ລະວັງພາຍຸເຂດຮ້ອນທີ່ຈະຜ່ານເຂົ້າລາວໃນວັນທີ 25-27 ກໍລະກົດນີ້

- Untitled design - ລະວັງພາຍຸເຂດຮ້ອນທີ່ຈະຜ່ານເຂົ້າລາວໃນວັນທີ 25-27 ກໍລະກົດນີ້

ກົມອຸຕຸນິຍົມ ແລະ ອຸທົກກະສາດ ເຕືອນວ່າ: ນັບແຕ່ວັນທີ 25-27 ກໍລະກົດນີ້, ຈະມີພາຍຸຊົງກາ (Sonca) ຫົວທີ 8 ປະຈຳປີ 2017 ທີ່ໄດ້ກໍ່ຕົວຂຶ້ນຢູ່ເຂດທະເລຈີນໃຕ້ແລ້ວເຄື່ອນຕົວເຂົ້າເຂດພາກໃຕ້ຂອງເກາະໄຮໜານແລ້ວຜ່ານເຂົ້ານະຄອນວິງ ສສ ຫວຽດນາມ, ໃນຄືນວັນທີ 25 ກໍລະກົດ ແລະ ຈະເຄື່ອນທີ່ຜ່ານແຂວງ ບໍລິຄຳໄຊ, ຄຳມ່ວນ, ສະຫວັນນະເຂດ ໃນຕອນເຊົ້າວັນທີ 26 ກໍລະກົດນີ້, ຊຶ່ງຈະເຮັດໃຫ້ມີສະພາບຝົນຕົກປານກາງ ແລະ ຕົກໜັກແຜ່ຂຶ້ນໄປຮອດພາກເໜືອ ແຂວງຫລວງພະບາງ, ໄຊຍະບູລີ, ຊຽງຂວາງ, ໄຊສົມບູນ ແລະ ແຜ່ລົງໄປຫາພາກໃຕ້ ແຂວງສາລະວັນ, ຈຳປາສັກ, ເຊກອງ ແລະ ອັດຕະປື, ຈາກນັ້ນ ກໍຈະອ່ອນກຳລັງລົງເປັນພາຍຸດີເປ່ຣຊັນ ຜ່ານນະຄອນຫລວງວຽງຈັນ, ແຂວງວຽງຈັນ ແລະ ຜ່ານເຂົ້າປະເທດໄທ, ດັ່ງນັ້ນ ຈຶ່ງຂໍແຈ້ງເຕືອນເຖິງອຳນາດການປົກຄອງ ແລະ ປະຊາຊົນທີ່ອາໃສຢູ່ເຂດແຂວງດັ່ງກ່າວ ຈົ່ງມີສະຕິກຽມພ້ອມຮັບມືກັບສະພາບນ້ຳຖ້ວມ, ນ້ຳຊຸ, ດິນເຈື່ອນ ແລະ ລົມພັດແຮງ, ຊຶ່ງຈະເປັນອັນຕະລາຍຕໍ່ຊີວິດ ແລະ ຊັບສິນຂອງປະຊາຊົນ, ພ້ອມນີ້ ກໍໃຫ້ກະກຽມເຄື່ອນຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນປອດໄພ ແລະ ຂໍໃຫ້ຕິດຕາມຂ່າວສະພາບ ອາກາດເປັນປົກກະຕິເພື່ອສາມາດຮັບມືກັບໄພທຳມະຊາດດັ່ງກ່າວ.

- Wave100S AD to Website 2020 0 - ລະວັງພາຍຸເຂດຮ້ອນທີ່ຈະຜ່ານເຂົ້າລາວໃນວັນທີ 25-27 ກໍລະກົດນີ້
- WhatsApp Image 2020 05 27 at 5 - ລະວັງພາຍຸເຂດຮ້ອນທີ່ຈະຜ່ານເຂົ້າລາວໃນວັນທີ 25-27 ກໍລະກົດນີ້
- WhatsApp Image 2020 05 27 at 5 - ລະວັງພາຍຸເຂດຮ້ອນທີ່ຈະຜ່ານເຂົ້າລາວໃນວັນທີ 25-27 ກໍລະກົດນີ້
error: Alert: ເນື້ອຫາຂ່າວມີລິຂະສິດ !!