12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ

12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ - WhatsApp Image 2021 10 06 at 2 - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ
12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ - AGL banner - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ

ນັບແຕ່ມື້ສ້າງຕັ້ງ ບໍລິສັດ ສະຕາ ໂທລະຄົມ ຈຳກັດ ພາຍໃຕ້ເຄື່ອງໝາຍ “ຢູນີເທວ”ໄດ້ຕັ້ງໜ້າສະໜອງການບໍລິການສູ່ສັງຄົມ ທີ່ນັບມື້ນັບມີຄຸນນະພາບສູງຂຶ້ນເລື້ອຍໆ ໃຫ້ຄົນໃນສັງຄົມມີຄຸນນະພາບຊີວິດດີຂຶ້ນ ເພື່ອໃຫ້ຊີວິດທີ່ສົດໃສ. ຢູນີເທວ ໄດ້ມີການພັດທະນາຢ່າງບໍ່ຢຸດຢັ້ງ ເພື່ອໃຫ້ການບໍລິການສູ່ສັງຄົມ ມີຄຸນນະພາບສູງຂຶ້ນທັງທາງດ້ານໂທລະຄົມມະນາຄົມ, ບັນດາລະບົບເຕັກໂນໂລຊີທີ່ທັນສະໄໝໃນທຸກຂົງເຂດ ແລະ ພ້ອມສົ່ງເສີມການຫັນເປັນດິຈີຕ໋ອນໃນ ສປປ ລາວ.

 

ຜ່ານໄລຍະເວລາ 12 ປີ,ຢູນີເທວໄດ້ຂະຫຍາຍຕົວຢ່າງວ່ອງໄວ ແລະ ມີການພັດທະນາແບບກ້າວກະໂດດ ຈາກເຄືອຂ່າຍທີ່ນ້ອຍທີ່ສຸດໃນລາວ ສູ່ການເປັນເຄືອຂ່າຍອັນດັບ 1 ໃນການໃຫ້ບໍລິການສູ່ສັງຄົມ ໃນການໃຫ້ການບໍລິການດ້ານໂທລະຄົມມະນາຄົມຢ່າງທົ່ວເຖິງ ດ້ວຍເຄືອຂ່າຍອິນເຕີເນັດເທິງມືຖື 3G; 4G; 4,5G ກວມເອົາ 100% ທຸກແຂວງທົ່ວປະເທດ, ມີພື້ນຖານໂຄງລ່າງລະບົບສົ່ງສັນຍານມືຖື ທີ່ໃຫຍ່ທີ່ສຸດ ແລະ ກ້ວາງຂວາງທີ່ສຸດ ປະກອບມີສູນສະຖານີຫຼາຍກວ່າ 9.000 ສູນສະຖານີ, ມີລະບົບສາຍສົ່ງ ສາຍກາບແກ້ວໃຍແສງ 30.000 ກິໂລແມັດ ທີ່ປົກຄຸມເຖິງເຂດຫ່າງໄກສອກຫຼີກ ແລະ ມີການໃຫ້ການບໍລິການດ້ານເຕັກໂນໂລຊີທີ່ທັນສະໄໝໃນທຸກໆຂົງເຂດ ທີ່ເປັນການປະກອບສ່ວນສຳຄັນໃນການຫັນເປັນດິຈີຕ໋ອນ ຂອງ ສປປ ລາວ.

