ສະຫະລັດອາເມຣິກາໃຫ້ການຊ່ວຍເຫລືອຝຶກອົບຮົມຫລັກສູດການພັດທະນາລະບົບຮັກສາສຸຂະພາບ ແລະ ພາກປະຕິບັດທີ່ດີ

- advert banner 728 90 728x90 - ສະຫະລັດອາເມຣິກາໃຫ້ການຊ່ວຍເຫລືອຝຶກອົບຮົມຫລັກສູດການພັດທະນາລະບົບຮັກສາສຸຂະພາບ ແລະ ພາກປະຕິບັດທີ່ດີ

ສະຖານທູດສະຫະລັດອາເມຣິກາ ແລະ ສູນບັນຊາການກອງທັບສະຫະລັດ ປະຈຳພາກພື້ນປາຊີຟິກ ແລະ ສະຖາບັນການແພດກະຊວງປ້ອງກັນຊາດສະຫະລັດຮ່ວມກັບກະຊວງສາທາລະນະສຸກ ແລະ ກະຊວງປ້ອງກັນປະເທດ ສປປ ລາວ ໄດ້ຈັດຝຶກອົບຮົມຫລັກສູດການພັດທະນາລະບົບຮັກສາສຸຂະພາບ ແລະ ພາກປະຕິບັດທີ່ດີທີ່ສຸດ ຂື້ນທີ່ນະຄອນຫລວງວຽງຈັນໃນວັນທີ 24-28 ກໍລະກົດນີ້ ເພື່ອແນໃສ່ປັບປຸງການເຂົ້າເຖິງ ແລະ ການໄດ້ຮັບຜົນປະໂຫຍດຂອງຄົນເຈັບໂດຍຜ່ານການໃຫ້ການສຶກສາໃນດ້ານສິດທິທີ່ຈະໄດ້ຮັບໃນການດູແລ, ຄວາມເປັນພິການ ແລະ ຄວາມເໝາະສົມ, ການບໍລິຫານຈັດການຂໍ້ມູນດ້ານການຮັກສາສຸຂະພາບ, ການບໍລິຈາກອະໄວຍະວະ ແລະ ເນື້ອເຍື້ອ ກໍລະນີຂອງຜູ້ເສຍຊີວິດ, ການຕຽມຄວາມພ້ອມຕອບໂຕໄພພິບັດ, ການບັນຊາ ແລະ ການຄວບຄຸມເຫດການ ແລະ ການເຄື່ອນໄຫວຕ່າງໆ.

ການຝຶກອົບຮົມຄັ້ງນີ້ຈະເປີດໂອກາດໃຫ້ບັນດານັກວາງແຜນຂັ້ນສູງຝ່າຍທະຫານ ແລະ ພົນລະເຮືອນຂອງລາວໄດ້ຮ່ວມກັບຜູ້ຊ່ຽວຊານດ້ານສຸຂະພາບຈາກສະຖາບັນການແພດກະຊວງປ້ອງກັນຊາດສະຫະລັດ ໄດ້ປະຕິບັດງານຮ່ວມກັນ ໃນການພັດທະນານະໂຍບາຍ ແລະ ຂັ້ນຕອນຕ່າງໆໃນການຄຸ້ມຄອງບໍລິຫານຄົນເຈັບຢ່າງມີປະສິດທິຜົນ, ຊຶ່ງຈະເປັນການປະກອບອັນສຳຄັນເຂົ້າໃນການເສີມຂະຫຍາຍຂີດຄວາມສາມາດໃນການຮັກສາພະຍາບານຂອງໂຮງໝໍຕ່າງໆ ເພື່ອໃຫ້ການຮັກສາສຸຂະພາບທີ່ມີຄຸນນະພາບແກ່ປະຊາຊົນໄດ້ເປັນຢ່າງດີ.

- Tiger Head 728x90 - ສະຫະລັດອາເມຣິກາໃຫ້ການຊ່ວຍເຫລືອຝຶກອົບຮົມຫລັກສູດການພັດທະນາລະບົບຮັກສາສຸຂະພາບ ແລະ ພາກປະຕິບັດທີ່ດີ
- 1 1 - ສະຫະລັດອາເມຣິກາໃຫ້ການຊ່ວຍເຫລືອຝຶກອົບຮົມຫລັກສູດການພັດທະນາລະບົບຮັກສາສຸຂະພາບ ແລະ ພາກປະຕິບັດທີ່ດີ
error: Content is protected !!