ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

- advert banner 728 90 728x90 - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

- duterte sona 2017 - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

- new3 - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

ປະທານາທິບໍດີ​ຟີ​ລິບ​ປິນ ຢືນຢັນ​ບໍ່​ມີ​ທາງ​ຫລຸດຜ່ອນ​ການ​ເຮັດ​ສົງຄາມ​ຢາ​ເສບ​ຕິດ ​ແລະ ຮຽກຮ້ອງ​ໃຫ້​ລັດຖະສະພາ​ຮື້ຟື້ນບົດ​ລົງ​ໂທດ​ປະຫານ​ຊີວິດ ລະຫວ່າງ​ການ​ກ່າວ​ຄຳ​ຖະ​ແຫລງປະຈຳ​ປີ.

- d7af638ea3cb484abf2d869f110a4e1a 1200x630 - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 25 ກໍລະກົດ​ນີ້​ວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ກ່າວ​ຄຳ​ຖະ​ແຫລ​ງນະ​ໂຍບາຍ​ປະຈຳ​ປີ​ຕໍ່​ລັດຖະສະພາ ​ໃນ​ວັນ​ທີ 24 ກໍລະກົດ​ນີ້ ​ເນື່ອງ​ໃນ​ວາລະ​ຄົບຮອບ 1 ປີຂອງ​ການ​ບໍລິຫານ​ປະ​ເທດ​ໃນ​ຕຳ​ແໜ່​ງຜູ້ນຳ​ຟີ​ລິບ​ປິນ ມີ​​ເນື້ອ​ໃນ​ສຳຄັນ​ຕອນ​ໜຶ່ງ​ວ່າ: ທ່ານ​ຈະ​ເດີນ​ໜ້າ​ນະ​ໂຍບາຍ “ຕາ​ຕໍ່​ຕາ ຟັນ​ຕໍ່​ຟັນ” ​ໃນ​ການ​ເຮັດ​ສົງຄາມ​ປາບ​ປາມ​ຢາ​ເສບ​ຕິດ​ຕໍ່​ໄປ, ​ເຖິງ​ວ່າ​ຈະ​ຕ້ອງ​ຜະ​ເຊີນ​ສຽງ​ປະນາມ ​ແລະ ​ແຮງ​ກົດ​ດັນ​ໜັກໜ່ວງ​ຈາກ​ກຸ່ມ​ປະ​ເທດ​ຕາ​ເວັນ​ຕົກ ​ແລະ ອົງການ​ສິດທິ​ມະນຸດ​ກໍ​ຕາມ ​ເນື່ອງ​ຈາກ​ຮາກ​ເຫງົ້າຂອງ​ບັນຫາ​ຢາ​ເສບ​ຕິດ​ທີ່​ຮ້າຍ​ແຮງ ​ແລະ ສ້າງ​ຄວາມ​ເຈັບ​ປວດ​ໃຫ້​ແກ່​ຄົນ​ຈຳນວນ​ຫລາຍ.

- senators sona - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

ທັງ​ນີ້, ທ່ານ ດູ​ເຕີ​ເຕ ປະກາດ​ໃຫ້ການ​ກວາດ​ລ້າງ​ຢາ​ເສບ​ຕິດ​ເປັນ​ໜຶ່ງ​ໃນ​ວາລະ​ແຫ່ງ​ຊາດ ​ແລະ ນັບ​ແຕ່​ເລີ່​ມບໍລິຫານ​ປະ​ເທດ​ໃນ​ວັນ​ທີ 30 ມິຖຸນາ​ປີຜ່ານມາ, ​ເຈົ້າໜ້າ​ທີ່​ຝ່າຍ​ຄວາມ​ໝັ້ນຄົງ​ຂອງ​ຟີ​ລິບ​ປິ​ນວິສາມັນ​ຜູ້​ຕ້ອງ​ສົງ​ໄສ​ກ່ຽວ​ກັບ​ຢາ​ເສບ​ຕິດ​​ແລ້ວ​ເກືອບ 3.200 ຄົນ. ຂະນະ​ດຽວ​ກັນ ຜູ້ນຳ​ຟີ​ລິບ​ປິ​ນອາຍຸ 72 ປີ ຮຽກຮ້ອງ​ໃຫ້​ລັດຖະສະພາ​ສະໜັບສະໜູນ​ແນວ​ຄິດ​ຂອງ​ທ່ານ ​ໃນ​ການ​ຮື້ຟື້ນບົດ​ລົງ​ໂທດ​ປະຫານ​ຊີວິດ ທີ່​ຢຸດ​ໄປ​ແຕ່​ປີ 2006 ຕາມ​ແຜນ​ໂຄສະນາ​ເຄື່ອນ​ໄຫວ​ຂອງ​ອົງການ​ສາສະໜາ​ທີ່​ມີ​ອິດ​ທິພົນ.