12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ - WhatsApp Image 2021 10 06 at 2 - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ

ຫຼາກຫຼາຍຜະລິດຕະພັນ-ການບໍລິການ ທີ່ໄດ້ພັດໄດ້ພັດນທະນາດ້ວຍຄຸນນະພາບເພື່ອສະໜອງສູ່ສັງຄົມ ເຖິງປະຈຸບັນຢູນີເທວມີຮ້ານແທນຈຳໜ່າຍສິນຄ້າຫຼາຍກ່ວາ 22.000 ຮ້ານ, ມີລູກຄ້ານໍາໃຊ້ບໍລິການຫຼາຍກ່ວາ 3,3 ລ້ານ ເລກໝາຍ ກວມເອົາ 57% ຂອງສ່ວນແບ່ງຕະຫຼາດມືຖື ເຮັດໃຫ້ອັດຕາການຂະຫຍາຍຕົວດ້ານການນໍາໃຊ້ໂທລະສັບໃນທົ່ວປະເທດຈາກ18%ເພີ່ມຂື້ນເຖິງ100% ປະກອບສ່ວນເຮັດໃຫ້ປະຊາຊົນໃນຂອບເຂດທົ່ວປະເທດ ໄດ້ເຂົ້າເຖິງລະບົບໂທລະຄົມມະນາຄົມ ແລະ ການສື່ສານໄດ້ຢ່າງທົ່ວເຖິງ ເຮັດໃຫ້ໄລຍະເສັ້ນທາງໃນການພົວພັນຕິດຕໍ່ສື່ສານ ລະຫວ່າງແຂວງເຖິງເມືອງ ແລະ ເຂດຫ່າງໄກຊອກຫຼີກ ໄດ້ເຊື່ອມຈອດເຂົ້າໃກ້ກັນຫຼາຍຂຶ້ນ, ເຮັດໃຫ້ມີຄວາມສະດວກສະບາຍໃນການຕິດຕໍ່ແລກປ່ຽນຂໍ້ມູນ-ຂ່າວສານແລະ ສ້າງວຽກເຮັດງານທໍາໃຫ້ປະຊາຊົນລາວຫຼາຍກ່ວາ 25.000 ຄົນ ອັນເປັນສ່ວນໜຶ່ງທີ່ສໍາຄັນ ປະກອບສ່ວນຢ່າງຕັ້ງໜ້າໃນການສົ່ງເສີມ ແລະ ພັດທະນາເສດຖະກິດ – ສັງຄົມ ຂອງ ສປປ ລາວ ແລະເວົ້າໄດ້ວ່າຢູນີເທວເປັນເຄື່ອຂ່າຍໃນອັນດັບແຖວໜ້າທີ່ມີພື້ນຖານໂຄງລ່າງໂທລະຄົມມະນາຄົມທີ່ໃຫຍ່ ແລະ ກວ້າງຂວາງທີ່ສຸດຢູ່ໃນພາກພື້ນອາຊຽນ ດ້ວຍການປົກຄຸມ ສະໜອງຂອບເຂດສົ່ງສັນຍາມືືຖືດ້ວຍລະບົບ4G ທີ່ດີທີ່ສຸດ (ຄວາມໄວການດາວໂຫຼດບັນລຸ 187Mbps/s) ໃນອາຊີຕາເວັນອອກສ່ຽງໃຕ້.

