ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ”

ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ” -              1 - ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ”
ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ” - AGL banner - ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ”

ສານອາຍາສາກົນ ຕົກລົງວ່າຈະມີການສືບສວນຢ່າງເປັນທາງການວ່ານະໂຍບາຍ “ສົງຄາມຢາເສບຕິດ” ຂອງທ່ານ ໂຣດຣິໂກ້ ດູເຕີເຕ ປະທານາທິບໍດີຟີລິບປິນ ຖືເປັນອາຊະຍາກຳຕໍ່ມະນຸດ ຫລື ບໍ່ ເພື່ອສະແຫວງຫາຄວາມເປັນທຳໃຫ້ຄອບຄົວ ແລະ ເຫຍື່ອທີ່ຖືກຂ້າກວາດລ້າງລະຫວ່າງດຳເນີນນະໂຍບາຍດັ່ງກ່າວ.

ວັນທີ 16 ກັນຍາ 2021, ສານອາຍາສາກົນ ອອກຖະແຫລງການ ຊີ້ມູນຄວາມຜິດພຽງພໍທີ່ຈະນຳໄປສູ່ການດຳເນີນການສອບສວນ ໂດຍຍັງລະບຸວ່າ: ມີເງື່ອນໄຂຫລາຍຢ່າງເຮັດໃຫ້ກໍລະນີການດຳເນີນນະໂຍບາຍສົງຄາມຢາເສບຕິດ ເຊິ່ງເຮັດໃຫ້ມີຜູ້ເສຍຊີວິດຫລາຍພັນຄົນ ອາດເຂົ້າຂ່າຍຂໍ້ຫາອາດຊະຍາກຳຕໍ່ມະນຸດ.

ອົງຄະນະຕຸລາການພິຈາລະນາຄະດີ ລະບຸວ່າ: ນະໂຍບາຍທີ່ເອີ້ນວ່າສົງຄາມຢາເສບຕິດ ແລະ ການວິສາມັນຄາດຕະກຳທີ່ເກີດຂຶ້ນຈຳນວນມະຫາສານນັ້ນບໍ່ອາດເອີ້ນໄດ້ວ່າການປະຕິບັດການບັງຄັບໃຊ້ກົດໝາຍທີ່ຖືກຕ້ອງຍຸຕິທຳໄດ້. ໃນກໍລະນີນີ້ ຜູ້ພິພາກສາພິຈາລະນາຈາກຂໍ້ເປັນຈິງຂອງເຫຍື່ອຢ່າງໜ້ອຍ 204 ຄົນ ເຮັດໃຫ້ພົບວ່າມີ “ການໂຈມຕີພົນລະເຮືອນຢ່າງກວ້າງຂວາງ ແລະ ເປັນລະບົບ ແລະ ເປັນການປະຕິບັດ ຫລື ມີການຊຸກດັນໃຫ້ເປັນນະໂຍບາຍຂອງລັດ”.

ທ່ານ ດູເຕີເຕ ປະທານາທິບໍດີຟີລິບປິນ ປະກາດເຮັດສົງຄາມຢາເສບຕິດນັບແຕ່ເຂົ້າຮັບຕຳແໜ່ງປະທານາທິບໍດີໃນປີ 2016. ຮິວແມນໄຣວອດລະບຸມີຜູ້ເສຍຊີວິດຈາກນະໂຍບາຍນີ້ 12.000 ກວ່າຄົນ ຈາກການທີ່ເຈົ້າໜ້າທີ່ຄວາມໝັ້ນຄົງໄດ້ຮັບການ “ອະນຸຍາດໃຫ້ຂ້າ” ໃຜກໍຕາມທີ່ຖືກສົງໄສວ່າກ່ຽວຂ້ອງກັບຢາເສບຕິດ.

