ລັດຖະບານຫາລືຫລາຍບັນຫາສໍາຄັນຂອງຊາດ

ກອງປະຊຸມລັດຖະບານປະຈໍາເດືອນກໍລະກົດ 2017 ໄດ້ຈັດຂຶ້ນໃນວັນທີ 24-25 ນີ້, ໂດຍການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ ແລະ ໄດ້ປຶກສາຫາລືຫລາຍບັນຫາສໍາຄັນຂອງຊາດຄື: ບົດລາຍງານກ່ຽວກັບສະພາບພົ້ນເດັ່ນໃນພາກພື້ນ ແລະ ສາກົນ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການກະກຽມການຜະລິດເຂົ້າເພື່ອສົ່ງອອກໄປ ສປຈີນ, ມາດຕະການຄຸ້ມຄອງການລັກລອບນໍາເຂົ້າຊີ້ນໝູ, ມາດຕະການ ແລະ ທິດທາງໃນການຜະລິດກ້ວຍເປັນສີນຄ້າຢູ່ລາວ, ພ້ອມທັງຄົ້ນຄວ້າຮ່າງກົດໝາຍວ່າດ້ວຍການຈັດຊື້ຂອງລັດ, ຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ, ຮ່າງກົດໝາຍວ່າດ້ວຍການກວດກາລັດສະບັບປັບປຸງ, ຮ່າງກົດໝາຍວ່າດ້ວຍຊັບສີນທາງປັນຍາສະບັບປັບປຸງ, ຮ່າງກົດໝາຍວ່າດ້ວຍປະກັນສັງຄົມສະບັບປັບປຸງ, ຮ່າງກົດໝາຍວ່າດ້ວຍແຮ່ທາດສະບັບປັບປຸງ ແລະ ລາຍງານຄວາມຄືບໜ້າໂຄງການກໍ່ສາງເສັ້ນທາງລົດໄຟລາວ-ຈີນ ແລະ ໂຄງການກໍ່ສ້າງເສັ້ນທາງລົດໄຟລາວ-ໄທ ໄລຍະສອງເພື່ອການຈັດຕັ້ງປະຕິບັດໃຫ້ມີຜົນ.