ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ

ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ -              1 - ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ
ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ - AGL banner - ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ

ວັນທີ 15 ກັນຍາ 2021, ນາຍົກລັດຖະມົນຕີ ສະກອດ ມໍຣິສັນ ຂອງອົດສະຕຣາລີ, ນາຍົກລັດຖະມົນຕີ ບໍຣິສ ຈອນສັນ ຂອງອັງກິດ ແລະ ປະທານາທິບໍດີ ໂຈ ໄບເດນ ຂອງອາເມລິກາ ຈັບມືຈັດຕັ້ງ AUKUS ໄຕພາຄີດ້ານຄວາມໝັ້ນຄົງໃນອາຊີ-ປາຊີຟິກຂຶ້ນຢ່າງເປັນທາງການ ເຊິ່ງຈະນຳໄປສູ່ການຊ່ວຍໃຫ້ກອງທັບຂອງອົດສະຕຣາລີມີເຮືອດຳນ້ຳພະລັງງານນິວເຄຼຍ ເພື່ອຮ່ວມມືປະຕິບັດພາລະກິດດ້ານຄວາມໝັ້ນຄົງກັບອີກ 2 ປະເທດ.

ຜູ້ນຳອາເມລິກາ ລະບຸວ່າ: “ພວກເຮົາຕ່າງຍອມຮັບ ແລະ ເຫັນຄວາມສຳຄັນຂອງການສ້າງຫລັກປະກັນດ້ານສັນຕິພາບ ແລະ ຄວາມໝັ້ນຄົງໃນອິນໂດປາຊີຟິກໃນໄລຍະຍາວ, ເຮົາຈຳເປັນຕ້ອງດຳເນີນກ່ຽວກັບທັງສະພາບແວດລ້ອມທາງກົນລະຍຸດໃນພາກພື້ນນີ້ ແລະ ວິທີທີ່ອະນາຄົດຂອງແຕ່ລະປະເທດຈະຄ່ອຍໆພັດທະນາຂຶ້ນຢ່າງແທ້ຈິງ ເຊິ່ງສິ່ງເຫລົ່ານີ້ຂຶ້ນຢູ່ກັບຄວາມໝັ້ນຄົງ ແລະ ເຟື່ອງຟູຂອງອິນໂດປາຊີຟິກທີ່ມີເສລີ ແລະ ເປີດກວ້າງຕະຫລອດຫລາຍທົດສະວັດຕໍ່ໜ້າ”.

ຂະນະທີ່ນາຍົກລັດຖະມົນຕີອົດສະຕຣາລີຊີ້ວ່າ: ການຮ່ວມມືດ້ານຄວາມໝັ້ນຄົງຄັ້ງໃໝ່ນີ້ຈະຊ່ວຍເຮັດໃຫ້ພາກພື້ນນີ້ປອດໄພ ແລະ ໝັ້ນຄົງຍິ່ງຂຶ້ນ “ຂໍໃຫ້ຂ້າພະເຈົ້າຊີ້ແຈງໃຫ້ກະຈ່າງແຈ້ງວ່າ: ອົດສະຕຣາລີບໍ່ໄດ້ກຳລັງຈະໄດ້ຮັບອາວຸດນິວເຄຼຍ ຫລື ສ້າງຕັ້ງໂຄງການນິວເຄຼຍ, ເຮົາຈະຍັງປະຕິບັດຕາມຂໍ້ບັງຄັບໃນສົນທິສັນຍາບໍ່ແຜ່ຂະຫຍາຍອາວຸດນິວເຄຼຍ (NPT) ທີ່ເຄີຍລົງນາມໄວ້ທຸກປະການ”.

