ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP

ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP - np file 114984 870x489 1 - ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP
ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP - 16583075379783 - ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP

ທ່ານ ຟູມິໂອະ ຄິຊິດະ ອະດີດລັດຖະມົນຕີຕ່າງປະເທດ ຂຶ້ນແທ່ນວ່າທີ່ນາຍົກລັດຖະມົນຕີຄົນໃໝ່ຂອງຍີ່ປຸ່ນ ຫລັງໄດ້ຮັບໄຊຊະນະໃນການເລືອກຕັ້ງຫົວໜ້າພັກເສລີປະຊາທິປະໄຕ (LDP) ໃນວັນທີ 29 ກັນຍາ ເພື່ອສືບທອດຕຳແໜ່ງຕໍ່ຈາກນາຍົກລັດຖະມົນຕີ ໂຍຊິຮິເດະ ຊູງະ.

ທ່ານ ຄິຊິດະ ຈະໄດ້ຮັບການສະເໜີຊື່ໃຫ້ດຳລົງຕຳແໜ່ງນາຍົກລັດຖະມົນຕີຢ່າງເປັນທາງການໃນກອງປະຊຸມລັດຖະສະພາຍີ່ປຸ່ນ ຄັ້ງພິເສດໃນວັນທີ 4 ຕຸລານີ້. ທັງນີ້ ເນື່ອງຈາກພັກ LDP ຄອງສຽງສ່ວນຫລາຍໃນສະພາຜູ້ແທນລາຊະດອນ ຈຶ່ງເປັນຫລັກປະກັນວ່າ: ຫົວໜ້າພັກ LDP ຈະໄດ້ດຳລົງຕຳແໜ່ງນາຍົກລັດຖະມົນຕີ ໂດຍຫລັງຈາກດຳລົງຕຳແໜ່ງນາຍົກລັດຖະມົນຕີຢ່າງເປັນທາງການແລ້ວ, ທ່ານ ຄິຊິດະ ຈະແຕ່ງຕັ້ງຄະນະລັດຖະບານໃນທັນທີ.

ສຳລັບການເລືອກຕັ້ງຫົວໜ້າພັກ LDP ໃນວັນທີ 29 ກັນຍານັ້ນ ທ່ານ ຄິຊິດະ ມີຄະແນນເປັນທີ 1 ໃນການເລືອກຕັ້ງຮອບທຳອິດ, ແຕ່ເນື່ອງຈາກຄະນະບໍ່ຮອດເກນສຽງສ່ວນຫລາຍທີ່ກຳນົດໄວ້ ຈຶ່ງຕ້ອງມີການແຂ່ງຂັນກັນຕໍ່ໃນຮອບທີສອງ ເຊິ່ງເປັນການພົນກັນຕົວຕໍ່ຕົວລະຫວ່າງທ່ານ ຄິຊິດະ ກັບອັນດັບ 2 ໃນຮອບທຳອິດຄືທ່ານ ທາໂຣ ໂຄໂນະ ເຊິ່ງຕິດອັນດັບ 1 ໃນການສຳຫລວດຜູ້ທີ່ປະຊາຊົນຕ້ອງການໃຫ້ເປັນນາຍົກລັດຖະມົນຕີ ໂດຍຜົນປາກົດວ່າໃນຮອບສອງນີ້ ທ່ານ ຄິຊິດະ ເອົາຊະນະທ່ານ ໂຄໂນະ ໄປໄດ້ດ້ວຍຄະແນນ 257 ຕໍ່ 170.

ທັງນີ້ທ່ານ ຄິຊະດະ ເຄີຍເປັນຄູ່ຊີງຂອງທ່ານ ຊູງະ ໃນການເລືອກຕັ້ງຫົວໜ້າພັກ LDP ໃນປີຜ່ານມາ ເພື່ອຫາຜູ້ທີ່ຈະດຳລົງຕຳແໜ່ງແທນທ່ານ ອາເບະ ເຊິ່ງໃນເວລານັ້ນທ່ານ ອາເບະ ໜູນຫລັງທ່ານ ຊູງະ.