ໃນເດືອນມິຖຸນາຜ່ານມາ, ທ່ານ ຟາເຕົາ ເບນຊູດາ ອະດີດໄອຍະການສານອາຍາສາກົນ ຍື່ນຄຳຮ້ອງໃຫ້ມີການສອບສວນເລື່ອງນີ້ ໂດຍຄຳຮ້ອງຂຽນວ່າ: ລະຫວ່າງທີ່ມີປະຕິບັດການນີ້ ເຈົ້າໜ້າທີ່ຂອງລັດ ໂດຍສະເພາະເຈົ້າໜ້າທີ່ຄວາມໝັ້ນຄົງໄດ້ສັງຫານຜູ້ຕ້ອງສົງໄສວ່າໃຊ້ຢາເສບຕິດ ແລະ ພົນລະເຮືອນທົ່ວໄປຫລາຍພັນຄົນ.

ຫລັງມີຄຳຮ້ອງນີ້ອອກມາ, ປະທານາທິບໍດີ ດູເຕີເຕ ຕອບໂຕ້ກັບວ່າ: ຂໍ້ກ່າວຫາເປັນເລື່ອງໄຮ້ສາລະ ແລະ ຈະ “ຕົບ” ບັນດາຜູ້ພິພາກສາສານອາຍາສາກົນ ແລະ ທີ່ປຶກສາປະທານາທິບໍດີຝ່າຍກົດໝາຍຢືນຢັນວ່າ: ລັດຖະບານຈະບໍ່ຮ່ວມມືໃດໆກັບການສອບສວນນີ້ ແລະ ຜູ້ສອບສວນທີ່ສານອາຍາສາກົນສົ່ງມາຈະບໍ່ໄດ້ຮັບອະນຸຍາດໃຫ້ເຂົ້າປະເທດ.

ມີຂໍ້ໂຕ້ຖຽງວ່າ: ສານອາຍາສາກົນມີອຳນາດສອບສວນນີ້ ຫລື ບໍ່ ເນື່ອງຈາກທັນທີທີ່ສານອາຍາສາກົນເລີ່ມກ່າວເຖິງເລື່ອງນີ້ໃນປີ 2018, ທ່ານ ດູເຕີເຕ ກໍຖອນການເປັນສະມາຊິກອອກທັນທີ ແລະ ມີຜົນໃນປີ 2019 ເຊິ່ງສານອາຍາສາກົນຢືນຢັນວ່າ: ເລື່ອງນີ້ຍັງຢູ່ໃນຂອບເຂດອຳນາດສານ ເນື່ອງຈາກໃນເວລາເກີດເຫດໃນປີ 2016 ນັ້ນ ຟີລິບປິນຍັງເປັນສະມາຊິກຢູ່.

ຟີລິບປິນຂຶ້ນສູ່ສານອາຍາສາກົນໄດ້ ເນື່ອງຈາກເຄີຍໃຫ້ສັດຕະຍາບັນທຳມະນູນນະຄອນຫລວງໂຣມ ວ່າດ້ວຍສານອາຍາສາກົນໃນປີ 2011. ຂະນະທີ່ສານອາຍາສາກົນສ້າງຂຶ້ນໃນປີ 2002 ໂດຍປະເທດສະມາຊິກສະຫະປະຊາຊາດ ແລະ ເຄີຍຕັດສິນຄະດີສຳຄັນຕ່າງໆເຊັ່ນ: ກໍລະນີອະດີດຜູ້ນຳຊູດັງ ຫລື ໃນປີ 2019 ເຄີຍຕັດສິນກໍລະນີ ບອສໂຄ ນາກັນດາ ວ່າເປັນອາດຊະຍາກອນສົງຄາມທີ່ກະທຳອາດຊະຍາກຳຕໍ່ມະນຸດໃນສົງຄາມລະຫວ່າງຣູວັນດາ ແລະ ຄອງໂກ.

ອ້າງອີງ:

https://www.aljazeera.com/…/philippines-icc-agrees-to…

ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ” - lattana banner 1 - ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ”
ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ” -    AD conten website - ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ”
ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ” - lattana banner - ສານອາຍາສາກົນ ກຽມສືບສວນທ່ານ ດູເຕີເຕ ກໍລະນີ “ສົງຄາມຢາເສບຕິດ”
error: Alert: ເນື້ອຫາຂ່າວມີລິຂະສິດ !!