ມຽນມາເຕືອນຈະມີຝົນຕົກໜັກອີກ ຫລັງມີຄລິບເຈດີລົ້ມອອກມາ

- advert banner 728 90 728x90 - ມຽນມາເຕືອນຈະມີຝົນຕົກໜັກອີກ ຫລັງມີຄລິບເຈດີລົ້ມອອກມາ

- new3 - ມຽນມາເຕືອນຈະມີຝົນຕົກໜັກອີກ ຫລັງມີຄລິບເຈດີລົ້ມອອກມາ

ລັດຖະບານ​ມຽນມາ​ປະກາດ​ເຕືອນ​ວ່າ: ຈະ​ມີ​ຝົນຕົກ​ໜັກ​ລົງ​ມາ​ອີກ, ຂະນະ​ທີ່​ລະ​ດັບ​ນ້ຳ​ເພີ່ມ​ຂຶ້ນຢ່າງ​ວ່ອງ​ໄວ ​ເຮັດ​ໃຫ້​ກະ​ແສນ້ຳພັດ​ເຈດີ​ທາງ​ພາກ​ກາງຂອງ​ມຽນມາ​ຈົມ​ລົງ ​ແລະ ສົ່ງ​ຜົນ​ໃຫ້​ປະຊາຊົນ​ຫລາຍ​ໝື່ນ​ຄົນ​ຕ້ອງ​ອົບ​ພະຍົບອອກ​ຈາກ​ເຮືອນ.

ພາບ​ເຫດການ​ເຜີຍ​ແຜ່​ໃນ​ສື່​ອອນ​ລາຍ​ເມື່ອ​ເຈດີ​ແຄມ​ຝັ່ງ​ແມ່ນ້ຳລົ້ມ ​ແລະ ຈົມ​ລົງ​ໄປ​ຕາມ​ກະ​ແສນ້ຳ​ໄຫລ​ແຮງ ຢູ່​ເຂດ​ມາ​ເກ​ວ ຕໍ່ໜ້າ​ຝູງ​ຄົນ​ທີ່ຢູ່​ບໍລິ​ເວນ​ນັ້ນ. ພະສົງ​ອົງ​ໜຶ່ງ​ທີ່​ບັນທຶກ​ພາບ​ໄດ້ບອກ​ວ່າ: ​ເຈດີ​ລົ້ມ​ໃນ​ວັນທີ 20 ກໍລະກົດ ພາຍຫລັງ​ສ້າງ​ຂຶ້ນ​ໃນ​ປີ 2009 ​ແລະ ຕັ້ງຢູ່​ຫ່າງ​ຈາກ​ແມ່ນ້ຳ. ​ເຖິງ​ຢ່າງ​ໃດ​ກໍ​ຕາມ ​ໃນ​ແຕ່ລະ​ປີ​ກະ​ແສນ້ຳ​ໄດ້​ກັດ​ເຊາະ​ຕາ​ຝັ່ງ​ເຂົ້າມາ​ເລື້ອຍໆ ​ແລະ ​ເຮັດ​ໃຫ້​ເຈດີ​ລົ້ມລົງ​ໄປ​ໃນ​ແມ່ນ້ຳ. ລັດຖະບານ​ມຽນມາ​ຖະ​ແຫລ​ງວ່າ: ມີ​ຜູ້​ເສຍ​ຊີວິດ​ຢ່າງ​ໜ້ອຍ 2 ຄົນ ​ແລະ ບໍ່​ມີ​ບ່ອນຢູ່​ຫລາຍ​ກວ່າ 90.000 ຄົນ​ຈາກ​ອຸ​ທົກ​ກະ​ໄພ​ທົ່ວ​ພາກ​ກາງ ​ແລະ ພາກ​ໃຕ້​ຂອງ​ມຽນມາ​ໃນ​ເດືອນ​ນີ້ ​ໂດຍ​ພື້ນທີ່​ປະສົບ​ໄພ​ສ່ວນ​ຫລາຍ​ຢູ່​ເຂດ​ມາ​ເກ​ວ ​ເຊິ່ງມີ​ເຈດີ​ລົ້ມ ​ແລະ ປະຊາຊົນ​ກວ່າ 60.000 ຄົນ​ຕ້ອງ​ອົບ​ພະຍົບໜີ້​ລະດັບ​ນ້ຳທີ່​ຖ້ວມ​ສູງ​ຂຶ້ນ. ກະຊວງ​ຊັບພະຍາກອນ​ນ້ຳອອກ​ປະກາດ​ເຕືອນ​ໄພ​ນ້ຳຖ້ວມ​ໃນ​ຫລາຍ​ພື້ນທີ່​ໃນ 2-3 ມື້ຕໍ່ໜ້າ, ຂະນະ​ທີ່​ຝົນ​ມໍ​ລະ​ສຸມ​ຍັງ​ຕົກ​ໜັກ​ຢ່າງ​ຕໍ່​ເນື່ອງ.

