ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ

ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ - F flood lp - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ
ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ - AGL banner - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ

ໃນວັນທີ 23 ກັນຍາ 2021, ປະທານຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ອອກແຈ້ງການ ກ່ຽວກັບການກະກຽມຮັບມືກັບໄພພິບັດທີ່ອາດຈະເກີດຂຶ້ນໃນໄລຍະ ວັນທີ 24-26 ກັນຍາ 2021 ທີ່ຈະໄດ້ພັດຜ່ານເຂດພາກໃຕ້ ຂອງ ສປປ ລາວ ປ່ອງໃສ່ຄວາມກົດດັນອາກາດຕໍ່າທີ່ປົກຄຸມຢູ່ທະເລຈີນໃຕ້ຕອນກາງດ້ວຍກໍາລັງແຮງຄາດວ່າຈະເພີ່ມກໍາລັງແຮງຂຶ້ນກາຍເປັນພາຍຸເຂດຮ້ອນ ແລະ ຈະເຄື່ອນຜ່ານພາກກາງ ຫາ ພາກໃຕ້ຂອງ ສປປ ລາວ ໃນວັນທີ 24-25 ກັນຍາ 2021 ນີ້, ເຊິ່ງຈະສົ່ງຜົນກະທົບຕໍ່ສະພາບອາກາດ ດັ່ງນີ້:

 

ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ - 1 1 234x300 - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ

ໄລຍະວັນທີ 23-25 ກັນຍາ 2021 ຈະມີຝົນຕົກໜັກ ຫາ ໜັກຫລາຍ ແລະ ລົມພັດແຮງ ໃນບາງທ້ອງຖິ່ນຢູ່ເຂດ ພາກໃຕ້ ແລະ ພາກກາງ ເຊັ່ນ: ແຂວງ ອັດຕະປື, ຈໍາປາສັກ, ສາລະວັນ, ເຊກອງ ແລະ ສະຫວັນນະເຂດ ເຊິ່ງຈະເຮັດ ໃຫ້ເກີດມີຕົ້ນໄມ້ຫັກລົ້ມ, ຫລັງຄາເຮືອນເປ່ເພ, ນ້ຳຖ້ວມອັ່ງ ແລະ ນ້ຳຖ້ວມຍື່ງ ຢູ່ບາງທ້ອງຖິ່ນ; ໄລຍະວັນທີ 24-26 ກັນຍາ 2021 ຈະມີຝົນຕົກໃນລະດັບປານກາງ ຫາ ໜັກ ແລະ ລົມພັດແຮງ ຢູ່ເຂດພາກກາງ ແລະ ພາກເໜືອດ້ານຕາເວັນຕົກ ເຊັ່ນ: ແຂວງ ສະຫວັນນະຂດ, ຄໍາມ່ວນ, ບໍລິຄໍາໄຊ, ວຽງຈັນ, ໄຊສົມບູນ, ນະຄອນຫລວງວຽງຈັນ, ຫລວງພະບາງ, ໄຊຍະບູລີ ແລະ ບໍ່ແກ້ວ ເຊິ່ງຈະເຮັດໃຫ້ເກີດມີ ນ້ຳຖ້ວມກະທັນຫັນ, ນ້ຳ ຖ້ວມຊຸ ແລະ ດິນເຈື່ອນ ຢູ່ບາງທ້ອງຖິ່ນ.

ສະນັ້ນ, ໃນນາມປະທານຄະນະກໍາມະການຄຸ້ມຄອງໄພພິບັດຂັ້ນສູນກາງ ຈຶ່ງແຈ້ງມາຍັງຄະນະກາມະການຄຸ້ມຄອງ ໄພພິບັດຂັ້ນແຂວງ, ນະຄອນຫລວງວຽງຈັນ ເພື່ອກຽມພ້ອມຮັບມືດັ່ງນີ້:

  1. ໃຫ້ຕິດຕາມ ສະພາບການປ່ຽນແປງຂອງດິນຟ້າອາກາດ ຈາກກົມອຸຕຸນິຍົມ ແລະ ອຸທົກກະສາດ, ຜ່ານໂທລະພາບ, ວິທະຍຸ ແລະ ສື່ອອນລາຍທາງການ ອື່ນໆ ພ້ອມທັງແຈ້ງໃຫ້ອົງການປົກຄອງທ້ອງຖິ່ນຂອງຕົນ ກະກຽມຄວາມພ້ອມຮັບມື ແລະ ຕອບໂຕ້ສຸກເສີນກັບໄພພິບັດ ທີ່ອາດຈະເກີດຂຶ້ນໃນລະຫວ່າງ ວັນທີ 24-26 ກັນຍາ 2021;
  2. ແຕ່ງຕັ້ງຄະນະລົງຕິດຕາມລະດັບນ້ຳຕາມແຄມແມ່ນ້ຳຕ່າງໆ ຢ່າງໃກ້ຊິດ, ມີສະຕິລະວັງຕົວຕໍ່ສະພາບເຫດການດິນເຈື່ອນ, ນ້ຳຖ້ວມຊຸ, ນ້ຳຖ້ວມຍື່ງ ແລະ ລົມພັດແຮງ ທີ່ອາດຈະເກີດຂື້ນ ພ້ອມທັງກຽມພ້ອມດ້ານພາຫະນະ,ອຸປະກອນ, ສະຖານທີ່ບ່ອນຫລົບໄພຊົ່ວຄາວ, ເຄື່ອງອຸປະໂພກ-ບໍລິໂພກ ທີ່ຈໍາເປັນຮັບຮອງໃນກໍລະນີສຸກເສີນ;
  3. ໃຫ້ກໍາລັງປ້ອງກັນຊາດ-ປ້ອງກັນຄວາມສະຫົງບ ກະກຽມທາງດ້ານກໍາລັງພົນ, ພາຫະນະ ແລະ ອຸປະກອນຕ່າງໆ ເພື່ອກຽມພ້ອມໃຫ້ການກອບກູ້ ແລະ ຊ່ວຍເຫລືອປະຊາຊົນທີ່ໄດ້ຮັບຜົນກະທົບ ໃນກໍລະນີມີເຫດການສຸກເສີນ ໃຫ້ທັນສະພາບການ;

 

ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ - 2 1 235x300 - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ

 

  1. ປະກາດ, ແຈ້ງເຕືອນ ພໍ່ແມ່ປະຊາຊົນ ໃຫ້ຮັບຊາບຂໍ້ມູນຂ່າວສານ ແລະ ມີສະຕິລະວັງຕົວ, ກຽມພ້ອມຍົກຍ້າຍຜູ້ທີ່ມີຄວາມສ່ຽງ, ເກັບມ້ຽນສິ່ງຂອງທີ່ມີຄ່າ, ກຽມຍົກຍ້າຍສັດລ້ຽງ, ເພື່ອປ້ອງກັນ ແລະ ຮັບມືກັບເຫດການໄພພິບັດທີ່ອາດເກີດຂຶ້ນໃຫ້ທັນເວລາ.

ດັ່ງນັ້ນ, ຈຶ່ງແຈ້ງມາບັນດາທ່ານ ປະທານຄະນະກໍາມະການຄຸ້ມຄອງໄພພິບັດຂັ້ນແຂວງ, ນະຄອນຫລວງ ຈົ່ງເພີ່ມທະວີສະຕິລະວັງຕົວ, ເຝົ້າລະວັງ, ກະກຽມຄວາມພ້ອມ ຮັບມືກັບເຫດການສຸກເສີນທີ່ອາດຈະເກີດຂຶ້ນດ້ວຍຄວາມຮັບຜິດຊອບສູງ.

 

ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ - lattana banner - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ
ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ -    AD conten website - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ
ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ - lattana banner 1 - ຄະນະກໍາມະການຄຸ້ມຄອງໄພພິບັດຂັ້ນສູນກາງແຈ້ງໃຫ້ກະກຽມຮັບມືກັບໄພພິບັດທີ່ອາດເກີດຂຶ້ນ
error: Alert: ເນື້ອຫາຂ່າວມີລິຂະສິດ !!