ໂຮງຮຽນປິດ ພໍ່ແມ່ຍັງໄປວຽກ

ໂຮງຮຽນປິດ ພໍ່ແມ່ຍັງໄປວຽກ - 244425866 1942615865906023 2804727374879850016 n - ໂຮງຮຽນປິດ ພໍ່ແມ່ຍັງໄປວຽກ
ໂຮງຮຽນປິດ ພໍ່ແມ່ຍັງໄປວຽກ - Untitled design 1 - ໂຮງຮຽນປິດ ພໍ່ແມ່ຍັງໄປວຽກ

ການລະບາດຂອງພະຍາດໂຄວິດ 19 ໄດ້ເຮັດໃຫ້ບັນດາໂຮງຮຽນທຸກຊັ້ນຮຽນ ໄດ້ປິດການຮຽນສອນເຊິ່ງໜ້າ ແລະຫຼາຍໂຮງຮຽນກໍໄດ້ ເປີດສອນທາງອອນລາຍແທນ ແຕ່ບັນດາພໍ່ແມ່ຜູ້ມີລູກນ້ອຍ ແມ່ນມີຄວາມທ້າທາຍ ໃນການເບິ່ງແຍງລູກເຕົ້າໃນເວລາລູກຢູ່ເຮືອນ ພໍ່ແມ່ພັດຕ້ອງໄປວຽກ.

ການປິດໂຮງຮຽນທຸກຊັ້ນຮຽນ ແມ່ນໜຶ່ງໃນການປະຕິບັດມາດຕະການການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ ໂຄວິດ 19 ໃນປະເທດເຮົາ ໂດຍສະເພາະ ການປ້ອງກັນການລະບາດໃນໝູ່ ນັກຮຽນ, ນັກສຶກສາ ທີ່ອາດສາມາດແຜ່ເປັນວົງກວ້າງໃນບຶດນຶ່ງຍາມດຽວໄດ້.

ໂຮງຮຽນປິດ ພໍ່ແມ່ຍັງໄປວຽກ - Visit Laos Visit SALANA BOUTIQUE HOTEL - ໂຮງຮຽນປິດ ພໍ່ແມ່ຍັງໄປວຽກ

ພ້ອມນັ້ນ ຫຼາຍໂຮງຮຽນ ກໍໄດ້ເປີດການຮຽນ ການສອນຜ່ານທາງອອນລາຍ ຕາມເງື່ອນໄຂ ແຕ່ອາດບໍ່ສາມາດຮັບປະກັນ ປະສິດທິພາບ ປະສິດຜົນ ຄືກັນກັບຮຽນເຊິ່ງໜ້າ ແຕ່ກໍດີກວ່າ ບໍ່ໄດ້ຮໍ່າຮຽນຫຍັງເລີຍ ແລະ ກໍເປັນການປັບຕົວເຂົ້າໃນສະພາບປົກກະຕິໃໝ່ ເນື່ອງຈາກການລະບາດຂອງພະຍາດໂຄວິດ 19 ໃນປະເທດເຮົາ ແລະ ຫຼາຍປະເທດກໍໄດ້ ເຮັດເຊັ່ນກັນ.

ແຕ່ການຮຽນອອນລາຍ ກໍຍັງບໍ່ສາມາດເຮັດໄດ້ທົ່ວທຸກໂຮງຮຽນ, ທຸກຊັ້ນຮຽນ ແລະ ຫຼາຍຄົນກໍຍັງຕ້ອງ ການຄວາມ ຄວາມຊ່ວຍເຫຼືອພໍ່ແມ່ ໃນການແນະນຳອຳນວຍຄວາມສະດວກ ຕ່າງໆແກ່ລູກ ທັງທີ່ພໍ່ແມ່ກໍຕ້ອງ ໄດ້ທຳມາຫາກິນເຊັ່ນກັນ.

ຄວາມຫຍຸ້ງຍາກທີ່ເກີດຂຶ້ນໃນບັນດາກຸ່ມພະນັກງານ ບໍລິສັດເອກະຊົນ, ພະນັກງານລັດຖະກອນກໍດີ ແລະ ອື່ນໆ ແມ່ນວ່າ ມີລູກນ້ອຍ ແລ້ວເມື່ອໂຮງຮຽນອະນຸບານພັກ ແຕ່ພໍ່ແມ່ຕ້ອງໄປວຽກ ເຊິ່ງສ້າງຄວາມຫຍຸ້ງຍາກບໍ່ໜ້ອຍ ໃນການເບິ່ງແຍງເດັກນ້ອຍ.

