ພະລັງຊ່ວຍບຳບັດຂອງສີ

ພະລັງຊ່ວຍບຳບັດຂອງສີ - 6ZlUVSkU - ພະລັງຊ່ວຍບຳບັດຂອງສີ
ພະລັງຊ່ວຍບຳບັດຂອງສີ - AGL banner - ພະລັງຊ່ວຍບຳບັດຂອງສີ

 

ພະລັງຂອງສີສາມາດຊ່ວຍໃນການບຳບັດພະຍາດໄດ້ ນັກຈິດຕະວິທະຍາເຊື່ອວ່າສີມີຄວາມກ່ຽວຂ້ອງກັບຮ່າງກາຍ-ຈິດໃຈ, ອາລົມຂອງເຮົາທຸກຄົນ. ສີບອກຄວາມເປັນໂຕຕົນ, ສີໂທນຮ້ອນ ເຊັ່ນ : ສີແດງ, ສີສົ້ມ, ສີເຫລືອງ, ສີມ້ວງ ໃຫ້ຄວາມຮູ້ສຶກທີ່ຕ່າງ ຈາກສີໂທນເຢັນ ເຊັ່ນ : ສີຂາວ, ສີຂຽວ, ສີຟ້າ, ສີບົວ ເປັນຕົ້ນ. ໂທນສີຮ້ອນ ຫລື ໂທນສີເຢັນ ຈະໄປກະຕຸ້ນຕ່ອມໄພນຽນ ເຊິ່ງຈະ ສົ່ງຜົນເຖິງຮໍໂມນ, ຄວາມຮູ້ສຶກ, ຈິດໃຈ, ອາລົມຂອງແຕ່ລະບຸກຄົນ. ມາຮູ້ຈັກເລື່ອງສີນຳກັນເລີຍ ເພື່ອຈະໄດ້ຮູ້ຈັກໂຕຕົນຂອງເຮົາ ວ່າທ່ານມັກສີຫຍັງ ແລະ ຈະໄດ້ຮູ້ວ່າເຮົາມີອາລົມ ແລະ ຄວາມຮູ້ສຶກແນວໃດ.

  • ສີແດງ : ເປັນສີແຫ່ງອຳນາດ ສະແດງເຖິງການມີພະລັງ ແລະ ຄວາມທະເຍີທະຍານ ຈຶ່ງຊ່ວຍພິຊິດຄວາມຄິດເຫັນໃນ ທາງລົບ ຫລື ການເບິ່ງໂລກໃນແງ່ຮ້າຍ. ແນວໃດກໍຕາມ, ໂທນສີນີ້ຢູ່ໃນກຸ່ມຂອງໂທສະ ແລະ ຄວາມໃຈຮ້ອນ ເພາະ ຫາກເຮົານຳໃຊ້ສີແດງເຂົ້າສູ່ຂະບວນການປິ່ນປົວຫລາຍເກີນໄປຈະເຮັດໃຫ້ຜູ້ຖືກບຳບັດຮູ້ສຶກອຶດອັດ ບໍ່ສະບາຍໂຕ, ໃຈ ຮ້ອນ, ອາລົມຮຸນແຮງ ແລະ ຂາດຄວາມອົດທົນ ເພາະສີແດງເປັນສີທີ່ກະຕຸ້ນລະບົບປະສາດໄດ້ຮຸນແຮງທີ່ສຸດ, ໃຫ້ ຄວາມຮູ້ສຶກຕື່ນເຕັ້ນ, ທ້າທາຍ. ຜັກ ແລະ ໝາກໄມ້ສີແດງ ເປັນແຫ່ລງວິຕາມິນ B12, ທອງແດງ, ທາດເຫລັກ ເຊິ່ງ ຊ່ວຍບຳລຸງລະບົບປະສາດ. ພະລັງຂອງສີແດງຊ່ວຍກະຕຸ້ນພະລັງຊີວິດໃຫ້ເຂັ້ມແຂງ, ມີຄວາມຫ້າວຫັນ ເຮັດໃຫ້ມີຊີວິດ ຊີວາຂຶ້ນ. ໃນດ້ານຂອງການປິ່ນປົວ ສີແດງຊ່ວຍສ້າງເມັດເລືອດແດງ ເພີ່ມອຸນຫະພູມໃນຮ່າງກາຍ, ລະບົບການໄຫລ ວຽນເລືອດດີຂຶ້ນ, ປິ່ນປົວອາການຫວັດ. ຜັກ ແລະ ໝາກໄມ້ສີແດງ ເຊັ່ນ : ໝາກເລັ່ນ, ໝາກໂມ ມີສານໄລໂຄປີນ ເປັນ ໂຕເຮັດໃຫ້ເກີດສີແດງ. ນອກຈາກນີ້, ຍັງມີສານເບຕ້າໄຊຊິນທີ່ເຮັດໃຫ້ເກີດສີແດງໃນໝາກພິລາ, ໝາກບີທູດ ແລະ ໝາກ ແຄນເບີຣີ ເຊິ່ງສານທັງສອງຊະນິດນີ້ເປັນສານຕ້ານອະນຸມູນອິດສະລະຊ່ວຍໃຍການປ້ອງກັນມະເຮັງ ໂດຍສະເພາະໄລ ໂຄປີນຈະມີລິດຕ້ານມະເຮັງໄດ້ຫລາຍກ່ວາເບຕ້າແຄໂຣທີນເຖິງ 2 ເທົ່າ. ນອກຈາກນີ້ຍັງພົບສານເຫລົ່ານີ້ໃນໝາກໄມ້ ເຊັ່ນ : ໝາກແອັບເປິ້ນແດງ, ໝາກລະແຊັງແດງ, ຫົວຜັກບົ່ວແດງ, ໝາກເຜັດແດງ, ຖົ່ວແດງ ແລະ ໝາກເຊີຣີ.