ນອກຈາກການສໍາເລັດພາລະກິດໃນການບໍລິການດ້ານໂທລະຄົມ, ປະຈຸບັນ ຢູນີເທວກໍາລັງປະຕິບັດພາລະກິດໃໝ່ເພື່ອສົ່ງເສີມການຫັນເປັນດີຈິຕ໋ອນຢູ່ໃນລາວ ໃນຍຸກປະຕິວັດອຸດສາຫະກຳ 4.O ຂອງໂລກ ເປັນຕົ້ນແມ່ນ ຢູມັນນີ ລະບົບການເງິນເທິງມືຖື, ລະບົບການຄຸ້ມມຄອງພົນລະເມືອງ ທີ່ໄດ້ສໍາເລັດການຜັນຂະຫຍາຍໃຫ້ລັດຖະບານລາວ, ການສະໜອງລະບົບເຄືອຂ່າຍອິນເຕີເນັດຄວາມໄວສູງ (Fibre network, Fibre High Speed Internet, 4G, ເປີດໃຫ້ທົດລອງນໍາໃຊ້ລະບົບ 5G ເພື່ອກຽມຄວາມພ້ອມສູ່ 5G ແລະ Mobile Application)ແລະ ມີສູນດາຕ້າທີ່ໃຫ້ບໍລິການຝາກຂໍ້ມູນ – ຂ່າວສານ (ລະບົບData Center – DC) ແລະ ສູນສຳຮອງສູນຂໍ້ມູນຫຼັງຈາກໄພພິບັດ (Disaster Recovery – DR); ສະໜອງບັນດາວິທີການປັບປຸງແກ້ໄຂບັນຫາໂຊລູຊັ້ນ (Solution) ໃນຂົງເຂດອົງການຈັດຕັ້ງພັກ-ລັດຖະບານ; ບັນດາຊອບແວຣ (Software –Solution) ໃຫ້ບັນດາຫົວໜ່ວຍທຸລະກິດ, ບັນດາທະນາຄານ ແລະ ອົງການຈັດຕັ້ງຕ່າງໆໃນຂອບເຂດທົ່ວປະເທດ ແລະ ຍັງເປັນຜູ້ໃຫ້ຄຳປຶກສາ, ໃຫ້ວິທີການປັບປຸງແກ້ໄຂບັນຫາ (Solution) ກ່ຽວກັບລະບົບຕ່າງໆເຊັ່ນ: Data Center, AI, Cybersecurity, Cloud (Camera, Storage, Server, VDI) ແລະ ອື່ນໆ.

12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ - WhatsApp Image 2021 10 06 at 2 - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ

ເປັນເຄື່ອຂ່າຍທໍາອິດທີ່ໄດ້ຮ່ວມມືກັບບັນດາບໍລິສັດ ທີ່ມີຊື່ສຽງໃນໂລກເຊັ່ນ: Facebook, Youtube, WeChatເພື່ອອອກແບບການບໍລິການແບບແພກເກດແກ່ທີ່ເໝາະສົມສະໜອງແກ່ລູກຄ້າ.

ຄຽງຄູ່ກັນນີ້ຢູນີເທວວຽກງານຮ່ວມມືກັບພາກລັດຖະບານອີງໃສ່ຄວາມພ້ອມດ້ານລະບົບໂຄງລ່າງພື້ນຖານ, ການສະໜອງບໍລິການ ເຊິ່ງໄດ້ເຊັນໄປແລ້ວເຊັ່ນ: ກະຊວງ ເຕັກໂນໂລຊີ ແລະ ການສື່ສານ ໃນການພັດທະນາວຽກງານເທັກໂນໂລຊີຂ່າວສານເປັນແບບຄົບວົງຈອນລະບົບບໍລິຫານລັດດ້ວຍເອເລັກໂຕຣນິກ ເປັນຕົ້ນ ການຄົ້ນ ຄວ້າພັດທະນາ ມາດຕະຖານລະບົບ Software/Program, ເຊັນບົດບັນທຶກຄວາມເຂົ້າໃຈກັບສະມາຄົມການຄ້າ ໄອຊີທີລາວ (LICA), ເຊັນບົດບັນທຶກຄວາມເຂົ້າໃຈກັບກົມຊົນລະປະທານ, ກະຊວງກະຊິກໍາ ແລະ ປ່າໄມ້ ໃນການຫັນຂະແໜງຊົນລະປະທານເປັນທັນສະໄໝ, ມີການເຊັນສັນຍາຕິດຕັ້ງສູນຂໍ້ມູນຮັບໃຊ້ໂຄງການຄຸ້ມຄອງບັດປະຈໍາຕົວ ຂອງກະຊວງປ້ອງກັນຄົມສະຫງົບ.

