກ່າວມາຂ້າງເທິງແລ້ວ ຂໍບອກເລີຍວ່າ ຂໍໃຫ້ຢຸດ ແລ້ວປັບທັດສະນະຄະຕິໃໝ່ໃຫ້ ເປັນໄປໃນທາງບວກ ເພາະອັນໃດກໍຕາມທີ່ເຮົາຄິດ ມັນຈະຍຶດຕິດຢູ່ໃນຈິດໃຕ້ສຳນຶກຂອງເຮົາຢ່າງແໜ້ນໜຽວ ເຊິ່ງມີ ຜົນຕໍ່ການສະແດງອອກທາງຄວາມຄິດ ແລະ ອາລົມຂອງເຮົານຳ, ຄວາມຮູ້ສຶກພາກສ່ວນນີ້ ຖ້ານຳເຮົາເຂົ້າຫ້ອງສຳ ພາດໄປນຳຄົງບໍ່ດີແນ່ນອນ ເຊື່ອເລີຍວ່າທຸກອົງກອນຢາກໄດ້ຄົນທີ່ມີທັດສະນະຄະຕິໃນທາງບວກເຂົ້າໄປຮ່ວມງານກັບ ອົງກອນຫລາຍກ່ວາແນ່ນອນ.
  3. ຊອກຫາວຽກທີ່ຄິດວ່າເໝາະສົມແທ້ໆ : ຄວາມຈິງແລ້ວການທີ່ວ່າງວຽກກໍຖືເປັນໂອກາດອັນດີທີ່ເຮົາຈະໄດ້ມີເວລາໃຊ້ ຊີວິດແບບຊ້າລົງແດ່ ແລະ ໄດ້ໃຊ້ເວລາຄຳນຶງເຖິງຄວາມຕ້ອງການທີ່ແທ້ຈິງຂອງຊີວິດຫລາຍຂຶ້ນ ລອງຄິດເບິ່ງວ່າເຮົາ ມີຄວາມສາມາດ, ຄວາມຊຳນານ ຫລື ຄວາມມັກດ້ານໃນເປັນພິເສດ ແລະ ນອກເໜືອໄປຈາກນັ້ນ ຢ່າລືມຈັດລຽງລຳ ດັບຄວາມສຳຄັນດ້ານອື່ນໆທີ່ຕ້ອງຄຳນຶງເຖິງໃນການສະໝັກວຽກນຳ ເຊັ່ນ : ສະຫວັດດີການ, ຄ່າຕອບແທນທີ່ສົມເຫດ ສົມຜົນ ແລະ ອື່ນໆ ຮອດຕອນນີ້ເມື່ອເຮົາຕ້ອງຊອກວຽກໃໝ່ອີກຄັ້ງ ຈະໄດ້ເລືອກວຽກທີ່ແມ່ນຖືກໃຈເຮົາຫລາຍທີ່ສຸດ.
  4. ປັບປຸງເອກະສານສະໝັກວຽກ : ຈັບເອກະສານສະໝັກວຽກຊຸດເກົ່າຂຶ້ນມາອີກຄັ້ງ ແລ້ວຍົກລະດັບໃໝ່ ຖ້າທ່ານມີໂອ ກາດອັນດີໄດ້ເຮັດວຽກໂຄງການ ຫລື ວຽກເສີມອັນໃດໃນໄລຍະທີ່ວ່າງວຽກຢູ່ ກໍຢ່າລືມເພີ່ມຕື່ມລົງໄປນຳ ຈົ່ງຈື່ໄວ້ວ່າ ເອກະສານສະໝັກວຽກທີ່ມີຊ່ອງເວັ້ນໄລຍະບາງເວລາໄປ ຈະເປັນຊ່ອງວ່າງໃຫ້ບັນດາຜູ້ຈ້າງວຽກ ຖາມວ່າ ໃນໄລຍະ ເວລານັ້ນ ເຮົາໄປເຮັດຫຍັງຢູ່ໃສ ດັ່ງນັ້ນ ຖ້າເປັນໄປໄດ້ໃນໄລຍະເວລາທີ່ວ່າງວຽກ ກໍຢ່າລືມເອົາເວລາໄປພັດທະນາຕົນ ເອງໃນດ້ານທີ່ເຮົາຂາດໄປນຳ ນອກຈາກຝຶກຝົນເພີ່ມຕື່ມທັກສະສະເພາະໂຕແລ້ວ ຍັງເຮັດໃຫ້ເອກະສານສະໝັກວຽກ ເບິ່ງໜ້າຄົ້ນຫາຫລາຍຂຶ້ນກ່ວາເກົ່ານຳອີກ.
