ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit

ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit -              4 - ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit
ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit - AGL - ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit

ຊາວອັງກິດແຫ່ໃສ່ນ້ຳມັນແໜ້ນປ້ຳ ຫລັງມີລາຍງານຄົນຂັບລົດບັນທຸກບໍ່ພໍ ລັດຖະບານຕ້ອງອອກວີຊາຊົ່ວຄາວກະຕຸ້ນໃຫ້ຊາວຕ່າງປະເທດເຂົ້າມາເຮັດວຽກ.

ວັນທີ 26 ກັນຍາ 2021, ສຳນັກຂ່າວບີບີຊີ (BBC) ລາຍງານວ່າ: ລັດຖະບານອັງກິດອອກມາຢືນຢັນວ່າ: ກຽມອອກວີຊາເຮັດວຽກຊົ່ວຄາວໄລຍະ 3 ເດືອນ ໃຫ້ແຮງງານຕ່າງປະເທດ 10.500 ຕຳແໜ່ງ ເພື່ອແກ້ໄຂບັນຫາຄົນຂັບລົດບັນທຸກ ແລະ ກຳມະກອນໃນໂຮງງານແປຮູບສັດປີກຂາດເຂີນ.

ການຂາດເຂີນແຮງງານໃນອຸດສາຫະກຳຂົນສົ່ງ ແລະ ອຸດສາຫະກຳອາຫານ ກາຍເປັນບັນຫາຮີບດ່ວນທີ່ລັດຖະບານຕ້ອງແກ້ໄຂໃຫ້ໄດ້ກ່ອນເທດສະການຄຣິສມາດ ເຊິ່ງການທີ່ອັງກິດຖອນຕົວອອກຈາກສະຫະພາບເອີຣົບ ຫລື ເອີ້ນວ່າ: Brexit ເຮັດໃຫ້ບໍລິສັດຫາແຮງງານມາທົດແທນໄດ້ຍາກຂຶ້ນ.

ໂດຍບັນຫາຄົນຂັບລົດບັນທຸກນ້ຳມັນບໍ່ພຽງພໍ ໄດ້ສົ່ງຜົນກະທົບຕໍ່ຫລາຍອຸດສາຫະກຳ ຫລັງຈາກສະມາຄົມຂົນສົ່ງອອກຖະແຫລງການລະບຸວ່າ: ຂາດເຂີນຄົນຂັບລົດບັນທຸກນ້ຳມັນເຖິງ 100.000 ຕຳແໜ່ງ ທີ່ຫາຍໄປເພາະອາຍຸເຂົ້າບຳານ, ບັນຫາພະຍາດລະບາດ ລວມທັງນະໂຍບາຍພາສີ ເຮັດໃຫ້ປະຊາຊົນຕ່າງພາກັນໄປເຂົ້າຄິວໃສ່ນ້ຳມັນເພື່ອກັກຕຸນໃນຊ່ວງ 2 ວັນຜ່ານມາ.

ດ້ວຍເຫດນີ້ ລັດຖະບານຈຶ່ງຕັດສິນໃຈດຳເນີນໂຄງການອອກວີຊາໄລຍະສັ້ນໃຫ້ຄົນຕ່າງປະເທດ ເພື່ອເຂົ້າມາເຮັດວຽກຂັບລົດບັນທຸກ 5.000 ຕຳແໜ່ງ ເພື່ອບັນເທົາບັນຫາດັ່ງກ່າວ.

ເຖິງຢ່າງໃດກໍຕາມ, ສູນຈັດຫາແຮງງານໄດ້ອອກມາສະແດງຄວາມເຫັນວ່າ: ເປັນການແກ້ໄຂບັນຫາທີ່ “ນ້ອຍເກີນໄປ” ແລະ “ຊ້າເກີນໄປ”.

ນອກຈາກນີ້, ຍັງມີຄວາມກັງວົນວ່າເທດສະການຄຣິສມາດທີ່ກຳລັງຈະມາເຖິງ ອາດມີໄກ່ງວງບໍ່ພຽງພໍສຳລັບການສະເຫລີມສະຫລອງ ເນື່ອງຈາກປີກ່ອນໆ ງານສ່ວນນີ້ຖືກຂັບເຄື່ອນໂດຍແຮງງານຈາກຕ່າງປະເທດເປັນສ່ວນໃຫຍ່ ລັດຖະບານຈຶ່ງມີແຜນອອກວີຊາສຳລັບຊາວຕ່າງປະເທດເຂົ້າມາເຮັດວຽກໃນສ່ວນນີ້ອີກ 5.500 ຕຳແໜ່ງ.

ການອອກວີຊາຊົ່ວຄາວກາຍເປັນການກັບຄຳຂອງລັດຖະບານ ທີ່ຕັດສິນໃຈນຳພາອັງກິດຖອນຕົວອອກຈາກສະຫະພາບເອີຣົບ ໂດຍນາຍົກລັດຖະມົນຕີ ບໍຣິສ ຈອນສັນ ອ້າງວ່າເປັນໂອກາດທາງເສດຖະກິດທີ່ຈະບໍ່ຕ້ອງຢູ່ພາຍໃຕ້ຂໍ້ກຳນົດຂອງ EU ແລະ ຫລຸດການອາໄສແຮງງານຕ່າງປະເທດ.

ແຕ່ພໍເກີດບັນຫາຂຶ້ນ ຄືເປັນການຍອມຮັບວ່າລັດຖະບານຍັງຕ້ອງອາໄສແຮງງານຕ່າງປະເທດເຫລົ່ານີ້ຢູ່ ບໍ່ສະນັ້ນອາດຕ້ອງພົບກັບແຮງກົດດັນຈາກປະຊາຊົນ ທີ່ຕັ້ງໜ້າຕັ້ງຕາລໍຖ້າສະຫລອງຄຣິສມາດ ຫລັງຈາກເວັ້ນໄປເມື່ອປີກ່ອນຈາກບັນຫາການລະບາດຂອງພະຍາດໂຄວິດ-19.

ອ້າງອີງ:

https://www.bbc.com/news/business-58694004

https://www.bloomberg.com/…/johnson-forced-into-trucker…

ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit - lattana banner - ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit
ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit - lattana banner 1 - ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit
ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit -    AD conten website - ອັງກິດກຽມອອກວີຊາໄລຍະສັ້ນ ຈ້າງແຮງງານຕ່າງປະເທດກວ່າໝື່ນຕຳແໜ່ງ ຍ້ອນຂາດເຂີນແຮງງານຫລັງ Brexit
error: Alert: ເນື້ອຫາຂ່າວມີລິຂະສິດ !!