ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3

- sapar 1 - ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3
- Untitled design - ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3

ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນ ແຂວງຈຳປາສັກຊຸດທີ I ໄດ້ສຸມໃສ່ ພິຈາລະນາ ແລະ ຕົກລົງຮັບຮອງ ເອົາ ຫລາຍບັນຫາພື້ນຖານສຳ ຄັນຂອງແຂວງໃນການ ສືບຕໍ່ ຈັດຕັ້ງຜັນຂະຫຍາຍທິດທາງ ແຜນການພັດທະນາເສດຖະ ກິດ-ສັງຄົມຂອງແຂວງໃນຕໍ່ ໜ້າ, ທັງສາມາດຕອບສະໜອງ ຄວາມ ຮຽກຮ້ອງຕ້ອງການໃນ ການຄຸ້ມຄອງລັດ, ຄຸ້ມຄອງເສດຖະກິດ- ສັງຄົມໃນໄລຍະໃໝ່. ກອງປະຊຸມດັ່ງກ່າວຈັດຂຶ້ນທີ່ ສະໂມສອນ ຂອງແຂວງແຕ່ ວັນທີ 17-21 ກໍລະກົດນີ້, ໂດຍ ການເປັນ ປະທານຂອງ ທ່ານ ເມກສະຫວັນ ພົມພິທັກ ຮອງ ເລຂາຄະນະບໍລິຫານງານພັກ ແຂວງ, ປະທານສະພາປະຊາ ຊົນແຂວງ, ມີທ່ານ ບຸນຖອງ ດີວິໄຊ ກຳມະການສູນກາງພັກ, ເລຂາຄະນະບໍລິຫານງານພັກ ແຂວງເຈົ້າແຂວງ ຈຳປາສັກ, ມີບັນດາການນຳຂັ້ນແຂວງ, ເມືອງ, ອະດີດການນຳຂັ້ນສູງ ຂອງແຂວງ, ພະເຖລານຸເຖລະ, ບັນດາສະມາຊິກສະພາແຫ່ງ ຊາດ, ສະມາຊິກສະພາປະຊາ ຊົນແຂວງ, ນັກທຸລະກິດ, ຜູ້ປະ ກອບການທັງພາກລັດ ແລະ ເອກະຊົນຕະຫລອດຮອດພະ ນັກງານວິຊາການກ່ຽວຂ້ອງ ເຂົ້າຮ່ວມ.

 

 

 

+ ສະພາເຜີຍແຜ່ວິທີແຈ້ງຊັບສິນ-ລາຍຮັບຂອງພະນັກງານລັດຖະກອນ

+ ກອງປະຊຸມສະພາປະຊາຊົນແຂວງໄຊຍະບູລີ

+ ສະຫວັນນະເຂດກຽມດຳເນີນກອງປະຊຸມ ສະໄໝສາມັນເທື່ອທີ 3 ຂອງສະພາປະຊາຊົນແຂວງ

- Wave100S AD to Website 2020 0 - ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3

 

 

 

ກອງປະຊຸມໄດ້ຮັບຟັງລາຍ ງານໂດຍຫຍໍ້ກ່ຽວກັບການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ, ແຜນງົບ ປະມານແຫ່ງລັດ 6 ເດືອນຕົ້ນ ປີ 2017 ແລະ ທິດທາງແຜນ ການເສດຖະກິດ-ສັງຄົມ, ແຜນ ງົບປະມານແຫ່ງລັດຂອງ ແຂວງໃນ 6 ເດືອນທ້າຍປີ. ກອງ ປະຊຸມໄດ້ສຸມໃສ່ພິຈາລະນາ ແລະ ຕົກລົງຮັບຮອງເອົາບົດ ລາຍງານກ່ຽວກັບການຈັດຕັ້ງ ປະຕິບັດ, ມາດຕະການຄຸ້ມຄອງ ລາຄາສິນຄ້າທີ່ມີຜົນກະທົບໄວ ຕໍ່ຊີວິດການເປັນຢູ່ຂອງພະນັກ ງານ, ທະຫານ, ຕຳຫລວດ ແລະ ປະຊາຊົນຜູ້ທີ່ມີລາຍຮັບຕ່ຳ, ຮັບ ຟັງບົດລາຍງານ ກ່ຽວກັບການແກ້ໄຂຜົນຂອງການກວດສອບໃນ 6 ເດືອນຕົ້ນປີ ແລະ ທິດທາງ ແຜນການ 6 ເດືອນທ້າຍປີ 2017 ແລະ ຮັບຟັງການລາຍ ງານການແກ້ໄຂບັນ ຫາພົ້ນ ເດັ່ນ ທີ່ສັງຄົມໃຫ້ ຄວາມສົນໃຈຈຳ ນວນໜຶ່ງ. ນອກນີ້ກອງປະຊຸມ ຍັງໄດ້ພິຈາລະນາຮັບຮອງເອົາຮ່າງຂໍ້ຕົກລົງຂອງເຈົ້າແຂວງ ວ່າດ້ວຍການຄຸ້ມຄອງ-ຈັດສັນ ຄວາມເປັນລະບຽບຮຽບຮ້ອຍ ພາຍໃນຕົວ ເມືອງປາກເຊ ແລະ ຮ່າງຂໍ້ຕົກລົງວ່າດ້ວຍການ ຕີລາລາຄາທີ່ດິນໃນ 4 ເມືອງ (ເມືອງປາກເຊ, ປາກຊ່ອງ, ບາ ຈຽງຈະເລີນສຸກ ແລະ ເມືອງ ໂພນທອງ, ພ້ອມນັ້ນກອງປະຊຸມ ໄດ້ມີມະຕິວ່າ ດ້ວຍການຮັບຮອງກ່ຽວກັບການຈັດຕັ້ງປະຕິບັດ ມາດຕະການຄຸ້ມຄອງລາຄາ ສິນຄ້າເພື່ອຫລຸດຜ່ອນຜົນກະ ທົບຕໍ່ການຜະລິດ ແລະ ການດຳ ລົງຊີວິດຂອງປະຊາຊົນ ແລະ ມະຕິວ່າ ດ້ວຍການຮັບຮອງເອົາບົດລາຍງານຂອງອົງການໄອຍະ ການປະຊາຊົນແຂວງກ່ຽວກັບການຍົກສູງຄຸນນະພາບການປະຕິບັດສິດສັ່ງຟ້ອງຜູ້ຖືກຫາຂຶ້ນ ສານ, ການເຂົ້າຮ່ວມໃນການ ດຳເນີນຄະດີແພ່ງຢູ່ທີ່ປະຊຸມ ສານ ແລະ ບົດລາຍງານຂອງ ສານປະຊາຊົນແຂວງກ່ຽວກັບ ການຍົກສູງປະສິດທິພາບໃນ ການດຳເນີນຄະດີຢູ່ສານຂັ້ນ ຕົ້ນ ແລະ ສານຂັ້ນອຸທອນ.

- WhatsApp Image 2020 05 27 at 5 - ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3
- WhatsApp Image 2020 05 27 at 5 - ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3
error: Alert: ເນື້ອຫາຂ່າວມີລິຂະສິດ !!