ຈີນເປີດໂຕ “ໂດຣນຍັກ” ບິນໄວ-ສູງ ພ້ອມສຳຫລວດ-ໂຈມຕີ

ຈີນເປີດຕົວໂດຣນ (UAV) ລຸ້ນດັບເບິ້ນຢູເຈ-700 (WJ-700) ໃນງານວາງສະແດງກ່ຽວກັບການບິນ ແລະ ອະວະກາດນາໆຊາດຈີນ ຫລື ແອຣໂຊ ໄຊນ່າ (Aishow China) ຄັ້ງທີ 13 ໃນເມືອງທ່າຈູໄຫ່ ມົນທົນກວາງຕຸງ ທາງຕອນໃຕ້ຂອງປະເທດ.

ລາຍງານລະບຸວ່າ: ໂດຣນຍັກ ລຸ້ນດັບເບິ້ນຢູເຈ-700 ເຊິ່ງຂຶ້ນບິນຖ້ຽວປະຖົມມະເລີກໃນເດືອນກໍລະກົດປີນີ້ ສາມາດບິນໃນລະດັບສູງ ແລະ ດ້ວຍຄວາມໄວສູງ ປະຕິບັດການໃນໄລຍະຍາວ ລວມທັງອອກສຳຫລວດລາດຕະເວນ ແລະ ໂຈມຕີ.

ສະຖາບັນໃນສັງກັດບໍລິສັດວິທະຍາສາດ ແລະ ເຕັກໂນໂລຊີການບິນ ແລະ ອະວະກາດແຫ່ງປະເທດຈີນ (CASIC) ເປັນຜູ້ພັດທະນາໂດຣນລຸ້ນນີ້ ເຊິ່ງພຽງພ້ອມດ້ວຍເຕັກໂນໂລຊີລ້ຳໜ້າ ໂດຍຕົວຊີ້ວັດຫລັກເຊັ່ນ: ຄວາມທົນທານ, ໄລຍະການບິນ ແລະ ສະມັດຖະນະບັນທຸກ ລ້ວນຢູ່ລະດັບຂັ້ນສູງ.

ອ້າງອີງ: ສຳນັກຂ່າວຊິນຮົວ