WHO ແນະນຳສັກວັກຊີນຕ້ານໂຄວິດເຂັມກະຕຸ້ນສຳລັບຜູ້ມີລະບົບພູມຕ້ານທານອ່ອນແອ ຊີ້ຜູ້ສູງອາຍຸ 60 ປີຂຶ້ນໄປ ທີ່ສັກ Sinovac ແລະ Sinopharm ຄວນໄດ້ຮັບເຂັມ 3

- who vaccine uturn third dose covid jab booster shot coronavirus latest 1504232 - WHO ແນະນຳສັກວັກຊີນຕ້ານໂຄວິດເຂັມກະຕຸ້ນສຳລັບຜູ້ມີລະບົບພູມຕ້ານທານອ່ອນແອ ຊີ້ຜູ້ສູງອາຍຸ 60 ປີຂຶ້ນໄປ ທີ່ສັກ Sinovac ແລະ Sinopharm ຄວນໄດ້ຮັບເຂັມ 3
- AGL banner - WHO ແນະນຳສັກວັກຊີນຕ້ານໂຄວິດເຂັມກະຕຸ້ນສຳລັບຜູ້ມີລະບົບພູມຕ້ານທານອ່ອນແອ ຊີ້ຜູ້ສູງອາຍຸ 60 ປີຂຶ້ນໄປ ທີ່ສັກ Sinovac ແລະ Sinopharm ຄວນໄດ້ຮັບເຂັມ 3

ຄະນະທີ່ປຶກສາຍຸດທະສາດຜູ້ຊ່ຽວຊານດ້ານພູມຕ້ານທານ (Strategic Advisory Group of Experts: SAGE) ຂອງອົງການອະນາໄມໂລກ (WHO) ປະກາດຂໍ້ແນະນຳສຳລັບປະຊາຊົນທີ່ມີລະບົບພູມຕ້ານທານອ່ອນແອ ຫລື ການຕອບສະໜອງຂອງລະບົບພູມຕ້ານທານຜິດປົກກະຕິ ທັງໃນລະບົບປານກາງ ແລະ ຮຸນແຮງ ຄວນໄດ້ຮັບການສັກວັກຊີນຕ້ານໂຄວິດເຂັມກະຕຸ້ນ.

ຂໍ້ແນະນຳດັ່ງກ່າວມີຂຶ້ນພາຍຫລັງກອງປະຊຸມຂອງ SAGE ເປັນເວລາ 4 ວັນ ໂດຍ SAGE ໃຫ້ເຫດຜົນສຳລັບຂໍ້ແນະນຳໃນການສັກວັກຊີນເຂັມກະຕຸ້ນ ເຊິ່ງຄວບຄຸມວັກຊີນຕ້ານໂຄວິດທຸກຊະນິດທີ່ຜ່ານການຮັບຮອງຈາກ WHO ເນື່ອງຈາກກຸ່ມຜູ້ມີລະບົບພູມຕ້ານທານອ່ອນແອ ມີໂອກາດໜ້ອຍທີ່ຈະເກີດການຕອບສະໜອງຂອງລະບົບພູມຕ້ານທານໃນຮ່າງກາຍໄດ້ຢ່າງເໝາະສົມຫລັງໄດ້ຮັບການສັກວັກຊີນຫລັກຕາມມາດຕະຖານ ເຊິ່ງສ່ວນຫລາຍເປັນວັກຊີນແບບ 2 ໂດສ ເຮັດໃຫ້ມີຄວາມສ່ຽງຫລາຍກວ່າໃນການຕິດເຊື້ອໂຄວິດ ແລະ ເກີດອາການຮຸນແຮງ.

SAGE ຍັງແນະນຳວ່າ: ປະຊາຊົນໃນກຸ່ມຜູ້ສູງອາຍຸ ທີ່ມີອາຍຸເກີນ 60 ປີຂຶ້ນໄປ ເຊິ່ງໄດ້ຮັບການສັກວັກຊີນຕ້ານໂຄວິດຈາກ Sinovac ແລະ Sinopharm ຈາກຈີນ ຄວນໄດ້ຮັບການສັກວັກຊີນເຂັມ 3 ນຳເຊັ່ນກັນ ເນື່ອງຈາກຫລັກຖານການສຶກສາວິໄຈໃນອາເມລິກາລາຕິນຊີ້ວ່າ: ປະສິດທິພາບຂອງວັກຊີນ Sinovac ແລະ Sinopharm ໃນການກະຕຸ້ນພູມຕ້ານທານສຳລັບກຸ່ມຜູ້ສູງອາຍຸນັ້ນເຮັດໄດ້ບໍ່ດີ ຫລັງຈາກສັກຄົບ 2 ໂດສໃນໄລຍະເວລາໜຶ່ງ.

