ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ

ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ - 243562062 - ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ
ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ - kitchen vibe - ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ

ອີງຕາມຂ່າວຄວາມສະຫງົບ ລາຍງານວ່າ: ມີຊາຍໄວ 21 ປີ ຢູ່ບ້ານຫ້ວຍຍາງຄຳ ນະຄອນປາກເຊ ແຂວງຈຳປາສັກ ນໍາໃຊ້ປືນສັ້ນບຸກດ່ຽວ ປຸ້ນຊັບ ຢູ່ຮ້ານອິນເຕີເນັດ ແລະ ຮ້ານມິນິມາກ ໄດ້ເງິນໄປ 1.700.000 ກວ່າກີບ ແລະ ຖືກເຈົ້າໜ້າທີ່ຕໍາຫລວດນຳຈັບຕົວໄດ້ພາຍຫລັງກໍ່ເຫດແລ້ວຫລັງຈາກຫລົບໜີໄປ.

ເຈົ້າໜ້າທີ່ຕຳຫລວດ ປກສ ນະຄອນປາກເຊ ແຂວງຈຳປາສັກ ໃຫ້ຮູ້ວ່າ: ເວລາ 11:00 ໂມງ ຂອງວັນທີ 25 ສິງຫາ 2021 ເຈົ້າໜ້າທີ່ຕຳຫລວດ ປກສ ກຸ່ມ ບ້ານໃຫຍ່ຫ້ວຍຍາງຄຳ ໄດ້ຮັບແຈ້ງຄວາມຈາກນາງ ສຸກສາຄອນ ອາຍຸ 27 ປີ ຢູ່ບ້ານສາງນ້ຳມັນ ນະຄອນປາກເຊ ແຂວງຈຳປາສັກ ວ່າມີຄົນຮ້າຍຜູ້ຊາຍ ບໍ່ຮູ້ຊື່ 1 ຄົນ ຂັບຂີ່ລົດຈັກເຂົ້າມາຮ້ານອິນເຕີເນັດຂອງຜູ້ກ່ຽວ ທີ່ເປີດຢູ່ບ້ານຫ້ວຍຍາງຄຳ ນະຄອນປາກ ແລ້ວໃຊ້ປືນສັ້ນບໍ່ຮູ້ຊະນິດປຸ້ນເອົາເງິນຂອງຜູ້ກ່ຽວໄປຈຳນວນ 1.600.000 ກີບ, ແລ້ວຂັບລົດຈັກຫລົບໜີໄປ ແລະ ໃນວັນທີ 1 ກັນຍາ 2021 ເວລາປະມານ 16:00 ໂມງ ເຈົ້າໜ້າທີ່ຕຳຫລວດ ປກສ ກຸ່ມ 6 ນະຄອນປາກເຊ ໄດ້ຮັບແຈ້ງຄວາມຈາກທ້າວ ທັນສະພາບ ອາຍຸ 45 ປີ ອາຊີບຄ້າ-ຂາຍຢູ່ບ້ານໂພນສະຫວັນ ນະຄອນປາກເຊ ວ່າໄດ້ມີຄົນຮ້າຍຜູ້ຊາຍຈຳນວນ 1 ຄົນ ໄດ້ຂັບຂີ່ລົດຈັກມາຈອດຢູ່ໜ້າຮ້ານມິລິມາກຂອງຜູ້ກ່ຽວ ທີ່ເປີດຢູ່ບ້ານໂພນສະຫວັນ ໄດ້ໃຊ້ປືນສັ້ນບໍ່ຮູ້ຊະນິດປຸ້ນເອົາເງິນນຳລູກຊາຍຂອງຜູ້ກ່ຽວຈຳນວນ 140.000 ກີບ ແລ້ວຂັບລົດຈັກໜີໄປ.

ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ - Visit Laos Visit SALANA BOUTIQUE HOTEL - ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ

ຫລັງຈາກນັ້ນ, ເຈົ້າໜ້າທີ່ຕຳຫລວດ ປກສ ກຸ່ມ 6 ຈຶ່ງໄດ້ປະສານສົມທົບກັບເຈົ້າໜ້າທີ່ຕຳຫລວດວິຊາສະເພາະ ປກສ ນະຄອນປາກເຊ ລົງເກັບກຳຂໍ້ມູນຫລັກຖານຕົວຈິງ ສືບຫາຜູ້ກໍ່ເຫດ ຈຶ່ງນຳຈັບຕົວເປົ້າໝາຍໄດ້ຊື່ທ້າວ ສຸລິນທາ ອາຍຸ 21 ປີ ອາຊີບກຳມະກອນ ຢູ່ບ້ານຫວ້ຍຍາງຄຳ ນະຄອນປາກເຊ ໃນຄັ້ງວັນທີ 2 ກັນຍາ 2021 ມາສືບສວນ-ສອບສວນ.

