ສານອາຫານຊ່ວຍໃຫ້ບາດແຜເຊົາໄວຂຶ້ນ

- advert banner 728 90 728x90 - ສານອາຫານຊ່ວຍໃຫ້ບາດແຜເຊົາໄວຂຶ້ນ

ເມື່ອຮ່າງກາຍຂອງຄົນເຮົາມີບາດແຜ ການກິນອາຫານທີ່ເໝາະສົມກໍເປັນອີກໜຶ່ງປັດໄຈສຳຄັນທີ່ຕ້ອງເອົາໃຈໃສ່ ເພື່ອຊ່ວຍ ໃຫ້ບາດແຜເຊົາໄວຂຶ້ນ ເຮັດໃຫ້ສາມາດກັບມາໃຊ້ຊີວິດປະຈຳວັນໄດ້ຕາມປົກກະຕິ ທັງຍັງຊ່ວຍຫລຸດການຕິດເຊື້ອຂອງບາດແຜໄດ້ນຳ.

- new3 - ສານອາຫານຊ່ວຍໃຫ້ບາດແຜເຊົາໄວຂຶ້ນ

ສານອາຫານທີ່ຊ່ວຍໃຫ້ບາດແຜເຊົາໄວໄດ້ແກ່ :

– ໂປຣຕິນ : ຫລືທີ່ຮູ້ຈັກກັນດີວ່າມີຢູ່ໃນອາຫານປະເພດຊີ້ນສັດ, ນົມ ແລະ ຜະລິດຕະພັນຈາກນົມ, ໄຂ່ ລວມເຖິງຖົ່ວເຫລືອງ, ຖົ່ວແກ່ນແຫ້ງ ເປັນຕົ້ນ. ໂປຣຕິນຈະຊ່ວຍໃນການສ້າງເນື້ອເຍື່ອ ເຮັດໃຫ້ແຊນແຕ່ລະແຊນປະສານຈັບຕິດກັນເປັນເນື້ອດຽວ ຈຶ່ງແນະນຳໃຫ້ກິນເພີ່ມຈາກປະລິມານທີ່ເຄີຍກິນຢູ່ປະຈຳ ມື້ລະ 2 ບ່ວງແກງ.

– ວິຕາມິນເຊ : ເຮັດໜ້າທີ່ສ້າງຜິວໜັງຂອງແຊນ ເຮັດໃຫ້ເສັ້ນເລືອດຝອຍມີຄວາມແຂງແຮງ, ບໍ່ເຮັດໃຫ້ເກີດການອັກເສບ ທັງຍັງຊ່ວຍໃນການໄຫລວຽນເລືອດໃຫ້ດີຂຶ້ນ ຈຶ່ງເຮັດໃຫ້ບາດແຜເຊົາໄວຂຶ້ນ. ວິຕາມິນເຊມີຫລາຍໃນໝາກໄມ້ສົດທຸກຊະນິດ, ພົບຫລາຍໃນໝາກສີດາ, ໝາກຫຸ່ງ, ໝາກກ້ຽງຊະນິດຕ່າງໆ. ​ສຳລັບຜັກທີ່ມີວິຕາມິນເຊຫລາຍ ໄດ້ແກ່ : ຜັກກະລໍ່າດອກ, ໝາກເຜັດຫວານ ປະລິມານທີ່ຄວນກິນແມ່ນ 100 – 200 ມິນລີກຣາມຕໍ່ມື້.

- lattana 1 - ສານອາຫານຊ່ວຍໃຫ້ບາດແຜເຊົາໄວຂຶ້ນ

– ແຮ່ທາດສັງກະສີ : ຈະຊ່ວຍໃຫ້ແຊນສາມາດຈັບກັບວິຕາມິນໄດ້ຫລາຍຂຶ້ນ, ກະຕຸ້ນໃຫ້ບາດແຜເຊົາໄວຂຶ້ນ, ແຮ່ທາດສັງກະສີມີຫລາຍໃນຊີ້ນສັດ, ນົມ, ໄຂ່, ຕັບ, ຊີສ, ຖົ່ວເຫລືອງ ເປັນຕົ້ນ.

ການເບິ່ງແຍງບາດແຜຫລັງຈາກໄດ້ຮັບການປິ່ນປົວໂດຍທ່ານໝໍແລ້ວ ນອກຈາກລະມັດລະວັງເລື່ອງການຕິດເຊື້ອຂອງບາດແຜຕາມຄຳແນະນຳຈາກທ່ານໝໍແລ້ວ ການເອົາໃຈໃສ່ເລື່ອງອາຫານທີ່ກິນໃນລະຫ່ວາງການຟື້ນຟູບາດແຜກໍເປັນສິ່ງສຳຄັນ. ດັ່ງນັ້ນ, ຢ່າເບິ່ງຂ້າມເລື່ອງຄຸນຄ່າອາຫານທ່ີເໝາະສົມ ເພື່ອຊ່ວຍສົ່ງເສີມການຟື້ນຟູບາດແຜໃຫ້ເຊົາໄວຍິ່ງຂຶ້ນ.

error: Content is protected !!