  5. ສຳພາດວຽກແບບມືອາຊີບ : ການສຳພາດວຽກເປັນຂັ້ນຕອນທີ່ສຳຄັນຫລາຍສຳລັບການສະໝັກວຽກເປັນການສ້າງ ຄວາມປະທັບໃຈຄັ້ງທຳອິດໃຫ້ແກ່ຜູ້ທີ່ທ່ານຈະເຂົ້າໄປຮ່ວມວຽກນຳໃນອະນາຄົດ. ດັ່ງນັ້ນ, ການສະແດງອອກໃນລະ ຫ່ວາງການສຳພາດວຽກຈະເປັນໜຶ່ງໃນໂຕວັດແທກຄວາມສຳຄັນທີ່ຈະບອກວ່າທ່ານຈະໄດ້ໄປຕໍ່ຫລືບໍ່ ການສະແດງ ອອກທີ່ວ່າ ບໍ່ແມ່ນແຕ່ພຽງການເວົ້າຈາຕອບຄຳຖາມເທົ່ານັ້ນ, ແຕ່ຍັງລວມເຖິງການແຕ່ງກາຍໄປສຳພາດວຽກໃຫ້ຖືກ ຕ້ອງເໝາະສົມກັບກາລະເທສະ, ສຸພາບ, ບໍ່ຄວນນຸ່ງໂປ້ ຫລື ນຸ່ງສັ້ນນຸ່ງໂຊ ເປັນຕົ້ນ ກໍເພື່ອສະແດງອອກເຖິງຄວາມໜ້າ ເຊື່ອຖືຂອງໂຕເຮົານຳ, ກຽມເອກະສານກ່ຽວຂ້ອງທີ່ສຳຄັນໄປໃຫ້ພ້ອມ (ທາງທີ່ດີຄວນສອບຖາມທາງຝ່າຍບຸກຄົນທີ່ ໂທມານັດກ່ອນມື້ສຳພາດວ່າຄວນກຽມຫຍັງໄປນຳແດ່) ອຸປະກອນເຄື່ອງຂຽນສຳລັບຕື່ມໃນໃບສະໝັກ ແລະ ເມື່ອເຖິງ ຕອນທີ່ຕ້ອງສຳພາດວຽກ ຄວນຕອບດ້ວຍນ້ຳສຽງດັງຟັງຈະແຈ້ງ, ສົບສາຍຕາຜູ້ສຳພາດ, ຕອບດ້ວຍຄວາມໝັ້ນໃຈ, ຄິດກ່ອນຕອບ, ບໍ່ຕ້ອງຟ້າວ. ສິ່ງສຳຄັນທີ່ສຸດແມ່ນ ຢ່າເວົ້າໂອ້ອວດ, ຢ່າຕົວະ ຫລື ສ້າງພາບໃຫ້ເກີນຈິງ ເມື່ອຖືກຖາມ ວ່າເປັນຫຍັງຈຶ່ງອອກຈາກວຽກບ່ອນເກົ່າ ບໍ່ຄວນກ່າວພາດພິງ ຫລື ຕຳໜິວິຈານບ່ອນເຮັດວຽກເກົ່າຢ່າງເດັດຂາດ ຈະ ເຮັດໃຫ້ທ່ານເບິ່ງບໍ່ດີຫລາຍໃນສາຍຕາຂອງຜູ້ສຳພາດວຽກ ແລະ ຢ່າລືມເລົ່ານຳວ່າ ລະຫ່ວາງທີ່ທ່ານວ່າງວຽກຢູ່ ທ່ານ ໄດ້ໃຊ້ເວລາໃຫ້ເປັນປະໂຫຍດ ຫລື ໄດ້ຮັບຄວາມຮູ້ຫຍັງໃໝ່ໆທີ່ຈະເອົາມາຊ່ວຍໃນການເຮັດວຽກຄັ້ງຕໍ່ໄປຂອງທ່ານໄດ້ ແດ່ ຖ້າເຮັດໄດ້ແບບນີ້ແລ້ວ ເຊື່ອເລີຍວ່າທ່ານຈະໄດ້ວຽກສົມຕາມຄວາມປາຖະໜາຢ່າງແນ່ນອນ.
ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ - lattana banner 1 - ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ
ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ -    AD conten website - ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ
ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ - lattana banner - ວ່າງວຽກມາດົນ ຈະເຮັດແນວໃດໃຫ້ໄດ້ວຽກໃໝ່ໄວ ແລະ ງ່າຍຂຶ້ນ
error: Alert: ເນື້ອຫາຂ່າວມີລິຂະສິດ !!