ໃນໄລຍະຜ່ານດ້ວຍການປະກອບສ່ວນພັດທະນາຂອງຢູນີເທວຢ່າງບໍ່ຢຸດຢັ້ງມີຫຼາກຫຼາຍລາງວັນ ທີ່ໄດ້ຮັບການຢັ້ງຢືນ ສະແດງໃຫ້ເຫັນເຖິ່ງການຮັບຮູ້ແລະການຍອມຮັບໃນລະດັບສາກົນ ແລະ ພາຍໃນປະເທດ ເປັນເຄື່ອງໝາຍທີ່ສໍາຄັນສະແດງໃຫ້ເຫັນໄດ້ຄວາມຕັ້ງໃຈໃນການພັດທະນາຄຸນນະພາບຂອງເຄືອຂ່າຍອັນດັບ 1 ໃນລາວ ເປັນຕົ້ນແມ່ນ: ໄດ້ຮັບລາງວັນທີ່ເນີນທຸລະກິດປະສົບຜົນສໍາເລັດ ແລະ ປະສິດທິພາບອັນດັບ1 ໃນບັນດາປະເທດອາຊີຕາເວັນອອກສ່ຽງໃຕ້ ຢັ້ງຢືນໂດຍອົງການ Brand Finance, ຕິດອັນດັບ Top 30 ເຄື່ອງໝາຍການຄ້າໂທລະຄົມທີ່ມີຄຸນຄ່າທີ່ສຸດໃນພາກພື້ນ ແລະ ອັນດັບທີ 1 ໃນທ້ອງຕະຫຼາດຂອງລາວ(ປີ 2016); ປີ 2019: ໄດ້ຮັບລາງວັນຫຼຽນໄຊ ອິດສະຫຼະ ຊັ້ນ 1 ແລະ ຫຼຽນໄຊ ພັດທະນາ ຊັ້ນ 1 ຈາກລັດຖະບານລາວ; ຫຼຽນໄຊແຮງງານ ຊັ້ນ 3 ຈາກ ລັດຖະບານຫວຽດນາມ ມອບໃຫ້; ລາງວັນທຸລະກິດດີເດັ່ນ ແຫ່ງ ສປປ ລາວ ປະຈຳປີ 2019, ປີ 2020ໄດ້ຮັບ ລາງວັນບູລິມະສິດດີເດັ່ນ ຂະແໜງ ICT ຈາກງານລາງວັນທຸລະກິດອາຊຽນດີເດັ່ນ ແຫ່ງ ສປປ ລາວ; ຮັບລາງວັນ ຫຼຽນຄໍາ “ຜະລິດຕະພັນເຕັກໂນໂລຊີທີ່ດີທີ່ສຸດໃຫ້ກັບລັດຖະບານລາວ” ມອບໂດຍອົງການ IT World Award ແລະ ລາງວັນ ຫຼຽນທອງ “ນະວັດຕະກໍາ ໃນການບໍລິການບໍລິຫານຂອງພາກລັດ” ມອບໂດຍອົງການ, 2021 ຄະນະກໍາມະການຈັດຕັ້ງລາງວັນທຸລະກິດສາກົນ Stevie Awards International Business Awards®” ໄດ້ມອບລາງວັນ ບໍລິສັດເຕັກໂນໂລຊີ ປະດິດສ້າງທີ່ສຸດແຫ່ງປີ”Most Innovative Tech Company of the Year”

 

ວຽກງານລາຍຮັບທ້າຍປີ2021ຄາດກະຢູນີເທວມີລາຍຮັບສະສົມທັງໝົດຫຼາຍກວ່າ 1,8 ຕື້ USD, ສະສົມກຳໄລກ່ອນເສຍພາສີຫຼາຍກວ່າ 700 ລ້ານ USD. ຢູນີເທວ ໄດ້ປະກອບສ່ວນເຂົ້າງົບປະມານຂອງລັດຫຼາຍກວ່າ 500 ລ້ານUSD ແລະ ນໍາຜົນກໍາໄລມາສູ່ອຸດສາຫະກໍາການສື່ສານຢູ່ລາວຫຼາຍກ່ວາ 306 ລ້ານUSD.