  • ສີບົວ : ເປັນສີທີ່ມີລັກສະນະປອມປະໂລມໃຫ້ຈິດໃຈ ແລະ ຄວາມຮູ້ສຶກຕ່າງໆສະຫງົບລົງ ໃນຂະນະດຽວກັນກໍໃຫ້ຄວາມ ຮູ້ສຶກຂອງການມີນ້ຳໃຈດີ, ຈິດໃຈກ້ວາງຂວາງ, ອົບອຸ່ນ ແລະ ທະນຸຖະໜອມ ເຊິ່ງກົງກັນຂ້າມກັບສີແດງ ຖ້າຫາກມີສີ ບົວຢູ່ອ້ອມໂຕຈະເຮັດໃຫ້ຮູ້ສຶກເຖິງການປົກປ້ອງ, ຄວາມຮັກຈຶ່ງມັກຈະເອົາສີນີ້ມາບຳບັດ ຫລື ບັນເທົາຄົນທີ່ມີຄວາມຮູ້ ສຶກໂດດດ່ຽວ, ມີອາລົມທໍ້ຖອຍ, ຄົນທີ່ມີຄວາມຮູ້ສຶກທີ່ໄວເກີນໄປ, ບອບບາງ ຫລື ບໍ່ມີຄວາມໝັ້ນຄົງທາງອາລົມ.
  • ສີສົ້ມ : ເປັນສີແຫ່ງຄວາມເບີກບານ ແລະ ຄວາມລ່າເລີງແຈ່ມໃສ ເປັນຄວາມຮູ້ສຶກທີ່ອິດສະລະ ແລະ ໄດ້ຮັບການປົດ ປ່ອຍ, ລະວາງຈາກຄວາມສົງສານ ຫລື ສົມເພດຕົນເອງ, ຫລຸດການເຫັນແກ່ໂຕ ແລະ ຍິນດີທີ່ຈະໃຫ້ ຫລື ແບ່ງປັນ, ເປັນຄວາມຮູ້ສຶກທີ່ເກີດຈາກສ່ວນເລິກຂອງຈິດໃຈທີ່ຢາກປັບປຸງຊີວິດໃຫ້ສົດໃສ. ສີສົ້ມ ເປັນສີແຫ່ງຄວາມສ້າງສັນ, ອົບ ອຸ່ນສົດໃສ, ມີສະຕິປັນຍາເຕັມປ່ຽມໄປດ້ວຍການທະເຍີທະຍານ, ມີພະລັງ, ແຕ່ກໍມີການລະມັດລະວັງຕົນ. ສີສົ້ມ ເປັນສີ ທີ່ເອົາມາບຳບັດອາການທາງກ້າມຊີ້ນ, ປະສາດ ຫລື ອາການປວດກົດທັບປະສາດ ຫລື ຊ່ວຍໃນການຍົກລະດັບຈິດໃຈ ຂອງຄົນ. ໝາກໄມ້ທີ່ມີສີສົ້ມເປັນສີເດັ່ນທີ່ບຳບັດອາການຂອງລະບົບປະສາດອ່ອນແຮງ ດັ່ງນັ້ນ ໝາກໄມ້ ແລະ ຜັກທີ່ມີສີ ສົ້ມ ອຸດົມໄປດ້ວຍວິຕາມິນ B ຊ່ວຍໃນການສ້າງເມັດເລືອດ, ເຜົາຜານແປ້ງ ແລະ ນ້ຳຕານ, ບຳລຸງລະບົບປະສາດ, ຊ່ວຍຄາຍອາການຫອບຫືດ ແລະ ພະຍາດກ່ຽວກັບທາງເດີນຫາຍໃຈ, ຊ່ວຍໃຫ້ມ້າມເຮັດວຽກເປັນປົກກະຕິ ລວມທັງ ຕັບ, ລຳໄສ້ ທັງຍັງຊ່ວຍໃນການດູດຊຶມຂອງອາຫານໃນກະເພາະ ແລະ ລຳໄສ້ ໃຫ້ເຮັດວຽກເປັນຢ່າງດີ. ໃນທາງຈິດຕະ ວິທະຍາພະລັງຂອງສີສົ້ມມີຄຸນສົມບັດໃນການຫລຸດຜ່ອນອາການຊຶມເສົ້າ ຫາກຢາກເອີ້ນພະລັງຄວາມຫ້າວຫັນກັບຄືນ ມາ ສີສົ້ມເປັນສີທີ່ຊ່ວຍໄດ້. ຜັກ ແລະ ໝາກໄມ້ສີສົ້ມຈະມີສານແຄໂຣທີນອຍ ແລະ ໄບໂອຟລາໂວນອຍ ເຊິ່ງເປັນໂຕຊ່ວຍ ບຳລັງຫົວໃຈ, ບຳລຸງສາຍຕາ ແລະ ເພີ່ມພູມຕ້ານທານໃຫ້ແກ່ຮ່າງກາຍ ເຊິ່ງມີສານແຄໂຣທີນທີ່ມີປະສິດທິພາບສູງໃນ ການຕ້ານອະນຸມູນອິດສະລະ ທີ່ເປັນໂຕການເກີດມະເຮັງ. ຜັກ – ໝາກໄມ້ທີ່ມີສານເຫລົ່ານີ້ໄດ້ແກ່ : ຫົວກະຫລົດ, ໝາກຫຸ່ງ, ໝາກກ້ຽງ, ໝາກໂມເຫລືອງ, ໝາກແຕງ ແລະ ໝາກອຶ ເປັນຕົ້ນ.
  • ສີຂຽວ : ເປັນສີທີ່ມີຄວາມກ່ຽວຂ້ອງກັນຢ່າງແໜ້ນແຟ້ນກັບທຳມະຊາດ ຊ່ວຍໃຫ້ເຮົາມີອາລົມຮ່ວມກັບສິ່ງອື່ນໆ ຕະ ຫລອດຈົນທຳມະຊາດຕ່າງໆອ້ອມໂຕເຮົາໄດ້ງ່າຍ. ສີຂຽວຈະຊ່ວຍສ້າງສັນບັນຍາກາດຂອງຄວາມສະບາຍ, ຜ່ອນຄາຍ ສະຫງົບ ກໍ່ໃຫ້ເກີດຄວາມຮູ້ສຶກສັນໂດດ, ວ່າງເປົ່າ, ດຸ່ນດ່ຽງ ແລະ ລະວາງ, ແຕ່ຖ້າເປັນສີຂຽວເຂັ້ມ ມີຄວາມໝາຍ ຂອງການຫລຸດພົ້ນ, ຄວາມພໍດີ ແລະ ຖ່ອມໂຕ ເປັນສີທີ່ປະຕິເສດຕໍ່ຄວາມຮັກ ແລະ ຄວາມມ່ວນຊື່ນສະໜຸກສະໜານ. ໃນ ຂະນະທີ່ສີຂຽວໝາກກອກ ຈະມີຜົນຕໍ່ຮ່າງກາຍ ແລະ ຄວາມຮູ້ສຶກ ຈົນອາດເຮັດໃຫ້ຮ່າງກາຍປ່ວຍໄດ້. ສີເຫລືອງ-ຂຽວ ຈັດຢູ່ໃນກຸ່ມຂອງຄວາມອິດສາ, ອາລົມລິດສະຫຍາ, ຂຸ່ນຂ້ອງໝອງໃຈ ຕະຫລອດຈົນເປັນການສະແດງເຖິງຄວາມຮູ້ສຶກ ທີ່ປາຖະໜາຈະຄອບຄອງ. ຜັກ – ໝາກໄມ້ມີສີຂຽວ ມີແຮ່ທາດທີ່ສຳຄັນ ໂດຍສະເພາະວິຕາມິນ C ຊ່ວຍສະໝານບາດ ແຜ ເຮັດໃຫ້ຜິວສົດໃສ, ເພີ່ມຄວາມຕ້ານທານພະຍາດ. ສີຂຽວເຮັດໃຫ້ປະສາດຕາຜ່ອນຄາຍ ແລະ ຄວາມດັນເລືອດຫລຸດ ລົງໄດ້, ປ້ອງກັນການຈັບໂຕຂອງກ້ອນເລືອດ, ປ້ອງກັນພະຍາດຫົວໃຈ, ຄວາມດັນເລືອດ ແລະ ຊ່ວຍຕ້ານທານເຊື້ອພະ ຍາດ ລວມທັງເນື້ອເຍື່ອອັກເສບ. ຜັກ – ໝາກໄມ້ໃນກຸ່ມນີ້ຈະມີສານກຸ່ມລູທີນ ແລະ ອິນດອລ ເຊິ່ງຈະເປັນໂຕຊ່ວຍໃຫ້ກະ ດູກແຂງແຮງ, ຊ່ວຍບຳລຸງສາຍຕາ ເຊັ່ນ : ຜັກກະລ່ຳດອກ, ໝາກແອັບເປິ້ນຂຽວ, ຜັກກາດນາ, ຜັກບົ້ງ, ຜັກໃບຂຽວທຸກ ຊະນິດ ແລະ ໝາກອະໂວກາໂດ້ ເປັນຕົ້ນ.
