ປະທານສູນກາງແນວລາວສ້າງຊາດເນັ້ນໃຫ້ປັບປຸງວຽກງານສື່ມວນຊົນໃຫ້ມີຄຸນະພາບ

- image001 1 - ປະທານສູນກາງແນວລາວສ້າງຊາດເນັ້ນໃຫ້ປັບປຸງວຽກງານສື່ມວນຊົນໃຫ້ມີຄຸນະພາບ
- Untitled design - ປະທານສູນກາງແນວລາວສ້າງຊາດເນັ້ນໃຫ້ປັບປຸງວຽກງານສື່ມວນຊົນໃຫ້ມີຄຸນະພາບ

ໃນກອງປະຊຸມພົບປະແລກປ່ຽນບົດຮຽນກ່ຽວກັບວຽກງານສື່ມວນຊົນ ແລະ ສູນກາງແນວລາວສ້າງຊາດໄດ້ຈັດຂຶ້ນໃນວັນທີ 21 ກໍລະກົດຜ່ານມານີ້, ທ່ານປະທານສູນກາງແນວລາວສ້າງຊາດໄດ້ສະເໜີໃຫ້ເອົາໃຈໃສ່ບາງວຽກງານ ຄື: ຕ້ອງປັບປຸງຍົກລະດັບວຽກງານສື່ມວນຊົນ ແລະ ພິມຈຳໜ່າຍໃຫ້ມີຄຸນະພາບສູງຕາມທິດຫັນເປັນທັນສະໄໝເປັນເຄື່ອງມືອັນແຫລມຄົມຂອງພັກ-ລັດໃນການໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ກົດໝາຍຂອງລັດ ເປັນເຄື່ອງມືປຸກລະດົມຊຸກຍູ້ປະຊາຊົນບັນດາເຜົ່າປະກອບສ່ວນເຂົ້າໃນການປະຕິບັດພາລະກິດປ່ຽນແປງໃໝ່ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ສາມາດຕຳນິວິຈານບັນຫາຫຍໍ້ທໍ້ໃນສັງຄົມຢ່າງສ້າງສັນ ແລະ ເປັນປະໂຫຍດຕອບຕ້ານການໂຄສະນາບິດເບືອນ ແລະ ໃສ່ຮ້າຍປ້າຍສີຂອງຄົນບໍ່ດີຕໍ່ລະບອບໃໝ່, ຕໍ່ແນວທາງນະໂຍບາຍຂອງພັກ. ສື່ມວນຊົນເປັນກະບອກສຽງທີ່ແຫລມຄົມຂອງພັກເປັນສາຍໄຍຜູກພັນລະຫວ່າງພັກກັບປະຊາຊົນບັນດາເຜົ່າຢ່າງແທ້ຈິງ, ເອົາໃຈໃສ່ບຳລຸງຍົກລະດັບຜູ້ເຮັດວຽກ, ກໍ່ສ້າງພະນັກງານສື່ຜູ້ທີ່ຈະສືບທອດປ່ຽນແທນໃຫ້ມີຄວາມຮູ້ທາງດ້ານເຕັກນິກວິຊາການ, ມີຄຸນສົມບັດສິນທຳປະຕິວັດ, ມີຄວາມຫ້າວຫັນເປັນເຈົ້າການ ແລະ ມີສະຕິຄວາມຮັບຜິດຊອບສູງຕໍ່ໜ້າທີ່ວຽກງານຂອງຕົນ ເອົາໃສ່ວຽກງານກໍ່ສ້າງພື້ນຖານໂຄງລ່າງການນຳໃຊ້ເຕັກນິກໃໝ່ທີ່ກ້າວໜ້າທັນສະໄໝຢ່າງເປັນລະບົບຄົບຊຸດ ເພື່ອສາມາດເຊື່ອມໂຍງດ້ານຂໍ້ມູນຂ່າວສານກັບສາກົນຢ່າງກົມກືນ ແລະ ສອດຄ່ອງເພີ່ມທະວີການຮ່ວມມືກັບສາກົນ ເພື່ອພັດທະນາວຽກງານຖະແຫລງຂ່າວສື່ມວນຊົນໃຫ້ເຂັ້ມແຂງຍິ່ງຂຶ້ນ, ສາມາດຕອບສະໜອງຄວາມຕ້ອງການຂອງການຈັດຕັ້ງປະຕິບັດໜ້າທີ່ການເມືອງໃນໄລຍະໃໝ່ຢ່າງມີປະສິດທິຜົນ.

- Wave100S AD to Website 2020 0 - ປະທານສູນກາງແນວລາວສ້າງຊາດເນັ້ນໃຫ້ປັບປຸງວຽກງານສື່ມວນຊົນໃຫ້ມີຄຸນະພາບ
- WhatsApp Image 2020 05 27 at 5 - ປະທານສູນກາງແນວລາວສ້າງຊາດເນັ້ນໃຫ້ປັບປຸງວຽກງານສື່ມວນຊົນໃຫ້ມີຄຸນະພາບ
- WhatsApp Image 2020 05 27 at 5 - ປະທານສູນກາງແນວລາວສ້າງຊາດເນັ້ນໃຫ້ປັບປຸງວຽກງານສື່ມວນຊົນໃຫ້ມີຄຸນະພາບ
error: Alert: ເນື້ອຫາຂ່າວມີລິຂະສິດ !!