 

ຄຽງຄູ່ກັບຄວາມສໍາເລັດຂອງການດໍາເນີນທຸລະກິດຂອງຢູນີເທວ ແມ່ນຂາດບໍ່ໄດ້ແມ່ນວຽກງານຊ່ວຍເຫຼືອກສັງຄົມ ເພື່ອສ້າງໃຫ້ສັງຄົມລາວໄດ້ຮັບການພັດທະນາ ແລະ ໄດ້ນໍາໃຊ້ການສື່ສານທີ່ດີທີ່ສຸດ ມີຫຼາຍໆໂຄງການທີ່ຢູນີເທວໄດ້ປະກອບສ່ວນສະໜັບສະໜູນເຊັ່ນ: ໂຄງການສະໜັບສະໜູນອິນເຕີເນັດນໍາໃຊ້ໂດຍບໍ່ເສຍຄ່າໃຫ້ແກ່ໂຮງຮຽນ 1.000 ແຫ່ງໃນທົ່ວປະເທດ, ມອບທຶນຊ່ວຍເຫຼືອເພື່ອສະໜັບສະໜູນໃຫ້ແກ່ນັກຮຽນທີ່ມີຄວາມຫຍຸ້ງຍາກຂາດທຶນຮອນໃນການຮໍ່າຮຽນ ຈໍານວນ 148 ທຶນ ມູນຄ່າ 296.000.000 ກີບ, ຊ່ວຍເຫຼືອປະຊາຊົນໃນເຫດເຂື່ອນແຕກທີ່ແຂວງອັດຕະປື ແລະ ຊ່ວຍເຫຼືອບ້ານປະຊາຊົນຖືກໄຟໄໝ້ທີ່ ແຂວງຊຽງຂວາງ ມູນຄ່າ 60.050.000 ກີບ, ສະໜັບສະໜູນປະຊາຊົນແຂວງສະຫວັນນະເຂດແກ້ໄຂຜົນກະທົບຫຼັງໄພພິບັດ ມູນຄ່າ 500.000.000 ກີບ; ສະໜັບສະໜູນ ທຶນການສຶກສາ ແລະ ສະໜັບສະໜູນ ໂຮງຮຽນສອງພາສາລາວ-ຫວຽດ ຫງຽນຢູມູນຄ່າ 460.000.000 ກີບ.

ປະກອບສ່ວນດ້ານລະບົບ ແລະ ທືນຮອນເຂົ້າໃນການສະກັດກັ້ນຕ້ານການລະບາດຂອງພະຍາດໂຄວິດ-19 ໄດ້ສະໜອງລະບົບລະບົບຄຸ້ມຄອງການສັກວັກຊິນແຫ່ງຊາດ ໃຫ້ກະຊວງສາທາລະນະສຸກ ແລະ ປະກອບສ່ວນເພິ່ມເຕີມມູນຄ່າເງິນສົດ ແລະ ການນໍາໃຊ້ວຽກງານສື່ສານສະໜັບສະໜູນມູນຄ່າໂທແລະດາຕ້າອິນເຕີເນັດແກ່ພະນັກງານແພດໝໍດ່ານໜ້າໃນຂອບເຂດເມືອງໃນທົ່ວປະເທດຫຼາຍກວ່າ12 ຕື້ກີບ.

12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ - lattana banner - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ
12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ -    AD conten website - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ
12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ - lattana banner 1 - 12 ປີ ແຫ່ງການພັດທະນາທີ່ບໍ່ຢຸດຢັ້ງ ຢູນີເທວ  ໃຫ້ການບໍລິການສູ່ສັງຄົມນັບມື້ນັບມີຄຸນນະພາບສູງຂຶ້ນ
error: Alert: ເນື້ອຫາຂ່າວມີລິຂະສິດ !!