ສະກັອດແລນສ້າງຟາມພະລັງງານ ລົມລອຍນ້ຳໃຫຍ່ທີ່ສຸດໃນໂລກ

- advert banner 728 90 728x90 - ສະກັອດແລນສ້າງຟາມພະລັງງານ ລົມລອຍນ້ຳໃຫຍ່ທີ່ສຸດໃນໂລກ

- 97056505 a6fd643d 67c3 40bc 9f28 1118c36b4293 - ສະກັອດແລນສ້າງຟາມພະລັງງານ ລົມລອຍນ້ຳໃຫຍ່ທີ່ສຸດໃນໂລກ

ບໍລິສັດ​ສະ​ຕາ​ຕອຍຂອງ​ນັອກ​ແວ​ເປີດ​ໂຕ​ຟາ​ມຜະລິດ​ໄຟຟ້າ​ພະລັງງານ​ລົມ​ແຫ່ງ​ໃໝ່ ຢູ່​ນອກ​ຝັ່ງ​ເມືອງ​ປີ​ເຕີ​ເຮ​ດ ​ແຂວງ​ອາ​ເບີ​ດິນ​ເຊຍ ທາງ​ຕາ​ເວັນ​ອອກສຽງ​ເໜືອ​ຂອງ​ສະ​ກັອດ​ແລນ ​ໂດຍ​ລະບຸ​ວ່າ​ເປັນ​ຟາ​ມຜະລິດ​ໄຟຟ້າ​ຈາ​ກກັງ​ຫັນ​ລົມ​ລອຍນ້ຳ ທີ່​ດຳ​ເນີນ​ງານ​ຢ່າງ​ເຕັມ​ຮູບ​ແບບ​ແຫ່ງ​ທຳ​ອິດ ​ແລະ ມີ​ຂະໜາດ​ໃຫຍ່​ທີ່​ສຸດ​ໃນ​ໂລກ.

ຟາ​ມດັ່ງກ່າວ​ມີ​ຊື່ວ່າ: ​ໄຮ​ວິນ (Hywind) ກຳລັງ​ເດີນ​ເຄື່ອງ​ໃນ​ໄລຍະ​ທົດ​ລອງ​ເພື່ອ​ຜະລິດ​ໄຟຟ້າ​ໃຫ້​ປະຊາກອນ​ປະມານ 20.000 ຄອບຄົວ​ໃນ​ບໍລິ​ເວນ​ໃກ້​ຄຽງ ​ໂດຍ​ທາງ​ບໍລິສັດ​ສະຕາຕອຍລະບຸ​ວ່າ: ຈະ​ສາມາດ​ຜະລິດ​ໄຟຟ້າ​ໄດ້​ໃນ​ປະລິມານ​ທຽບ​ເທົ່າ​ກັບ​ຟາ​ມພະລັງ​ລົມ​ແຫ່ງ​ອື່ນໆ​ໃນ​ປັດຈຸບັນ ຫລື ຜະລິດ​ໄດ້​ຫລາຍ​ກວ່າ.

ຟາ​ມ​ໄຮ​ວິນ​ຕັ້ງຢູ່​ຫ່າງ​ແຄມ​ຝັ່ງ​ໃນ​ສ່ວນ​ທະ​ເລ​ເປີດ ​ເຊິ່ງລະດັບ​ນ້ຳມີ​ຄວາມ​​ເລິກ​ຫລາຍ​ກວ່າ​ປົກກະຕິ ​ໂດຍ​ມີ​ການ​ຕິດຕັ້ງກັງ​ຫັນ​ລົມ​ຂະໜາດ​ຍັກ 5 ອັນ ​ເຊິ່ງກັງ​ຫັນ​ລົມ​ເຫລົ່າ​ນີ້​ຈະ​ລອຍ​ຕັ້ງຊື່​ເໜືອ​ບ່ອນ​ຫາ​ປາ​ ​ເຊິ່ງຈະ​ຈົມ​ຢູ່​ລະດັບ​ຄວາມ​ເລິກ 78 ​ແມັດ​ຈາກ​ຜິວ​ນ້ຳ ​ແລະ ມີ​ການ​ຖ່ວງ​ຖານ​ນີ້​ດ້ວຍ​ສິນ​ແຮ່​ເຫລັກ ​ເພື່ອ​ຊ່ວຍ​ໃຫ້​ກັງ​ຫັນ​ທີ່​ມີນ້ຳໜັກ​ເຖິງ 11.500 ​ໂຕນ​ຕັ້ງຊື່​ຢູ່​ສະ​ເໝີ.

