ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ

ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ - 244402175 1942615412572735 6420746928752127175 n - ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ
ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ - kitchen vibe - ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ

ວັນທີ 1 ຕຸລາ 2021 ຜ່ານມາ ພັກ ແລະ ລັດຖະບານລາວ ກໍຄືຄະນະສະເພາະກິດລະດັບຊາດ ໄດ້ອອກແຈ້ງການສືບຕໍ່ປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດໂຄວິດ-19 ນັບແຕ່ນີ້ໄປຮອດວັນທີ 15 ຕຸລາ 2021 ໂດຍມີຂໍ້ຫ້າມເຖິງ 14 ມາດຕະການ ເຊິ່ງທິດກໍ່າຂໍຍົກເອົາເນື້ອໃນຫຍໍ້ໆໂດຍສັງເຂບໃນຈຳນວນ 14 ມາດຕະການມາໃຫ້ຮັບຮູ້ ແລະ ປະຕິບັດໂດຍທົ່ວເຖິງກັນຄື: 1. ສຸມໃສ່ການສັກວັກຊີນ, 2. ສືບຕໍ່ປິດດ່ານສາກົນ, ດ່ານທ້ອງຖິ່ນ, ດ່ານປະເພນີ, 3. ໂຈະການອອກວີຊາການທ່ອງທ່ຽວ, ວີຊາຢ້ຽມຢາມຕ່າງໆໃຫ້ຄົນຕ່າງປະເທດ, 4. ປິດຮ້ານບັນເທີງ, ໂຮງສາຍຮູບເງົາ, ຮ້ານຄາຣາໂອເກະ, ຮ້ານກິນດື່ມ, ອິນເຕີເນັດ, ຮ້ານເກມທຸກປະເພດ, 5. ປິດຮ້ານນວດ, ຮ້ານເສີມຄວາມງາມ, ຮ້ານຕັດຜົມ, ຮ້ານເສີມສວຍ, ຕະຫລາດກາງຄືນ, ສວນອາຫານ, ສະຖານທີ່ທ່ອງທ່ຽວ, 6. ປິດບັນດາໂຮງງານອຸດສາຫະກຳ, ບັນດາວິສາຫະກິດໃນເຂດທີ່ມີການລະບາດ, 7. ຫ້າມເຂົ້າ-ອອກໃນເຂດທີ່ມີການລະບາດ ຍົກເວັ້ນຜູ້ໄດ້ຮັບອະນຸຍາດ ແລະ ລົດຂົນສົ່ງສິນຄ້າ, 8. ປິດສິນກິລາໃນຮົ່ມ ແລະ ກິລາກາງແຈ້ງ, ຫ້າມອອກກຳລັງກາຍຕາມສວນສາທາລະນະໃນເຂດທີ່ມີການລະບາດໃນຊຸມຊົນ, 9. ຫ້າມຈັດງານສັງສັນທຸກຮູບແບບໃນທຸກສະຖານທີ່, 10. ຫ້າມກັກຕຸນສິນຄ້າທຸກໆຊະນິດທີ່ຈຳເປັນຕໍ່ການດຳລົງຊີວິດປະຈຳວັນ, 11. ປິດການສັນຈອນໃນຊຸມຊົນທີ່ມີການລະບາດ ນັບແຕ່ເວລາ 21:00 ໂມງ ຫາ 5:00 ໂມງ ເຊົ້າ ຍົກເວັ້ນລົດຂົນສົ່ງສິນຄ້າ, ສະບຽງອາຫານ, ອຸປະກອນການແພດ, ລົດສົ່ງຄົນເຈັບ, ລົດດັບເພີງ, ລົດກູ້ໄພ, ລົດສະເພາະກິດ, ລົດເຈົ້າໜ້າທີ່ປະຕິບັດງານ ແລະ ລົດທີ່ໄດ້ຮັບອະນຸຍາດ, 12. ປິດການຮຽນ-ການສອນສຳລັບການສຶກສາທຸກຊັ້ນທຸກສາຍ ນັບທັງການສອບເສັງ, 13. ຫ້າມຈັດກອງປະຊຸມ, ໂຮມຊຸມນຸມ ຫລື ຈັດກິດຈະກຳຕ່າງໆທີ່ຫລາຍກວ່າ 20 ຄົນຂຶ້ນໄປ, 14. ອະນຸຍາດໃຫ້ພະນັກງານ-ລັດຖະກອນຜັດປ່ຽນກັນໄປປະຈຳການ ຫລື ເຮັດວຽກຢູ່ເຮືອນຜ່ານລະບົບອອນລາຍ ໂດຍສະເພາະຜູ້ມີຄວາມສ່ຽງ ແລະ ຜູ້ຍິງຖືພາ.

ນີ້ຄືມາດຕະການສືບຕໍ່ໃຫ້ພວກເຮົາຮ່ວມແຮງຮ່ວມໃຈກັນປະຕິບັດ ນັບແຕ່ວັນທີ 1-15 ຕຸລາ 2021 ຈຶ່ງທັງຮຽກຮ້ອງໃຫ້ທຸກຄົນປະຕິບັດເພື່ອຄວາມປອດໄພຊີວິດອິນຊີຂອງຕົນເອງ ແລະ ຄວາມສະຫງົບສຸກຈະເລີນກ້າວໜ້າຂອງບ້ານເມືອງ. ກົງກັນຂ້າມ ຖ້າຍັງພາກັນຖືເບົາ ແລະ ຝ່າຝືນ ພະຍາດໂຄວິດ-19 ມັນກໍຈະຍັງແຜ່ລະບາດແບບລາມພະລາມຈົວຄືດັ່ງເປັນມາ ແລະ ເຫັນມານັ້ນແລ !

ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ - Visit Laos Visit SALANA BOUTIQUE HOTEL - ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ

ຂໍໃຫ້ທຸກຄົນຜ່ານພົ້ນຈາກວິກິດໂຄວິດ-19 ດ້ວຍກັນທຸກຄົນເທີ້ນ.

ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ - 3 - ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ
ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ - 5 - ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ
ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ - 4 - ພວກເຮົາທຸກຄົນ ຕ້ອງຜ່ານພົ້ນຈາກວິກິດໂຄວິດ-19 ໄປດ້ວຍກັນ