  • ສີເຫລືອງ : ມັກເປັນສີຂອງຄວາມສຸກ, ຄວາມເບີກບານ, ຄວາມມີຊີວິດຊີວາ, ງານສະເຫລີມສະຫລອງເປັນສີຂອງ ຄວາມແຈ່ມໃສ ມັກຈະກ່ຽວຂ້ອງກັບສະຕິປັນຍາພາຍໃນ ແລະ ພະລັງຂອງຄວາມຄິດ ແລະ ຄວາມຢັ່ງຮູ້ ເປັນຄວາມຈື່ ຈຳທີ່ແຈ່ມໃສ, ຄວາມຄິດທີ່ກະຈ່າງ, ເປັນອາລົມຂອງການໃຊ້ຄວາມຄິດສ້າງສັນໃໝ່ໆ, ເປັນສີທີ່ກະຕຸ້ນໃຫ້ເກີດການເບິ່ງ ໂລກໃນແງ່ດີ. ໃນທາງກົງກັນຂ້າມດ ສີເຫລືອງເຂັ້ມກັບກາຍເປັນສັນຍະລັກຂອງຄວາມຢ້ານກົວ. ສີເຫລືອງເຮັດໃຫ້ມີ ອາລົມຂັນ. ຜັກ ແລະ ໝາກໄມ້ທີ່ມີສີເຫລືອງມັກອຸດົມໄປດ້ວຍວິຕາມິນ A ຊ່ວຍບຳລຸງສາຍຕາ, ປ້ອງກັນຫວັດ, ຊ່ວຍ ເສີມສ້າງຄວາມຈະເລີນເຕີບໃຫຍ່ໃຫ້ຮ່າງກາຍ, ພະລັງຂອງສີເຫລືອງຊ່ວຍໃຫ້ການເຮັດວຽກຂອງຖົງນ້ຳບີ ແລະ ລຳໄສ້ ເປັນໄປຕາມປົກກະຕິ, ຊ່ວຍປັບຄວາມດຸ່ນດ່ຽງຂອງທາງເດີນອາຫານ ເຮັດໃຫ້ລະບົບຍ່ອຍອາຫານ ແລະ ລະບົບຂັບ ຖ່າຍເຮັດວຽກດີຂຶ້ນ ທັງຍັງສາມາດໃຊ້ບຳບັດອາການທໍ້ຖອຍ, ຫົດຫູ່ ແລະ ໝົດກຳລັງໃຈໄດ້. ຜັກ ແລະ ໝາກໄມ້ສີສົ້ມ ຈະມີສານແຄໂຣທີນອຍ ແລະ ໄບໂອຟລາໂວນອຍ ເຊິ່ງເປັນໂຕຊ່ວຍບຳລຸງຫົວໃຈ, ບຳລຸງສາຍຕາ ແລະ ເພີ່ມພູມຕ້ານ ທານໃຫ້ແກ່ຮ່າງກາຍ ເຊິ່ງສານແຄໂຣທີນ ທີ່ມີປະສິດທິພາບສູງໃນການຕ້ານອະນຸມູນອິດສະລະທີ່ເປັນໂຕການເກີດມະ ເຮັງ. ຜັກ ແລະ ໝາກໄມ້ທີ່ມີສານພວກນີ້ໄດ້ແກ່ : ຫົວກະຫລົດ, ໝາກຫຸ່ງ, ໝາກກ້ຽງ, ໝາກແຕງໂມເຫລືອງ, ໝາກສາ ລີຫວານ ແລະ ໝາກອຶ.