ສຳລັບຜູ້ມີເງື່ອນໄຂໃນການຈ້າງແມ່ບ້ານ ແມ່ລ້ຽງເດັກຢູ່ປະຈຳເຮືອນນັ້ນກໍຖືວ່າຫຼຸດຜ່ອນພາລະນັ້ນໄປສ່ວນໜຶ່ງ ແຕ່ສຳລັບ ຜູ້ທີ່ບໍ່ມີເງື່ອໄຂໃນການຈ້າງກໍອາດ ຊອກເງື່ອນໄຂອື່ນ ເຊັ່ນໃຫ້ພໍ່ແມ່ ພີ່ນ້ອງ ເບິ່ງແຍງຊ່ວຍ ແລະ ແນ່ນອນ ຖ້າ ລູກນ້ອຍ ບໍໄດ້ໄປໂຮງຮຽນ, ພໍ່ແມ່ບໍ່ຢູ່ເຮືອນ, ບໍ່ໄດ້ຮຽນໜັງສື ສ່ວນຫຼວງຫຼາຍເດັກນ້ອຍ ຈະໃຊ້ເວລາສ່ວນຫຼາຍກັບການເບິ່ງ ໜ້າຈໍໂທລະສັບ, ໂທລະທັດ ທີ່ເຮັດໃຫ້ ເດັກນ້ອຍຂາດໂອກາດໃນຮຽນຮູ້, ຂາດສະມາທິ, ໃຈຮ້າຍ ແລະອື່ນໆ.

ເພາະສະນັ້ນ ພໍ່ແມ່ ຂອງເດັກນ້ອຍທີ່ຍັງບໍ່ສາມາດເບິ່ງຕົນເອງໄດ້ນັ້ນ ຄວນໄດ້ຮັບເງື່ອໄຂ ທີ່ອຳນວຍຄວາມສະດວກ ຈາກນາຍຈ້າງໃນລະດັບໃດໜຶ່ງ ຍົກຕົວຢ່າງ ການປິດໂຮງຮຽນຂອງ ນັກຮຽນ ໂດຍສະເພາະ ແມ່ນເດັກນ້ອຍອານຸບານນັ້ນ ຈະເປັນການເພີ່ມພາລະໃຫ້ພໍ່ແມ່ໃນການເບິ່ງແຍງ. ເພາະສະນັ້ນ ທາງໜຶ່ງທີ່ພວກເຮົາຄວນພິຈາລະນາ ເລື່ອງນະໂຍາບາຍກໍຄື ພໍ່ແມ່ ທ່ານໃດທີ່ມີລູກນ້ອຍ ທີ່ມາຍຸຕໍ່າກວ່າ 10 ປີ (ຍົກຕົວຢ່າງ) ແມ່ນສາມາດເຮັດວຽກຢູ່ເຮືອນໄດ້ ຖ້າຫາກມີເງື່ອນໄຂຈຳເປັນ ເຊັ່ນ ບໍ່ມີຜູ້ຊ່ວຍເບິ່ງແຍງລູກ ແລະ ແລະອື່ນໆ.

ພ້ອມນັ້ນ, ແນວຄວາມຄິດໜຶ່ງທີ່ ສະຫະພັນແມ່ຍິງລາວ ເພິ່ນເຄີຍສະເໜີຕໍ່ລັດຖະບານໃນການ ສ້າງສະຖານທີ່ ລ້ຽງເດັກໃນ ສຳນັກງານຫ້ອງການຂອງລັດ ບ່ອນທີ່ມີຄວາມເໝາະສົມ ເຊິ່ງອັນນີ້ ກໍສາມາດໃຊໄດ້ທັງໃນຕອນ ບໍ່ລະບາດຂອງພະຍາດ ຫຼື ສະຖານະການລະບາດໃນປັດຈຸບັນກໍແມ່ນ ຫຼຸດຈຳນວນຂອງເດັກນ້ອຍລົງ ຕາມຈຳນວນ ຂອງພະນັກງານ ທີ່ສັບປ່ຽນກັນໄປປະຈຳການນັ້ນ ກໍອາດເປັນໄປໄດ້.

ການເບິ່ງແຍງຄວາມຄອບຄົວຂອງພະນັກທີ່ມີລູກນ້ອຍ ແມ່ນສິດທິອັນນຶ່ງທີ່ຄວນໄດ້ຮັບການເບິ່ງແຍງດູແລ ເພາະສະນັ້ນ ຕາມສະພາບໃນປັດຈຸບັນ ພວກເຮົາຄວນຫັນທິດທາງແນວໃດ ໃຫ້ສາມາດຊ່ວຍ ພໍ່ແມ່ສາມາດ ເຮັດວຽກໄດ້ ໃຫ້ລູກມີການເບິ່ງແຍງທີ່ດີໄປນຳ.

ໂຮງຮຽນປິດ ພໍ່ແມ່ຍັງໄປວຽກ -    AD conten website - ໂຮງຮຽນປິດ ພໍ່ແມ່ຍັງໄປວຽກ
ໂຮງຮຽນປິດ ພໍ່ແມ່ຍັງໄປວຽກ - lattana banner 1 - ໂຮງຮຽນປິດ ພໍ່ແມ່ຍັງໄປວຽກ
ໂຮງຮຽນປິດ ພໍ່ແມ່ຍັງໄປວຽກ - lattana banner - ໂຮງຮຽນປິດ ພໍ່ແມ່ຍັງໄປວຽກ
error: Alert: ເນື້ອຫາຂ່າວມີລິຂະສິດ !!