ເຈົ້າໜ້າທີ່ມ້າງແຫລ່ງເກັບມ້ຽນເຄື່ອງໃນສັດທີ່ຫ້າມນໍາເຂົ້າ

- pks 1 - ເຈົ້າໜ້າທີ່ມ້າງແຫລ່ງເກັບມ້ຽນເຄື່ອງໃນສັດທີ່ຫ້າມນໍາເຂົ້າ
- Untitled design - ເຈົ້າໜ້າທີ່ມ້າງແຫລ່ງເກັບມ້ຽນເຄື່ອງໃນສັດທີ່ຫ້າມນໍາເຂົ້າ

ກົມຕໍາຫລວດສິ່ງແວດລ້ອມ, ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ເມື່ອບໍ່ດົນມານີ້, ກໍາລັງເຈົ້າໜ້າທີ່ຂອງຕົນໄດ້ມ້າງແຫລ່ງເກັບມ້ຽນເຄື່ອງໃນສັດທີ່ນໍາເຂົ້າຜິດລະບຽບກົດໝາຍຈາກປະເທດຫວຽດນາມຢູ່ບ້ານທາດຫລວງໃຕ້ເມືອງໄຊເສດຖານະຄອນຫລວງວຽງຈັນ, ຊຶ່ງພົບເຄື່ອງໃນສັດຫລາຍປະເພດ ເຊັ່ນ: ຕັບ, ປອດ, ໄສ້ ຂອງງົວ, ຄວາຍ ແລະ ໝູ ຫລາຍກວ່າ 1.200 ກິໂລ, ພ້ອມສາມາດຈັບຕົວເຈົ້າຂອງສີນຄ້າດັ່ງກ່າວຄື: ນາງ ມາຍ ຫງຽນທິງ່າ ອາຍຸ 51 ປີ ແລະ ນາງ ຟານທີເຊ ອາຍຸ 54 ປີ (ສັນຊາດຫວຽດນາມ) ມາດໍາເນີນຄະດີຕາມລະບຽບກົດໝາຍ.

ຜ່ານການສືບສວນ-ສອບສວນຂອງເຈົ້າໜ້າທີ່ພວກເຂົາຮັບສາລະພາບວ່າ: ໄດ້ຮ່ວມກັນລັກລອບນໍາເຂົ້າເຄື່ອງໃນສັດຈາກຫວຽດນາມມາຂາຍຢູ່ລາວຫລາຍຄັ້ງແລ້ວ, ໂດຍຊຸກເຊື່ອງມານໍາລົດໂດຍສານສາຍທາງນະຄອນຫລວງວຽງຈັນ-ດານັງ ຊຶ່ງເປັນລົດໂດຍສານຂອງຕົນເອງ, ໂດຍຜ່ານດ່ານສາກົນແດນສະຫວັນແຂວງສະຫວັນນະເຂດແລ້ວເອົາມາເກັບມ້ຽນໄວ້ຢູ່ເຮືອນຂອງຕົນທີ່ບ້ານທາດຫລວງ ເພື່ອເອົາໄປຂາຍຕໍ່ໃຫ້ລູກຄ້າຢູ່ຕະຫລາດຕ່າງໆໃນນະຄອນຫລວງວຽງຈັນ ເຊັ່ນ: ຕະຫລາດຂົວດິນ, ທາດຫລວງ, ທົ່ງຂັນຄໍາ, ສີໄຄ ແລະ ຕະຫລາດອື່ນໆມາແຕ່ປີ 2008.

ເຈົ້າໜ້າທີ່ ໃຫ້ຮູ້ວ່າ: ເຄື່ອງໃນສັດດັ່ງກ່າວແມ່ນບໍ່ມີເອກະສານນໍາເຂົ້າ, ຊຶ່ງເປັນການກະທໍາຜິດລະບຽບ ແລະ ກົດໝາຍວ່າດ້ວຍວິສາຫະກິດ ແລະ ຜ່ານມາພວກກ່ຽວເຄີຍຖືກເຈົ້າໜ້າທີ່ອຸດສາຫະກຳ ແລະ ການຄ້າ, ກະສິກຳ ແລະ ປ່າໄມ້ນະຄອນຫລວງວຽງຈັນເອົາມາສຶກສາອົບຮົມກ່າວເຕືອນ ແລະ ປັບໄໝຫລາຍຄັ້ງແລ້ວແຕ່ບໍ່ເຂັດຫລາບ.

- Wave100S AD to Website 2020 0 - ເຈົ້າໜ້າທີ່ມ້າງແຫລ່ງເກັບມ້ຽນເຄື່ອງໃນສັດທີ່ຫ້າມນໍາເຂົ້າ

ເຈົ້າໜ້າທີ່ ໃຫ້ຮູ້ຕື່ມວ່າ: ຕໍ່ໄປນີ້ຈະໄດ້ປະສານກັບພາກສ່ວນກ່ຽວຂ້ອງອື່ນໆ ໃນການເພີ່ມທະວີສະກັດກັ້ນການນໍາເຂົ້າເຄື່ອງໃນສັດຜິດລະບຽບ, ໂດຍສະເພາະຢູ່ບັນດາດ່ານສາກົນ ແລະ ດ່ານທ້ອງຖິ່ນຕ່າງໆໃນທົ່ວປະເທດຕ້ອງເພີ່ມຄວາມເຂັ້ມງວດໃນການກວດກາ ເພື່ອບໍ່ໃຫ້ກຸ່ມຄົນບໍ່ດີສວຍໂອກາດລັກລອບນໍາເຂົ້າສີນຄ້າຕ້ອງຫ້າມດັ່ງກ່າວ, ຊຶ່ງອາດຈະສົ່ງຜົນກະທົບບໍ່ດີໂດຍກົງຕໍ່ສຸຂະພາບຂອງຜູ້ບໍລິໂພກ.

- WhatsApp Image 2020 05 27 at 5 - ເຈົ້າໜ້າທີ່ມ້າງແຫລ່ງເກັບມ້ຽນເຄື່ອງໃນສັດທີ່ຫ້າມນໍາເຂົ້າ
- WhatsApp Image 2020 05 27 at 5 - ເຈົ້າໜ້າທີ່ມ້າງແຫລ່ງເກັບມ້ຽນເຄື່ອງໃນສັດທີ່ຫ້າມນໍາເຂົ້າ
error: Alert: ເນື້ອຫາຂ່າວມີລິຂະສິດ !!