  • ສີມໍລະກົດ : ເປັນການປະສົມປະສົມກັນລະຫ່ວາງສີຟ້າກັບສີຂຽວເຂັ້ມຂອງທ້ອງທະເລເລິກ ຈຶ່ງມີຄວາມໝາຍໃນດ້ານ ຂອງຄວາມເຍືອກເຢັນ, ຄວາມສະຫງົບງຽບ ປຽບດັ່ງກັບສີຂຽວ. ສີມໍລະກົດຈຶ່ງເປັນສີທີ່ເໝາະສົມກັບການຊຳລະລ້າງ ເອົາຄວາມອິດເມື່ອຍອ່ອນເພຍ, ຄວາມເຄັ່ງຄຽດໃຫ້ອອກຈາກຈິດໃຈ ຫລື ອາລົມຂອງເຮົາ. ສີມໍລະກົດ ຈຶ່ງເປັນສີທີ່ຖືກ ຍົກຍ້ອງວ່າເປັນສີທີ່ໃຫ້ກຳລັງໃຈ ໃຫ້ກັບມາມີປະກາຍສົດຊື່ນ ແລະ ມັກຈະຊ່ວຍໃຫ້ຄົນທີ່ຮູ້ສຶກໂດດດ່ຽວດີຂຶ້ນ, ເພີ່ມພະ ລັງສື່ສານໃຫ້ໂດດເດັ່ນຂຶ້ນ, ສ້າງສັນຫລາຍຂຶ້ນ ແລະ ຮັບຮູ້ຕໍ່ສຳຜັດ ແລະ ຄວາມຮູ້ສຶກໄດ້ວ່ອງໄວ.
  • ສີຟ້າ : ເປັນຄວາມໝາຍຂອງການສະຫງົບເຢັນ, ສຸຂຸມເຍືອກເຢັນ, ໜັກແໜ້ນ ແລະ ລະອຽດຮອບຄອບ. ສີຟ້າເປັນສີທີ່ມີ ຄວາມໝາຍກ່ຽວຂ້ອງກັບຈິດໃຈໄດ້ສູງກ່ວາສີເຫລືອງ, ມີຄວາມໝາຍເຖິງກາງຄືນ ຈຶ່ງເຮັດໃຫ້ເຮົາຮູ້ສຶກສະຫງົບໄດ້ ເລິກກ່ວາ ແລະ ຜ່ອນຄາຍກ່ວາ ເຮົາຈະຍິ່ງເຂົ້າສູ່ຄວາມສະຫງົບໄດ້ຢ່າງເລິກເຊິ່ງເມື່ອສຳຜັດກັບສີຟ້າທີ່ເຂັ້ມຂຶ້ນ, ແຕ່ ຖ້າເປັນສີຟ້າອ່ອນຈະເຮັດໃຫ້ເຮົາຮູ້ສຶກປົກປ້ອງຈາກພາລະກິດຕະຫລອດຈົນກິດຈະກຳທີ່ເກີດຂຶ້ນໃນແຕ່ລະມື້. ດັ່ງນັ້ນ, ຈຶ່ງມັກເອົາມາບຳບັດຄົນທີ່ນອນບໍ່ຫລັບ, ເປັນສີຂອງຫ້ອງນອນ. ສີຟ້າເປັນສີທີ່ຄວບຄຸມຈິດໃຈພາຍໃນໃຫ້ເກີດຄວາມຮູ້ ສຶກກະຈ່າງ ແລະ ສ້າງສັນ. ສີຟ້າເຂັ້ມ ແຕ່ຍັງບໍ່ເຖິງຂັ້ນເປັນສີກົມ ມີອິດທິພົນຢ່າງສູງຕໍ່ການກົດ ຫລື ກ່ອມປະສາດ ແລະ ຈິດໃຈເປັນ, ເປັນສີທີ່ເຂົ້າເຖິງສັນຊາດຕະຍານ ແລະ ລາງສັງຫອນຈິດໃຕ້ສຳນຶກຂອງເຮົາໄດ້ດີ. ແນວໃດກໍຕາມ ສີຟ້າທີ່ ເຂົ້າສູ່ໂທນດຳ ຫລື ມືດຫລາຍຂຶ້ນ ຍັງໝາຍເຖິງຄວາມໂສກເສົ້າຢ່າງທີ່ສຸດ ຫລື ອາລົມທີ່ເສົ້າສຸດຂີດນຳ ຈຶ່ງຄວນລະວັງ ໃນການເອົາໄປໃຊ້. ສີຟ້າຊ່ວຍໃຫ້ລະບົບຫາຍໃຈດຸ່ນດຸ່ຽງ, ປິ່ນປົວພະຍາດຄວາມດັນເລືອດສູງ, ໃນແງ່ຈິດຕະວິທະຍາ ສີຟ້າຊ່ວຍສ້າງແຮງບັນດານໃຈ ແລະ ການສະແດງອອກທາງສິລະປະ.
