ສປປ ລາວ – ສ ເກົາຫລີ ຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ດ້ວຍລະບົບທາງໄກ.

- 244738850 586598002788904 2241054773309384679 n - ສປປ ລາວ – ສ ເກົາຫລີ ຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ດ້ວຍລະບົບທາງໄກ.
- AGL banner - ສປປ ລາວ – ສ ເກົາຫລີ ຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ດ້ວຍລະບົບທາງໄກ.

ໃນວັນທີ 12-15 ຕຸລາ 2021 ນີ້, ທີ່ສານປະຊາຊົນສູງສຸດ ແຫ່ງ ສປປ ລາວ ໄດ້ມີພິທີເປີດຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ຂອງສານປະຊາຊົນສູງສຸດ ແຫ່ງ ສປປ ລາວ ໃນຫົວຂໍ້: “ການຟື້ນຟູ ແລະ ການລົ້ມລະລາຍຂອງລັດວິສາຫະກິດ” ດ້ວຍລະບົບທາງໄກ ກັບ ​ສານ​ສູງ​ສຸດ ແຫ່ງ ສ ເກົາຫລີ, ເປັນກຽດກ່າວເປີດ ໂດຍທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ ແຫ່ງ ສປປ ລາວ ຊຶ່ງມີ ທ່ານ ຄິມ ຢ່ອງຊູ ປະທານສານສູງສຸດ ແຫ່ງ ສ ເກົາຫລີ, ທ່ານ ຄິມ ມຸນຊັອກ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມຜູ້ພິພາກສາສານສູງສຸດ ແຫ່ງ ສ ເກົາຫລີ ແລະ ຜູ້ພິພາກສາເຂົ້າຮ່ວມ.

ທ່ານ ນາງ ວຽງທອງ ສີພັນດອນ ກ່າວໃນພິທີເປີດຝຶກອົບຮົມວ່າ: ກົດໝາຍວ່າດ້ວຍການຟື້ນຟູ ແລະ ລົ້ມລະລາຍ ຂອງລັດວິສາຫະກິດ ສະບັບປັບປຸງ ຂອງ ສປປ ລາວ ໄດ້ປະກາດໃຊ້ໃນວັນທີ 7 ມັງກອນ 2019 ຊຶ່ງເປັນເຄື່ອງມືອັນສໍາຄັນໃນການປົກປ້ອງສິດ ແລະ ຜົນປະໂຫຍດຂອງເຈົ້າໜີ້, ວິສາຫະກິດລູກໜີ້ ແລະ ບຸກຄົນທີ່ກ່ຽວຂ້ອງ, ສ້າງຄວາມເຊື່ອໝັ້ນຕໍ່ລະບົບສິນເຊື່ອ ແລະ ຄວາມໝັ້ນໃຈໃຫ້ແກ່ນັກລົງທຶນທັງພາຍໃນ ແລະ ຕ່າງປະເທດ, ເນື່ອງຈາກວ່າ ຖ້າລັດວິສາຫະກິດທີ່ກໍາລັງຕົກຢູໃນສະພາວະມີຄວາມຫຍຸ້ງຍາກທາງດ້ານການເງິນ ຊຶ່ງບໍ່ສາມາດຊໍາລະໜີ້ສິນໄດ້ ກໍມີສິດຮ້ອງຂໍ ຫລື ຮ້ອງຟ້ອງຕໍ່ ສານປະຊາຊົນ ເພື່ອຂໍຟື້ນຟູ ຫລື ລົ້ມລະລາຍ, ໄລຍະຜ່ານມາຜູ້ຮັບຜິດຊອບຄົ້ນຄວ້າສໍານວນຄະດີ ແມ່ນຍັງບໍ່ທັນມີປະສົບການ ແລະ ບົດຮຽນກ່ຽວກັບການແກ້ໄຂຄະດີດັ່ງກ່າວ ສະນັ້ນ ຈຶ່ງຮຽກຮ້ອງໃຫ້ນັກສໍາມະນາກອນໝົດທຸກຄົນ ໃຫ້ເຊີດຊູນໍ້າໃຈຮັບຜິດຊອບຂອງຕົນ ສຸມໃສ່ສະຕິປັນຍາ ຮັບເອົາຄວາມຮູ້ພ້ອມທັງຄົ້ນຄວ້າ ແລະ ແລກປ່ຽນບົດຮຽນ ປະກອບຄໍາຄິດຄໍາເຫັນ ໃນການຝຶກອົບຮົມໃນຄັ້ງນີ້ ເພື່ອຈະໄດ້ນໍາໄປໃຊ້ເຂົ້າໃນການຈັດຕັ້ງປະຕິບັດວຽກງານ ໃຫ້ເກີດຜົນເປັນຈິງ.

ນັກສຳມະນາກອນຈະໄດ້ຮຽນຮູ້ໃນຫຼາຍຫົວຂໍ້ເປັນຕົ້ນ: ໂຄງສ້າງ ແລະ ຫລັກການພື້ນຖານ ຂອງກົດໝາຍ ສ ເກົາຫລີ ກ່ຽວກັບການລົ້ມລະລາຍຂອງລັດວິສາຫະກິດ, ພາບລວມກ່ຽວກັບການຟື້ນຟູ ແລະ ການລົ້ມລະລາຍວິສາຫະກິດ ໃນ ສ ເກົາຫລີ, ຄວາມຕ້ອງການກ່ຽວກັບການລົ້ມລະລາຍສ່ວນບຸຄົນ, ການນຳສະ ເໜີບັນຫາຕົວຈິງ ວ່າດ້ວຍການລົ້ມລະລາຍລະຫວ່າງປະເທດ, ຂະບວນການຂອງການລົ້ມລະລາຍ ແລະ ການຮ້ອງຟ້ອງທາງທາງແພ່ງ, ການລົ້ມລະລາຍລະຫ່ວາງປະເທດ ແລະ ຄວາມຕ້ອງການໃນການຮ່ວມມືຂອງສານລະຫວ່າງປະເທດ ແລະ ການສົນທະນາກ່ຽວກັບການຟື້ນຟູ ແລະ ການລົ້ມລະລາຍ

 

- lattana banner 1 - ສປປ ລາວ – ສ ເກົາຫລີ ຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ດ້ວຍລະບົບທາງໄກ.
-    AD conten website - ສປປ ລາວ – ສ ເກົາຫລີ ຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ດ້ວຍລະບົບທາງໄກ.
- lattana banner - ສປປ ລາວ – ສ ເກົາຫລີ ຝຶກອົບຮົມຍົກລະດັບຄວາມຮູ້ໃຫ້ຜູ້ພິພາກສາ ດ້ວຍລະບົບທາງໄກ.
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!