ເຖິງວ່າການເລືອກຕັ້ງຫົວໜ້າພັກຈະເຮັດໃຫ້ທ່ານ ຄິຊິດະ ເປັນທີ່ຮູ້ຈັກຫລາຍຂຶ້ນ, ແຕ່ໂດຍທົ່ວໄປແລ້ວ ຊື່ສຽງຂອງທ່ານ ຄິຊິດະ ຍັງຢູ່ໃນລະດັບປານກາງ ເຮັດໃຫ້ເກີດການຕັ້ງຄຳຖາມວ່າ ທ່ານຈະສາມາດເອົາຊະນະໃຈປະຊາຊົນໃນຖານະຫົວໜ້າພັກ LDP ໄດ້ກ່ອນການເລືອກຕັ້ງທົ່ວໄປທີ່ຈະມີຂຶ້ນໃນເດືອນພະຈິກນີ້ ຫລື ບໍ່.

ທັງພັກ LDP ແລະ ປະຊາຊົນຈະກັ່ນກອງຄວາມສາມາດຂອງທ່ານ ຄິຊິດະ ໃນຖານະຜູ້ນຳທີ່ໜ້າເຊື່ອຖືທີ່ຈະສາມາດຮັກສາສຽງສ່ວນຫລາຍໃນສະພາຜູ້ແທນລາຊະດອນ ລວມທັງເຮັດໃຫ້ສະມາຊິກພັກ ແລະ ປະຊາຊົນເກີດຄວາມຮູ້ສຶກໝັ້ນຄົງທາງການເມືອງໃນເວລາທີ່ປະເທດກຳລັງຕໍ່ສູ້ກັບການລະບາດໃຫຍ່ຂອງໂຄວິດ ແລະ ໄພຄຸກຄາມດ້ານຄວາມປອດໄພທີ່ເພີ່ມຂຶ້ນຈາກ ສປປ ເກົາຫລີ ແລະ ຈີນ.

ທ່ານ ຄິຊິດະ ເຄີຍດຳລົງຕຳແໜ່ງລັດຖະມົນຕີຕ່າງປະເທດໃນລະຫວ່າງປີ 2012-2017 ເຊິ່ງຜົນງານໜຶ່ງໃນຊ່ວງເວລານັ້ນຄື ການປະສານງານການເດີນທາງຢ້ຽມຢາມຮິໂຣຊິມ່າຂອງປະທານາທິບໍດີ ບາຣັກ ໂອບາມາ ໂດຍຮິໂຣຊິມ່າເປັນເຂດເລືອກຕັ້ງຂອງທ່ານ ຄິຊິດະ. ນອກຈາກນີ້ ທ່ານຍັງມີບົດບາດໃນການເຮັດຂໍ້ຕົກລົງລະຫວ່າງຍີ່ປຸ່ນກັບ ສ.ເກົາຫລີ ກ່ຽວກັບ “ຍິງບຳເລີ” ໃນສະໄໝສົງຄາມໂລກຄັ້ງທີ 2.

ໃນດ້ານເສດຖະກິດ, ທ່ານ ຄິຊິດະ ປະກາດວ່າຈະປ່ຽນນະໂຍບາຍເສດຖະກິດຈາກນະໂຍບາຍແບບເສລີນິຍົມໃໝ່ (Neoliberal) ເຊິ່ງທ່ານເບິ່ງວ່າເຮັດໃຫ້ຊ່ອງຫວ່າງລະຫວ່າງຄົນລວຍ-ຄົນທຸກຂະຫຍາຍກວ້າງຂຶ້ນ ໂດຍສະເພາະໃນຊ່ວງການລະບາດຂອງໂຄວິດ.

ອ້າງອີງ:

ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP -    AD conten website - ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP
ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP - lattana banner - ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP
ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP - lattana banner 1 - ທ່ານ ຟູມິໂອະ ຄິຊິດະ ກຽມນັ່ງຕັ່ງນາຍົກລັດຖະມົນຕີຍີ່ປຸ່ນຄົນໃໝ່ ຫລັງເອົາຊະນະຄູ່ແຂ່ງໃນການເລືອກຫົວໜ້າພັກ LDP
error: Alert: ເນື້ອຫາຂ່າວມີລິຂະສິດ !!