  • ສີຟ້າອ່ອນ ຫລື ສີທະເລ : ເປັນສີທີ່ໃຫ້ຄວາມຮູ້ສຶກສະຫງົບເຍືອກເຢັນ, ເປັນອິດສະຫລະ, ປອດໂປ່ງ, ສະບາຍປອດໄພ ໃຈເຢັນ ແລະ ສາມາດລະງັບຄວາມກະວົນກະວາຍໃນໃຈໄດ້ດ້ວຍພະລັງຂອງສີຟ້າ ມີຄຸນສົມບັດໃນການປິ່ນປົວອາການ ຂອງພະຍາດປອດ, ຫລຸດອັດຕາການເຜົາຜານພະລັງງານ, ປິ່ນປົວອາການເຈັບຄໍ ແລະ ເຮັດໃຫ້ກຳມະຈອນເຕັ້ນເປັນ ປົກກະຕິ.
  • ສີມ້ວງ : ເປັນສີການເບິ່ງແຍງດູແລ ແລະ ປອບໂຍນຊ່ວຍໃຫ້ຈິດໃຈສະຫງົບ ແລະ ອົດທົນຕໍ່ຄວາມຮູ້ສຶກທີ່ໂສກເສົ້າ ຫລື ສູນເສຍທີ່ມາກະທົບຈິດໃຈ ແລະ ປະສາດ. ສີມ້ວງຍັງຊ່ວຍສ້າງຄວາມດຸ່ນດ່ຽງຂອງຈິດໃຈໃຫ້ຟື້ນກັບມາຈາກສະພາບ ຕົກຕ່ຳ ຫລື ຄວາມເສົ້າທີ່ຄອບງຳຢູ່. ສີຄາມ ຈະເປັນສີທີ່ມີພະລັງຫລາຍ ເປັນສີທີ່ກະຕຸ້ນສະໝອງໃຫ້ມີຄວາມຫຶກເຫີມ, ກະຕຸ້ນໃຫ້ເກີດຄວາມຄິດສ້າງສັນ ແລະ ສັນຊາດຕະຍານ. ສີຄາມເປັນສີທີ່ເຂົ້າໄປຄອບງຳປະສາດໄດ້ເປັນຢ່າງດີ. ສີມ້ວງ ເປັນສີທີ່ເຂົ້າໄປປ່ຽນແປງການສື່ສານລະດັບເລິກ, ເຂົ້າໄປແທນບ່ອນ ແລະ ຕໍ່ສູ້ກັບຄວາມຢ້ານ ແລະ ຄວາມຕົກໃຈ, ເຂົ້າໄປຊຳລະລ້າງສິ່ງທີ່ລົບກວນຢູ່ໃນສະໝອງ ເຊິ່ງສີມ້ວງມັກເຂົ້າໄປເຊື່ອມໂຍງກັບສື່ຂະແໜງອື່ນໆ. ສີລະປະ, ດົນຕີ ແລະ ຄວາມເລິກລັບ. ເປັນສີທີ່ມີອິດທິພົນຕໍ່ຄວາມຮູ້ສຶກທາງດ້ານຄວາມຈົບງາມ, ປັດຊະຍາຊັ້ນສູງ, ກະຕຸ້ນໃຫ້ເກີດ ຄວາມຄິດສ້າງສັນ, ແຮງບັນດານໃຈ ກໍ່ໃຫ້ເກີດຄວາມເຫັນອົກເຫັນໃຈ. ສີມ້ວງຍັງເປັນສີທີ່ມີອິດທິພົນຕໍ່ຄວາມເລິກລັບ ທາງຈິດວິນຍານ. ແນວໃດກໍຕາມ ຄົນທີ່ໄດ້ຮັບອິດທິພົນຂອງສີດັ່ງກ່າວຈະຕໍ່ຕ້ານຊີວິດ ແລະ ສັງຄົມທີ່ເຕັມໄປດ້ວຍສີສັນ ແຕ່ຈະສົນໃຈເລື່ອງຈິດວິນຍານຫລາຍກ່ວາ. ຜັກ ແລະ ໝາກໄມ້ສີມ້ວງເຕັມໄປດ້ວຍວິຕາມິນ D ຊ່ວຍເພີ່ມພະລັງ ແລະ ການຍ່ອຍອາຫານ, ຊ່ວຍປັບຄວາມດຸ່ນດ່ຽງໃນຮ່າງກາຍໃຫ້ເຮັດວຽກເປັນປົກກະຕິ, ໃຊ້ບຳບັດພະຍາດໝາກໄຂ່ຫລັງ, ພົກຍ່ຽວອັກເສບ, ພະຍາດຜິວໜັງບາງຊະນິດ ແລະ ບຳບັດພະຍາດປະດົງຂໍ້. ສີມ້ວງຍັງຊ່ວຍໃຫ້ສະໝອງຂອງເຮົາສະ ຫງົບ ສາມາດສ້າງແຮງບັນດານໃຈດ້ານຕ່າງໆ. ຜັກ- ໝາກໄມ້ໃນກຸ່ມສີນີ້ຈະພົບສານກຸ່ມແອນໄທໄຊຍານີນ ແລະ ໂຟ ລິກທີ່ເປັນໂຕຫລຸດອັດຕາສ່ຽງການເກີດພະຍາດມະເຮັງ, ຊ່ວຍປິ່ນປົວລະບົບພົກຍ່ຽວ ແລະ ຊ່ວຍໃນເລື່ອງຄວາມຈື່ຈຳ. ຜັກ-ໝາກໄມ້ສີມ້ວງໄດ້ແກ່ : ຜັກກະລ່ຳມີມ້ວງ, ໝາກລະແຊັງແດງ, ໝາກບລູເບີຣີ, ໝາກເຂືອມ້ວງ, ຜັກມ້ວງ, ເຜືອກ ເປັນຕົ້ນ.