ສ່ວນນາຍົກລັດຖະມົນຕີ ຈອນສັນ ກ່າວວ່າ: “ການຮ່ວມມືນີ້ຈະຊຸກຍູ້ການສ້າງເຮືອດຳນ້ຳພະລັງງານນິວເຄຼຍສຳລັບອົດສະຕຣາລີ ເຊິ່ງຈະເປັນໜຶ່ງໃນໂຄງການທີ່ສັບຊ້ອນ ແລະ ຕ້ອງໃຊ້ເຕັກນິກຫລາຍທີ່ສຸດໃນໂລກ, ອົດສະຕຣາລີເປັນໜຶ່ງປະເທດພັນທະມິດທີ່ເກົ່າແກ່ທີ່ສຸດຂອງເຮົາ ເປັນປະເທດທີ່ມີການພົວພັນ, ປົກຄອງດ້ວຍລະບອບປະຊາທິປະໄຕ ແລະ ເປັນຫຸ້ນສ່ວນໂດຍທຳມະຊາດຂອງການຮ່ວມມືນີ້”.

ຫລາຍຝ່າຍເບິ່ງວ່າ: ການຮ່ວມມືດັ່ງກ່າວເປັນຄວາມພະຍາຍາມໃນການທີ່ຈະປ້ອງປາມອິດທິພົນຂອງຈີນໃນອິນໂດປາຊີຟິກ ໂດຍສະເພາະໃນເຂດທະເລຈີນໃຕ້ທີ່ຍັງມີຂໍ້ຂັດແຍ່ງເລື່ອງການອ້າງກຳມະສິດ. ອີກທັງ AUKUS ອາດສັ່ນເຄື່ອນດິລມູນຄ່າຫລາຍພັນລ້ານທີ່ລັດຖະບານອົດສະຕຣາລີເຄີຍລົງນາມຈະຊື້ເຮືອດຳນ້ຳຝຣັ່ງເມື່ອປີ 2016 ສົ່ງຜົນໃຫ້ຝຣັ່ງໃນສະຖານະປະເທດເອີຣົບທີ່ເປັນພັນທະມິດຍາວນານຂອງອົດສະຕຣາລີອາດຖືກສັ່ນຄອນ.

ສ່ວນໂຄສົກປະຈຳສະຖານເອກອັກຄະລາຊະທູດຈີນ ປະຈຳນະຄອນຫລວງວໍຊິງຕັນ ດີຊີ ລະບຸວ່າ: ທັງ 3 ປະເທດຄວນນຳເອົາຄວາມຄິດແນວຍຸກສົງຄາມເຢັນ ແລະ ຄວາມອະຄະຕິອອກໄປໄດ້ແລ້ວ. ພ້ອມທັງລະບຸວ່າ: ການຮ່ວມມືດັ່ງກ່າວມຸ່ງເປົ້າໃສ່ຜົນປະໂຫຍດແຫ່ງຊາດຂອງປະເທດອື່ນໆ.

ນອກຈາກນີ້, ອາເມລິກາ ແລະ ອົດສະຕຣາລີຍັງເຄີຍຮ່ວມມືກັນຈັດຕັ້ງພັນທະມິດສີ່ເສົ້າດ້ານຄວາມໝັ້ນຄົງ (Quadrilateral Security Dialogue) ຫລື Quad ຂຶ້ນເປັນຄັ້ງທຳອິດນັບແຕ່ປີ 2007 ຮ່ວມກັບອິນເດຍ ແລະ ຍີ່ປຸ່ນ ດ້ວຍຈຸດປະສົງທີ່ຄ້າຍຄືກັນ ກ່ອນຈະກັບມາປະຊຸມຫາລືກັນຢ່າງຈິງຈັງອີກໃນປີ 2017 ແລະ ຄາດວ່າ Quad ຈະຈັດປະຊຸມຂຶ້ນອີກໃນອາທິດໜ້າ ໂດຍມີອາເມລິກາເປັນເຈົ້າພາບ.

ອ້າງອີງ:

ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ - lattana banner - ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ
ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ -    AD conten website - ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ
ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ - lattana banner 1 - ອົດສະຕຣາລີ, ອັງກິດ, ອາເມລິກາ ຈັດຕັ້ງ “AUKUS” ໄຕພາຄີດ້ານຄວາມໝັ້ນຄົງໃນອາຊີປາຊີຟິກ
error: Alert: ເນື້ອຫາຂ່າວມີລິຂະສິດ !!