ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021

- 219905 - ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021
- AGL banner - ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021

ກົມອຸຕຸນິຍົມ ແລະ ອຸທົກກະສາດ ໄດ້ອອກແຈ້ງການສະບັບເລກທີ 1113/ກອດທ ລົງວັນທີ 12 ຕຸລາ 2021 ເຕືອນພະຍຸເຂດຮ້ອນ ກົມປາສຸ ( KOMPASU) ສະບັບທີ 1 ລະບຸວ່າ: ພາຍຸເຂດຮ້ອນ ກົມປາສຸ, (TS KOMPASU) ຫົວທີ 18, ຊຶ່ງໃນ ເວລາ 8 ໂມງ 00 ນາທີ ຂອງວັນທີ 12 ຕຸລາ 2021 ມີຈຸດສູນກາງຢູ່ ເຂດທະເລຈີນໃດ້ຕອນກາງ ໃນເສັ້ນຂະຫນານທີ 18.7 ອົງສາເເໜືອ ແລະ ເສັ້ນແວງທີ 118,4 ອົງສາຕາເວັນອອກ. ພາຍຸຫົວນີ້ ກໍາລັງເຄື່ອນທີ່ໃນທິດຕາເວັນຕົກ ດ້ວຍຄວາມໄວ 25 ກິໂລແມັດຕໍ່ຊົ່ວໂມງ ຈະເຄື່ອນທີ່ຜ່ານເກາະໄຮໜຳ ແລະ ຈະສືບຕໍ່ເຄື່ອນທີ່ຂຶ້ນຝັ່ງທາງ ພາກເເໜືອຂອງປະເທດຫວຽດນາມ ໃນຕອນແລງຂອງວັນທີ 14 ຕຸລາ 2021.

ຫລັງຈາກນັ້ນ ໃນໄລຍະວັນທີ 14 ຫາ 15 ຕຸລາ 2021 ພາຍຸຫົວນີ້ຈະສືບຕໍ່ເຄື່ອນທີ່ເຂົ້າຢູ່ໃນລະຫວ່າງເຂດພາກເເໜືອດ້ານ ຕາເວັນອອກ ແລະ ພາກກາງຂອງປະເທດລາວ ເຊັ່ນ: ແຂວງ ຫົວພັນ, ຊຽງຂວາງ, ໄຊສົມບູນ, ວຽງຈັນ, ນະຄອນຫລວງວຽງຈັນ, ໄຊຍະບູລີ, ບໍລິຄໍາໄຊ ແລະ ຄຳມ່ວນ. ຊຶ່ງຈະເຮັດໃຫ້ມີຝົນຕົກໃນລະດັບປານກາງ ຫາຕົກໜັກຢູ່ທົ່ວໄປ ແລະ ຕົກໜັກຫລາຍ ພ້ອມມີລົມພັດແຮງຢູ່ບາງທ້ອງຖິ່ນແຂວງ ພາກກາງ ແລະ ພາກເເໜືອດ້ານຕາເວັນອອກ ດັ່ງລາຍລະອຽດລຸ່ມນີ້:

 

- 244804 213x300 - ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021

 

ໄລຍະວັນທີ 13 ຫາ 14 ຕຸລາ 2021: ຈະມີຝົນຕົກປານກາງ ຫາ ໜັກ ຢູ່ທົ່ວໄປ ແລະ ຕົກໜັກຫລາຍ ພ້ອມມີລົມພັດແຮງ ຢູ່ບາງ ທ້ອງຖິ່ນແຂວງພາກກາງ ແລະ ພາກເເໜືອ ເຊັ່ນ: ແຂວງ ສະຫວັນນະເຂດ, ຄໍາມ່ວນ, ບໍລິຄໍາໄຊ, ໄຊສົມບູນ, ວຽງຈັນ, ນະຄອນຫລວງວຽງຈັນ, ໄຊຍະບູລີ, ບໍ່ແກ້ວ, ຫລວງນ້ຳທາ, ອຸດົມໄຊ, ຫລວງພະບາງ, ຊຽງຂວາງ ແລະ ຫົວພັນ.

ໄລຍະວັນທີ 15 ຫາ 16 ຕຸລາ 2021: ຈະມີຝົນຕົກປານກາງ ຢູ່ເກືອບທົ່ວໄປ ແລະ ໜັກຕົກ ຫາ ໜັກຫລາຍ ພ້ອມມີລົມພັດແຮງ ຢູ່ ບາງທ້ອງຖິ່ນໃນແຕ່ລະພາກ. ຊຶ່ງຈະເຮັດໃຫ້ເກີດມີຕົ້ນໄມ້ຫັກລົ້ມ, ຫລັງຄາເຮືອນເປ່ເພ, ນ້ຳຖ້ວມອັ່ງ, ນ້ຳຖ້ວມຍຶ່ງ ແລະ ດິນເຈື່ອນຢູ່ບາງທ້ອງຖິ່ນ.

ດັ່ງນັ້ນ, ຈຶ່ງແຈ້ງເຕືອນເຖິງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງດັ່ງກ່າວ ໂດຍສະເພາະຜູ້ທີ່ອາໄສຢູ່ລຽບຕາມຮ່ອມພູ, ເປີ້ນພູ ແລະ ແຄມແມ່ນ້ຳຕ່າງໆ ຈົ່ງມີສະຕິລະມັດລະວັງຕໍ່ສະພາບດິນເຈື່ອນ, ນ້ຳຖ້ວມຊູ, ນ້ຳ ຖ້ວມຍິ່ງ ແລະ ລົມພັດແຮງ ທີ່ຈະເກີດຂຶ້ນໄດ້ໃນໄລຍະນີ້ ພ້ອມທັງກະກຽມ ຍົກຍ້າຍວັດຖຸສິ່ງຂອງທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດໄພ, ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ 1 ຫາ 4 ວັນຕໍ່ໜ້ານີ້.

 

- lattana banner 1 - ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021
- lattana banner - ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021
-    AD conten website - ພາກເໜືອ ແລະ ພາກກາງ ກຽມຮັບມືກັບພາຍຸເຂດຮ້ອນ ກົມປາສຸ ຈະພັດຜ່ານເຂົ້າໃນວັນທີ 13-16 ຕຸລາ 2021
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!