  • ສີມັງຄຸດ : ເປັນສີທີ່ຊ່ວຍໃຫ້ເຮົາບໍ່ຮູ້ສຶກຄວາມໝົດຫວັງ, ວິຕົກກັງວົນຕໍ່ເລື່ອງໃດເລື່ອງໜຶ່ງ ຫລື ຄວາມຮູ້ສຶກຊັງ ຫລື ຜິດຫວັງ. ສີມັງຄຸດເຮັດໃຫ້ຈິດໃຈເຮົາເບີກບານຂື້ນ ທັງນີ້ເພາະອິດທິພົນຂອງສີທີ່ປະສົມກັນລະຫ່ວາງງສີແດງກັບສີ ມ້ວງ ເຊິ່ງມັກຈະກ່ຽວຂ້ອງງກັບຄວາມຮູ້ສຶກສົງສານ, ເມດຕາ, ຊ່ວຍເຫລືອ ເປັນການປຸກໃຫ້ລຸກຂຶ້ນມາ. ສີມັງຄຸດກໍຄື ກັບສີມ້ວງ ເປັນສີທີ່ເພີ່ມຄວາມຮູ້ສຶກປອດໄພຈາກອັນຕະລາຍ ແລະ ຄວາມໜ້າຢ້ານທັງຫລາຍ ມັກຈະເປັນສີທີ່ມີຄວາມ ໝາຍເຖິງການຜ່ອນຄາຍຢ່າງເລິກເຊິ່ງ, ແຕ່ສີມັງຄຸດບໍ່ເໝາະສົມກັບຄົນທີ່ເປັນພະຍາດຊຶມເສົ້າຊ້ຳເຮື້ອ. ຜັກ-ໝາມໄມ້ ໃນກຸ່ມສີນີ້ຈະພົບສານກຸ່ມແອນໄທໄຊຍານີນ ແລະ ໂຟໂນລິກ ທີ່ເປັນໂຕຫລຸດອັດຕາສ່ຽງການເກີດມະເຮັງ, ຊ່ວຍປິ່ນປົວ ລະບົບພົກຍ່ຽວ ແລະ ໃນເລື່ອງຄວາມຈື່ຈຳ.
  • ສີຂາວ : ເປັນສີທີ່ໝາຍເຖິງຄວາມບໍລິສຸດຢ່າງຍິ່ງ ຈັດຢູ່ໃນກຸ່ມຂອງການປົກປ້ອງ, ສ້າງສັນຕິ, ສະບາຍ, ຊ່ວຍຫລຸດອາ ລົມຕົກໃຈ ຫລື ຫວາດລະແວງ, ສ້າງເສີມໃຫ້ຈິດໃຈສະອາດບໍລິສຸດ, ມີພະລັງທາງຄວາມຄິດ ແລະ ຈິດໃຈ. ນອກຈາກ ນັ້ນ ຍັງໝາຍເຖິງຄວາມເຍືອກເຢັນ, ສະຫງົບ ຫລື ເປັນອິດສະຫລະພາບກໍໄດ້. ຜັກ ແລະ ໝາກໄມ້ໃນກຸ່ມນີ້ຈະມີສານໃນ ກຸ່ມອະລິຊິນ ແລະ ທາດຊີລີນຽມ ເຊິ່ງຈະຊ່ວຍຫລຸດຄໍເລສເຕີໂຣນ, ຫລຸດອັດຕາການເກີດພະຍາດຫົວໃຈ ແລະ ພະຍາດ ມະເຮັງ. ສານພວກນີ້ພົບໃນດອກກະລ່ຳ, ຫອມຜັກບົ່ວໃຫຍ່, ຜັກທຽມ, ຫົວຜັກກາດຂາວ ເປັນຕົ້ນ.