- lattana 1 - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

- 315yeo3l - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

ນອກຈາກ​ນີ້, ທ່ານ ດູ​ເຕີ​ເຕ ຍັງ​ກ່າວ​ເຖິງ​ສະຖານະ​ການ​ຢູ່​ເກາະ​ມິນ​ດາ​ເນົາ ທີ່​ຈະ​ຢູ່​ພາຍ​ໃຕ້​ກົດ​ໄອ​ຍະ​ການ​ເສິກ​ຮອດ​ທ້າຍ​ປີ​ນີ້ ​ເນື່ອງ​ຈາກ​ສະຖານະ​ການ​ສູ້​ຮົບ​ຢູ່​ເມືອງ​ມາລາ​ວີ​ຍັງ​ຍືດ​ເຍື້ອ ​ແລະ ຮຸນ​ແຮງ ​ເຊິ່ງມີ​ຜູ້​ເສຍ​ຊີວິດ​ຫລາຍ​ກວ່າ 600 ຄົນ ນັບ​ແຕ່​ວັນ​ທີ 23 ພຶດສະພາ​ຜ່ານ​ມາ​ວ່າ: ທ່ານ​ຍັງ​ເຊື່ອ​ໝັ້ນວ່າການບັງຄັບ​ໃຊ້​ກົດ​ໄອ​ຍະ​ການ​ເສິກ​ຢູ່​ເກາະ​ມິນ​ດາ​ເນົາ​ຄື “ຫົນທາງ​ໄວ​ທີ່​ສຸດ” ​ໃນ​ການ​ກຳຈັດ​ກຸ່ມ​ກະບົດ​ເມົາ​ເຕ ​ແລະ ​ໄດ້​ກ່າວ​ເຖິງ​ສະຖານະ​ການ​ເສດຖະກິດ ​ແລະ ສິ່ງ​ແວດ​ລ້ອມ​ພາຍ​ໃນ​ປະ​ເທດ​ວ່າ: ທ່ານ​ຄັດຄ້ານ​ອຸດສາຫະກຳ​ບໍ່​ແຮ່​ທີ່​ຖື​ເປັນ​ການ​ທຳລາຍ​ສິ່ງ​ແວດ​ລ້ອມ ​ໂດຍ​ຈະ​ຂຶ້ນພາສີ ຫລື ປິດ​ບໍ່​ແຮ່​ທັງ​ໝົດ ​ເນື່ອງ​ຈາກ​ວ່າ​ຟີ​ລິບ​ປິນ​ເປັນ​ຜູ້​ຜະລິດ​ນິກ​ເກິ​ລລາຍ​ໃຫຍ່​ທີ່​ສຸດ​ຂອງ​ໂລກ ​ແລະ ສົ່ງ​ອອກ​ແຮ່​ທາດຊະນິດອື່ນ​ເປັນ​ລຳດັບ​ຕົ້ນໆ, ​ແຕ່​ພັດ​ສ້າງ​ລາຍ​ຮັບ​ໃຫ້​ແກ່​ເສດຖະກິດ​ຂອງ​ປະ​ເທດ​ໜ້ອຍ​ກວ່າ 1%.

- 25 rally - ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

error: Content is protected !!