ຝຣັ່ງກຽມຮຽກຄ່າເສຍຫາຍໃນຂໍ້ຫາຍົກເລີກຂໍ້ຕົກລົງເຮືອດຳນໍ້າຈາກ ອົດສະຕຣາລີ 40 ຕື້ໂດລາ

ເວັບໄຊ MGR Online ລາຍງານເມື່ອວັນທີ 24 ກັນຍາ 2021 ນີ້ວ່າ: ນາວາລ ກຣຸບ (Naval Group) ເຊິ່ງເປັນບໍລິສັດຕໍ່ເຮືອຂອງຝຣັ່ງ ກຽມສົ່ງລາຍລະອຽດ ແລະ ຂໍ້ສະເໜີຜ່ານການຄິດໄລ່ດ້ານຄ່າເສຍຫາຍໄປໃຫ້ອົດສະຕາລີ ເພື່ອຮຽກຄ່າເສຍຫາຍພາຍຫລັງອົດສະຕຣາລີຍົກເລີກຂໍ້ຕົກລົງມູນຄ່າ 40 ຕື້ໂດລາສະຫະລັດກ່ອນຈະຫັນໄປເຊັນສັນຍາຂໍ້ຕົກລົງໃໝ່ກັບສະຫະລັດອາເມລະກາ ແລະ ອັງກິດແທນ.

ຊີອີໂອຂອງ ນາວາລ ກຣຸບ ກ່າວວ່າ ອົດສະຕາລີຍົກເລີກສັນຍາໂດຍບໍ່ມີການແຈ້ງລ່ວງໜ້າໃດໆກັບທາງບໍລິສັດ ພ້ອມຢືນຢັນວ່າຈະມີການຈັດສົ່ງລາຍລະອຽດ ແລະ ຂໍ້ສະເໜີຜ່ານການຄິດໄລ່ແບບປະມານທີ່ພວກເຂົາຄາດວ່າທາງການອົດສະຕາລີຕ້ອງໄດ້ຈ່າຍທົດແທນຄ່າເສຍຫາຍສຳລັບການຍົກເລີກຂໍ້ຕົກລົງໃນປີ 2016.

ຢ່າງໃດກໍຕາມ, ທາງການອົດສະຕາລີກໍໄດ້ໂຕ້ແຍ້ງຂໍ້ກ່າວຫາທີ່ທາງຝຣັ່ງອ້າງວ່າ ບໍ່ມີການແຈ້ງລ່ວງໜ້າ ທັງເນັ້ນຢໍ້າວ່າຂໍ້ຕົກລົງດັ່ງກ່າວມີຄວາມຫລ້າຊ້າແກ່ຍາວມາຫລາຍປີ ພ້ອມກາຍກຳນົດເວລາແລ້ວ ຂະນະທີ່ອົດສະຕາລີໄດ້ດຳເນີນການທົບທວນສັນຍາດັ່ງກ່າວມາຕັ່ງແຕ່ຕົ້ນເດືອນມັງກອນ.