“ຂໍ້ມູນທາງສັງເກດກ່ຽວກັບການສັກວັກຊີນ Sinovac ແລະ Sinopharm ສະແດງໃຫ້ເຫັນຊັດເຈນວ່າ: ໃນກຸ່ມຜູ້ສູງອາຍຸນັ້ນວັກຊີນເຮັດວຽກໄດ້ບໍ່ດີຫລັງຈາກສັກຄົບ 2 ໂດສ, ການເພີ່ມໂດສທີ 3 ຫລື ປ່ຽນໄປເປັນແບບ 2+1 ຈະໃຫ້ການຕອບສະໜອງຂອງ (ພູມຕ້ານທານ) ທີ່ແຂງແກ່ນ. ດັ່ງນັ້ນ ເຮົາຈຶ່ງຄາດຫວັງການປ້ອງກັນທີ່ດີຂຶ້ນກວ່ານີ້” ດຣ. ໂຈອາຄິມ ຮອບບັກ ເລຂາທິການຂອງ SAGE ກ່າວ.

ຂະນະທີ່ SAGE ລະບຸວ່າ: ອາດພິຈາລະນາໃຊ້ວັກຊີນຕ້ານໂຄວິດຕ່າງຍີ່ຫໍ້ເປັນວັກຊີນເຂັມ ໂ ໄດ້ ໂດຍຂຶ້ນຢູ່ກັບຈຳນວນວັກຊີນທີ່ມີ ແລະ ການເຂົ້າເຖິງວັກຊີນ.

ນອກຈາກນີ້, SAGE ເຜີຍວ່າ: ໄດ້ມີການກວດສອບວັກຊີນໂຄວິດທີ່ພັດທະນາໂດຍບໍລິສັດ Bharat Biotech ຂອງອິນເດຍ ເຊິ່ງຈະມີການປະກາດຂໍ້ແນະນຳສຳລັບວັກຊີນຊະນິດນີ້ ຫລັງຈາກ WHO ອະນຸຍາດໃຫ້ໃຊ້ໃນກໍລະນີສຸກເສີນ.

ເຖິງຢ່າງໃດກໍຕາມ, ຄະນະຜູ້ຊ່ຽວຊານຂອງ SAGE ຍັງບໍ່ແນະນຳການສັກວັກຊີນເຂັມກະຕຸ້ນສຳລັບປະຊາຊົນໃນກຸ່ມອື່ນໆທີ່ເຫລືອ ໂດຍຈະມີການພິຈາລະນາເລື່ອງການໃຊ້ວັກຊີນຕ້ານໂຄວິດເຂັມກະຕຸ້ນແກ່ປະຊາຊົນໃນວົງກວ້າງໃນວັນທີ 11 ພະຈິກນີ້ ກ່ອນຈະສະຫລຸບລາຍງານຂັ້ນສຸດທ້າຍໃນເດືອນພະຈິກ.

ອ້າງອີງ:

- lattana banner 1 - WHO ແນະນຳສັກວັກຊີນຕ້ານໂຄວິດເຂັມກະຕຸ້ນສຳລັບຜູ້ມີລະບົບພູມຕ້ານທານອ່ອນແອ ຊີ້ຜູ້ສູງອາຍຸ 60 ປີຂຶ້ນໄປ ທີ່ສັກ Sinovac ແລະ Sinopharm ຄວນໄດ້ຮັບເຂັມ 3
- lattana banner - WHO ແນະນຳສັກວັກຊີນຕ້ານໂຄວິດເຂັມກະຕຸ້ນສຳລັບຜູ້ມີລະບົບພູມຕ້ານທານອ່ອນແອ ຊີ້ຜູ້ສູງອາຍຸ 60 ປີຂຶ້ນໄປ ທີ່ສັກ Sinovac ແລະ Sinopharm ຄວນໄດ້ຮັບເຂັມ 3
-    AD conten website - WHO ແນະນຳສັກວັກຊີນຕ້ານໂຄວິດເຂັມກະຕຸ້ນສຳລັບຜູ້ມີລະບົບພູມຕ້ານທານອ່ອນແອ ຊີ້ຜູ້ສູງອາຍຸ 60 ປີຂຶ້ນໄປ ທີ່ສັກ Sinovac ແລະ Sinopharm ຄວນໄດ້ຮັບເຂັມ 3
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!