 

ທ້າວ ສຸລິນທາ ຮັບສາລະພາບກັບເຈົ້າໜ້າທີ່ວ່າ: ໃນຄັ້ງວັນທີ 25 ສິງຫາ 2021, ເວລາປະມານ 10:00 ໂມງ ຜູ້ກ່ຽວ ໄດ້ເອົາປືນສັ້ນ (ປະເພດປືນກັບໄຟ ອັດແກັດ) 1 ກະບອກໃສ່ຖົງໂສ້ງ ຈຸດປະສົງເພື່ອຈະເອົາປືນດັ່ງກ່າວໄປປຸ້ນເອົາເງິນປະຊາຊົນຢູ່ຂອບເຂດນະຄອນປາກເຊ; ຈາກນັ້ນ, ຜູ້ກ່ຽວກໍໄດ້ຂັບຂີ່ລົດຈັກຍີ່ຫໍ້ຮອນດ້າເວັບ 100 ສີແດງດຳ ເລກທະ ບຽນ ຈບ 2762 ຈຳປາສັກ ອອກຈາກເຮືອນ ເມື່ອໄປຮອດຮ້ານອິນເຕີເນັດເຂດບ້ານຫ້ວຍຍາງຄຳ ຜູ້ກ່ຽວໄດ້ສັງເກດເຫັນ ນາງ ສຸກສາຄອນ ນັ່ງຢູ່ໂຕະຄອມພິວເຕີ້ ບ່ອນຂາຍບັດເຕີມຢູເຊີເກມຄົນດຽວ ຈຶ່ງໄດ້ຍ່າງເຂົ້າໄປຫາແລ້ວໃຊ້ປືນສັ້ນທີ່ຜູ້ກ່ຽວຕິດຕົວມາ ຈີ້ເອົາເງິນນາງ ສຸກສາຄອນ ໄດ້ເງີນຈຳນວນ 1.600.000 ກີບ ພາຍຫລັງໄດ້ເງິນກໍໄດ້ຂັບຂີ່ລົດເອົາຕົວຫລົບໜີແລ້ວເອົາໄປໃຊ້ຈ່າຍຈົນໝົດ.

ຕໍ່ມາໃນວັນທີ 1 ກັນຍາ 2021 ຜູ້ກ່ຽວກໍໄດ້ຂັບຂີ່ລົດຈັກເວັບຄັນເກົ່າ ພ້ອມເອົາປືນສັ້ນກະບອກດັ່ງກ່າວ ໃສ່ຖົງໂສ້ງຊອກຫາ ປຸ້ນຊັບຢູ່ຂອບເຂດນະຄອນປາກເຊ ອີກ, ພໍໄປຮອດຮ້ານໂຈໂຈ້ມິລິມາກ ເຂດບ້ານໂພນສະຫວັນ ຜູ້ກ່ຽວຈຶ່ງໄດ້ສັງເກດເຫັນທ້າວ ໂຈໂຈ້ ນັ່ງຢູ່ໂຕະເຄົາເຕີ້ໜ້າຮ້ານຄົນດຽວ ຈື່ງຍ່າງເຂົ້າໄປແລ້ວໃຊ້ປືນສັ້ນທີ່ຖືມາຈີ້ໃສ່ທ້າວ ໂຈໂຈ້ ພ້ອມທັງປຸ້ນເອົາເງິນໄດ້ຈຳນວນ 140.000 ກີບ ແລ້ວກໍເອົາຕົວຫລົບໜີ ຈົນຮອດວັນທີ 2 ກັນຍາ 2021 ກໍຖືກເຈົ້າໜ້າທີ່ຕຳຫລວດ ກັກຕົວມາດຳເນີນຄະດີ.

 

ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ - 3 - ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ
ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ - 5 - ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ
ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ - 4 - ປກສ ນະຄອນປາກເຊ ຈັບຕົວຊາຍໜຸ່ມປຸ້ນຊັບຮ້ານອິນເຕີເນັດ ແລະ ມິນິມາກ