ກອງປະຊຸມຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ ປະຈຳປີ 2021 ຜ່ານລະບົບວີດີໂອທາງໄກ

- f0604969 fa70 4d6e a9a5 55cf545c9349 - ກອງປະຊຸມຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ ປະຈຳປີ 2021 ຜ່ານລະບົບວີດີໂອທາງໄກ
- AGL banner - ກອງປະຊຸມຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ ປະຈຳປີ 2021 ຜ່ານລະບົບວີດີໂອທາງໄກ

ວັນທີ 11 ຕຸລາ 2021 ຜ່ານມານີ້, ຄັງເງິນແຫ່ງຊາດ, ໄດ້ຈັດກອງປະຊຸມຝຶກອົບຮົມວຽກງານວິຊາສະເພາະຂອງຄັງເງິນແຫ່ງຊາດ ປະຈໍາປີ 2021 ຜ່ານລະບົບວີດີໂອທາງໄກ, ໂດຍການເປັນປະທານຂອງທ່ານ ໜູເຊີຍ ພົມສີຈັນ ຮອງຫົວໜ້າຄັງເງິນແຫ່ງຊາດ, ມີຫົວໜ້າ-ຮອງຫົວໜ້າພະແນກ, ພ້ອມດ້ວຍພະນັກງານວິຊາການຄັງເງິນແຫ່ງຊາດເຂົ້າຮ່ວມ.

ກອງປະຊຸມຝຶກອົບຮົມໃນຄັ້ງນີ້, ອີງຕາມຂໍ້ຕົກລົງ ຂອງລັດຖະມົນຕີກະຊວງການເງິນ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄັງເງິນແຫ່ງຊາດ ສະບັບເລກທີ 2057/ກງ ລົງວັນທີ 29 ເມສາ 2021, ຊຸດຝຶກ​ອົບຮົມຄັ້ງນີ້, ສຸດ​ທີ່ມີຄວາມໝາຍສຳຄັນ​ເນື່ອ​ງຈາກ​ໄດ້ຈັດ​ຂື້​ນໃນ​ທ່າມ​ກາງ​ບັນຍາກາດທີ່​ຂະ​ແໜງ​ການ​ເງິນ​ຂອງ​ພວກເຮົາພວມຂຸ້ນຂ້ຽວ​ສຸມ​ໃສ່ ​ການຈັດຕັ້ງຜັນຂະຫຍາຍຄຳສັ່ງ ຂອງນາຍົກລັດຖະມົນຕີ ວ່າດ້ວຍ ການເພີ້ມທະວີການຄຸ້ມຄອງ ແລະ ຕ້ານການຮົ່ວໄຫລ ຂອງລາຍຮັບງົບປະມານແຫ່ງລັດ ສະບັບເລກທີ 18/ນຍ ລົງວັນທີ 16 ກັນຍາ 2021.

ພາຍໃນກອງປະຊຸມ, ທ່ານ ໜູເຊີຍ ພົມສີຈັນ ໃຫ້ຮູ້ວ່າ: ການຝຶກອົບຮົມກໍ່ສ້າງພະນັກງານເປັນວຽກງານທີ່ສຳຄັນ ແລະ ຈໍາເປັນຮີບດ່ວນໃນເງື່ອນໄຂປະຈຸບັນທັງສະເພາະໜ້າ ແລະ ຢາວນານ. ວຽກງານຝຶກອົບຮົມແມ່ນກົນໄກໜຶ່ງທີ່ສໍາຄັນໃນການຍົກລະດັບຄວາມຮູ້, ຄວາມສາມາດຂອງພະນັກງານໃນທຸກໆ ຂັ້ນບໍ່ວ່າຈະເປັນລະດັບຂັ້ນວິຊາການ, ຜູ້ບໍລິຫານລະດັບກາງ ຫຼື ຜູ້ບໍລິຫານລະດັບສູງ ກໍຕາມ ກໍຕ້ອງໄດ້ຮັບການຍົກລະດັບ ແລະ ຝຶກອົບຮົມຢ່າງສະໝໍ່າສະເໜີ ເພື່ອເປັນການຮຽນຮູ້ບົດຮຽນ, ເຕັກນິກ ແລະ ເຕັກໂນໂລຊີທັນສະໄໝ.

ສະນັ້ນການຝຶກອົບຮົມຈະໄດ້ພ້ອມກັນຮັບຮູ້ເຊື່ອມຊື່ມບັນດານິຕິກໍາຕ່າງໆ ກ່ຽວກັບ ວຽກງານ ວິຊາສະເພາະຄັງເງິນ ຊຶ່ງມີບາງຫົວຂໍ້ທີ່ສຳຄັນ ທີ່ຕິດພັນໂດຍກົງ ຫລື ທາງອ້ອມ ທີ່ຈະເປັນພື້ນຖານສຳຄັນໃນປະຕິບັດໜ້າທີ່ວຽກງານວິຊາສະເພາະ, ການແກ້ໄຂບາງບັນຫາໃນຕໍ່ໜ້າ ແລະ ທັງເປັນການຍົກສູງຄວາມຮັບຜິດຊອບຂອງພະນັກງານຄັງເງິນ ໃນຫົວຂໍ້ ດັ່ງນີ້: ເຜີຍແຜ່ ນິຕິກຳ ກ່ຽວກັບ ຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຄັງເງິນແຫ່ງຊາດ ສະບັບເລກທີ 2057/ກງ, ລົງວັນທີ 29 ເມສາ 2021; ເຜີຍແຜ່ ແຜນພັດທະນາຂະແໜງຄັງເງິນເປັນທັນສະໄໝ ໄລຍະ 5 ປີ (2021-2025) ໃຫ້ແກ່ພະນັກງານ-ລັດຖະກອນ ຄັງເງິນແຫ່ງຊາດ; ລະບົບການຄຸ້ມຄອງຕິດຕາມ ລາຍຮັບ-ລາຍຈ່າຍ ງົບປະມານ ແລະ ສະຫລຸບລາຍງານແບບ Auto Real Time ລະບົບຄຸ້ມຄອງຂໍ້ມູນຂ່າວສານຄັງເງິນ (ລະບົບ RTIS ) ແລະ ການຈັດຕັ້ງປະຕິບັດວຽກງານການບັນຊີຄັງເງິນ.

-    AD conten website - ກອງປະຊຸມຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ ປະຈຳປີ 2021 ຜ່ານລະບົບວີດີໂອທາງໄກ
- lattana banner 1 - ກອງປະຊຸມຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ ປະຈຳປີ 2021 ຜ່ານລະບົບວີດີໂອທາງໄກ
- lattana banner - ກອງປະຊຸມຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ ປະຈຳປີ 2021 ຜ່ານລະບົບວີດີໂອທາງໄກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!