  • ສີດຳ : ເປັນສີທີ່ມີຄວາມໝາຍທັງໃນດ້ານຂອງຄວາມສະດວກສະບາຍ, ການປົກປ້ອງ ແລະ ຄວາມເລິກລັບ ມັກຈະເຂົ້າ ໄປກ່ຽວຂ້ອງກັບຄວາມງຽບສະຫງົບ, ມີຄວາມໝາຍຂອງຫົນທາງອັນມີລັກສະນະກ້ວາງໄກ. ນອກຈາກນີ້ຍັງໝາຍເຖິງ ພະລັງຊີວິດທີ່ຖົດຖອຍ ຫລື ເມື່ອຍລ້າ, ໝົດພະລັງ ແລະ ລີ້ລັບ. ສີດຳຍັງເປັນສີທີ່ຂັດຂວາງການຈະເລີນເຕີບໃຫຍ່ ແລະ ການປ່ຽນແປງ, ເປັນການປິດບັງອຳພາງຈາກໂລກພາຍນອກ.
  • ສີເງິນ : ເປັນສີຂອງດວງເດືອນ ເຊິ່ງໝາຍເຖິງການປ່ຽນແປງ ຫລື ຜັນປ່ຽນ, ມີລັກສະນະຄ້າຍກັບອາລົມ ແລະ ບຸກຄະ ລິກກະພາບພື້ນຖານຂອງແມ່ຍິງທີ່ໄວຕໍ່ຄວາມຮູ້ສຶກ, ແຕ່ກໍມີຄວາມດຸ່ນດ່ຽງ, ມີການປະສົມປະສານປອງດອງ ແລະ ໃຫ້ ຄວາມຮູ້ສຶກທີ່ສົດໃສ.
  • ສີທອງ ຫລື ສີຄຳ : ເປັນສີທີ່ຈັດຢູ່ໃນກຸ່ມອິດທິພົນຂອງດວງຕາເວັນ ຄືກັນກັບສີເຫລືອງ ແລະ ມັກຈະກ່ຽວຂ້ອງກັບພະ ລັງ ແລະ ຄວາມອຸດົມສົມບູນ, ເປົ້າໝາຍສູງສຸດ, ປັນຍາອັນສູງສຸດ, ຄວາມເຂົ້າອົກເຂົ້າໃຈ. ປົກກະຕິສີທອງ ຫລື ສີຄຳ ໝາຍເຖິງການໃຫ້ຊີວິດໃໝ່, ໃຫ້ພະລັງງານໃໝ່, ດຶງອອກມາຈາກຄວາມຢ້ານ, ຄວາມບໍ່ແນ່ນອນ ຫລື ຫັນກັບມາເອົາ ໃຈໃສ່. ສີທອງເຫລື້ອມງາມ ຈະຊົງພະລັງຢ່າງຍິ່ງໃນການດຶງໃຫ້ຫລຸດພົ້ນຈາກຄວາມຮູ້ສຶກທີ່ຕົກຕ່ຳຂອງຈິດໃຈ.
  • ສີນ້ຳຕານ : ເປັນສີຂອງແຜ່ນດິນ, ສີນ້ຳຕານໃຫ້ຄວາມຮູ້ສຶກໝັ້ນຄົງ, ຫລຸດຄວາມຮູ້ສຶກທີ່ບໍ່ປອດໄພ. ແນວໃດກໍຕາມ, ສີ ນ້ຳຕານມັກກ່ຽວຂ້ອງກັບການຕື່ມເຕັມຂອງຄວາມຮູ້ສຶກດ ບຳບັດຈາກຄວາມໂສກເສົ້າ, ຄວາມຮູ້ສຶກຄັບອົກຄັບໃຈ. ສີນີ້ ມັກຈະນຳໄປຊ່ວຍເຫລືອຄົນທີ່ຮູ້ສຶກຫົດຄຸນຄ່າໃນຕົນເອງ.
ພະລັງຊ່ວຍບຳບັດຂອງສີ - lattana banner 1 - ພະລັງຊ່ວຍບຳບັດຂອງສີ
ພະລັງຊ່ວຍບຳບັດຂອງສີ -    AD conten website - ພະລັງຊ່ວຍບຳບັດຂອງສີ
ພະລັງຊ່ວຍບຳບັດຂອງສີ - lattana banner - ພະລັງຊ່ວຍບຳບັດຂອງສີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!