- 97056506 8abeeb3c c24c 4545 b3fa 652f00206e24 - ສະກັອດແລນສ້າງຟາມພະລັງງານ ລົມລອຍນ້ຳໃຫຍ່ທີ່ສຸດໃນໂລກ

- 1 1 - ສະກັອດແລນສ້າງຟາມພະລັງງານ ລົມລອຍນ້ຳໃຫຍ່ທີ່ສຸດໃນໂລກ
- Tiger Head 728x90 - ສະກັອດແລນສ້າງຟາມພະລັງງານ ລົມລອຍນ້ຳໃຫຍ່ທີ່ສຸດໃນໂລກ

ກັງ​ຫັນ​ລົມ​ຜະລິດ​ໄຟຟ້າ​ມີ​ຄວາມ​ສູງ 175 ​ແມັດ, ຖານທາງ​ຫລັງ​ໃບ​ພັດ​ມີ​ຂະໜາດ​ໃຫຍ່​ພໍ​ຈະຈອດ​ລົດ​​ເມ​ສອງ​ຊັ້ນ​ໄດ້​ສອງ​ຄັນ, ສ່ວນ​ໃບ​ພັດ​ມີ​ຄວາມ​ຍາວ 75 ​ແມັດ ​ເຊິ່ງມີ​ຂະໜາດ​ເກືອບ​ເທົ່າ​ກັບ​ປີກຂອງ​ເຮືອບິນ​ແອ​ບັສ. ນອກຈາກ​ນີ້ ​ໃບ​ພັດ​ດັ່ງກ່າວ​ຍັງ​ຄວບ​ຄຸມ​ດ້ວຍ​ຊັອບ​ແວ​ທີ່​ເປັນ​ນະ​ວັດຕະ​ກຳ​ຫລ້າ​ສຸດ ​ເພື່ອ​ຊ່ວຍ​ໃຫ້​ກັງ​ຫັນ​ລົມ​ຕັ້ງຊື່​ສະ​ເໝີ ​ໂດຍ​ສາມາດ​ປັບ​ອົງສາ​ບິດ​ໄປມາ​ໄດ້​ໂດຍ​ອັດຕະ​ໂນ​ມັດ ​ເພື່ອ​ຫລຸດ​ແຮງ​ລົມ ຫລື ​ແຮງ​ຄື້ນກະທົບ ລວມທັງ​ຕ້ານທານ​ກະ​ແສນ້ຳທີ່​ປັ່ນ​ປ່ວນ​​ໄດ້​ນຳ.

​ເຖິງ​ວ່າ​ປັດຈຸບັນ​ນີ້​ຄ່າ​ໃຊ້​ຈ່າຍ​ໃນ​ການ​ຜະລິດ​ໃບ​ພັດ​ກັງ​ຫັນ​ລົມ​ທີ່​ມີ​ຄວາມ​ທັນ​ສະ​ໄໝ​ດັ່ງກ່າວ​ຈະ​ຍັງ​ມີ​ລາຄາ​ສູງ, ​ແຕ່​ຜູ້​ບໍລິຫານ​ຟາ​ມ​ໄຮ​ວິນ​ເຊື່ອ​ວ່າ​ເຕັກ​ໂນ​ໂລ​ຊີ​ນີ້​ຈະ​ມີ​ລາຄາ​ຖືກ​ລົງ​ໃນ​ອະນາຄົດ​ອັນ​ໃກ້ ​ເຊິ່ງຈະ​ເຮັດ​ໃຫ້​ຕົ້ນທຶນ ​ແລະ ຄ່າ​ໄຟຟ້າ​ຈາກ​ພະລັງ​ລົມ​ຫລຸດ​ລົງ​ໄປ​ນຳ ​ເຊັ່ນ​ດຽວ​ກັບ​ກັງ​ຫັນ​ລົມ​ຜະລິດ​ໄຟຟ້າ​ແບບ​ເກົ່າ​ໄດ້​ເຄີຍ​ເຮັດ​ສຳ​ເລັດ​ມາ​ແລ້ວ.

ທັງ​ນີ້, ການ​ຜະລິດ​ໄຟຟ້າ​ຈາກ​ພະລັງງານ​ລົມ​ນອກ​ແຄມ​ຝັ່ງ​ກຳລັງ​ໄດ້​ຮັບ​ຄວາມ​ນິຍົມ​ທົ່ວ​ໂລກ ລວມທັງ​ຢູ່​ອາ​ເມ​ລິ​ກາ ​ແລະ ຍີ່ປຸ່ນ ​ໂດຍ​ຄ່າ​ໄຟຟ້າ​ທີ່​ຜະລິດ​ຈາກ​ຟາ​ມພະລັງ​ລົມ​ປະ​ເພດ​ນີ້​ຫລຸດ​ລົງ​ເຖິງ 32% ນັບ​ແຕ່​ປີ 2012 ​ເປັນຕົ້ນມາ ​ເຊິ່ງຖື​ວ່າ​ຫລຸດ​ລົງ​ໄວ​ກວ່າ​ການ​ຄາດ​ຄະ​ເນ ​ແລະ ຄາດ​ວ່າ​ຈະ​ຍັງ​ຫລຸດ​ລົງ​ໄປ​ເລື້ອຍໆ ຈົນ​ເຮັດ​ໃຫ້​ພະລັງງານ​ໄຟຟ້າ​ປະ​ເພດ​ນີ້​ມີ​ລາຄາ​ຖືກ​ກວ່າ​ຜະລິດ​ໂດຍ​ໂຮງ​ໄຟຟ້າ​ພະລັງງານ​ນິວ​ເຄຼຍ.

error: Content is protected !!