- 1500882328132 960x0 - ມຽນມາເຕືອນຈະມີຝົນຕົກໜັກອີກ ຫລັງມີຄລິບເຈດີລົ້ມອອກມາ

ຂະນະ​ທີ່​ສຳນັກ​ງາ​ນອຸຕຸນິຍົມ​ວິທະຍາ​ຫວຽດນາມ​ປະກາດ​ເຕືອນ​ວ່າ: ພາຍຸ​ໝູນ​ເຂດ​ຮ້ອນ​ຊົງ​ກາ​ກຳລັງ​ເຄື່ອນ​ທີ່​ຈະ​ພັດ​ຂຶ້ນຝັ່ງ​ທາງ​ຕອນ​ກາງຂອງ​ປະ​ເທດ ຖື​ເປັນ​ພາ​ຍຸ​ເຂດ​ຮ້ອນ​ຫົວທີ 4 ຈາກ​ທະ​ເລ​ຈີນ​ໃຕ້​ໃນ​ປີ​ນີ້.

- lattana 1 - ມຽນມາເຕືອນຈະມີຝົນຕົກໜັກອີກ ຫລັງມີຄລິບເຈດີລົ້ມອອກມາ

ສຳນັກງານ​ອຸຕຸນິຍົມ​ວິທະຍາ​ຄາດ​ວ່າ: ອິດ​ທິພົນ​ຂອງ​ພາຍຸ​ຈະ​ສົ່ງ​ຜົນ​ໃຫ້​ເກີດ​ຝົນຕົກ​ໜັກ​ຢູ່​ຫລາຍ​ແຂວງ​ທາງ​ຕອນ​ກາງຂອງ​ຫວຽດນາມ ລວມທັງ​ທະ​ເລ​ຈະ​ມີຄື້ນ​ແຮ​ງສູງ 2-3 ​ແມັດ​ໃນ​ວັນ​ທີ 25 ກໍລະກົດ​ນີ້, ສ່ວນ​ພື້ນທີ່​ເຂດ​ພູ​ຢູ່​ແຂວງ​ທາງ​ຕອນ​ເໜືອ​ມີ​ໂອກາດ​ເກີດ​ນ້ຳຖ້ວມ​ກະ​ທັນ​ຫັນ ​ແລະ ດິນ​ເຈື່ອນ. ທັງ​ນີ້ ພາຍຸ​ຊົງ​ກາ​ຈະ​ອ່ອນ​ກຳລັງ​ລົງ​ເປັນ​ພາຍຸ​ດີ​ເປສຊັນ​ໃນ​ວັນ​ທີ 26 ກໍລະກົດ ຫລັງ​ເຄື່ອນ​ທີ່​ອອກ​ຈາກ​ຫວຽດນາມ ​ແລະ ​ເຂົ້າສູ່​ພາກ​ກາງຂອງ ສປປ ລາວ.

error: Content is protected !!