ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ

- 658500 e1634116913224 - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ
- AGL banner - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ

ທ່ານ ດຣ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ ກະຊວງສາທາລະນະສຸກ ລາຍງານຮ່ວມກັບຄະນະສະເພາະກິດ ໃນວັນທີ 13 ຕຸລາ 2021 ນີ້ວ່າ: ກ່ຽວກັບສະພາບການຂອງສັງຄົມທີ່ກໍາລັງມີຂໍ້ຄິດເຫັນຫລາຍແບບ ຕໍ່ກັບການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ແລະ ການປະກົດໃຫ້ເຫັນໃນສື່ສັງຄົມອອນລາຍໄດ້ສ້າງຄວາມສັບສົນເຮັດໃຫ້ເຂົ້າໃຈຜິດພາດ, ໃນນັ້ນແມ່ນການໂຄສະນາ ຊັກຊວນການຊື້-ຂາຍຜະລິດຕະພັນທີ່ແຈ້ງວ່າສາມາດແກ້ໄຂບັນຫາການຕິດເຊື້ອ ໂຄວິດ-19 ໃນຮູບແບບການໂຄສະນາຊວນເຊື່ອ ແລະ ຈໍາໜ່າຍສິນຄ້າ ໂດຍດໍາເນີນໄປແບບຜິດຈາກຫລັກການທາງວິຊາການທີ່ໄດ້ກໍານົດ. ບັນດາຜະລິດຕະພັນເຫລົ່ານັ້ນໄດ້ແກ່: ເຄື່ອງກວດຫາເຊື້ອ ແບບໄວ, ສະເປຂ້າເຊື້ອ, ຢາພື້ນເມືອງ, ແຜ່ນກໍາຈັດໄວຣັສ ແລະ ອື່ນໆ.

 

ສຳລັບຢາພື້ນເມືອງ Lianhua Quingwen Capsule ນີ້ແມ່ນໄດ້ຂຶ້ນທະບຽນຢູ່ ລາວ ແລ້ວ ແຕ່ກາງປີ 2020, ທີ່ໄດ້ລະບູຂໍ້ບົ່ງໃຊ້ ສໍາລັດແກ້ພິດເບື່ອ, ແກ້ໄຂ້, ແກ້ຫວັດ, ແກ້ໄອ, ບັນເທົາອາການເຈັບຄໍ, ແກ້ປວດກ້າມຊີ້ນ. ແຕ່ວ່າມາຮອດປັດຈຸບັນທາງອົງການອະນາໄມໂລກຍັງບໍ່ໄດ້ໃຫ້ເອົາເຂົ້າໃນຄູ່ມືປິ່ນປົວ ໂຄວິດ-19 ເທື່ອ. ການໃຊ້ປິ່ນປົວແບບສົມທົບອາດມີຫລາຍຄົນໃຊ້ ເພາະວ່າຢານີ້ມີຂໍ້ບົ່ງໃຊ້ ແລະ ປະສິດທິຜົນໃກ້ຄຽງກັບການປົວຕາມອາການຂອງຜູ້ທີ່ຕິດເຊື້ອ ໂຄວິດ-19 ແຕ່ບໍ່ແມ່ນເຈາະຈົງ ແລະ ບໍ່ທັັນມີການຢັ້ງຢືນແບບວິທະຍາສາດ.

 

- 61MGlL4fkdL - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ

 

ສ່ວນການນໍາເຂົ້າແມ່ນບໍ່ໄດ້ອະນຸຍາດຈາກເຈົ້າໜ້າທີ່ກວດກາ ອຢ. ເຊິ່ງຜ່ານມາ ສປ ຈີນໄດ້ເອົາມາຊ່ວຍເຫລືອ ຈໍານວນ 280,000 ກວ່າ ແຄັບຊູນ ໄດ້ແຈກຢາຍໃຫ້ ສູນປິ່ນປົວ ຜູ້ຕິດເຊື້ອໝົດແລ້ວ. ສ່ວນລາຄານັ້ນ ພວກເຮົາບໍ່ມີຂໍ້ມູນຊັດເຈນ. ໂດຍໃນສັງຄົມກໍພົບເຫັນສະພາບການຈໍລະຈອນ ທາງ ສື່ອອນລາຍເຊິ່ງວ່າທາງຂະແໜງການ ອຢ ແລະ ເຈົ້າໜ້າທີ່ກ່ຽວຂ້ອງ ກໍາລັງຕິດຕາມເພື່ອແກ້ໄຂ.

 

- coronavirus 5107715 1280 300x300 - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ

ຢາພື້ນເມືອງຈໍານວນໜຶ່ງໄດ້ ນໍາໃຊ້ທົດລອງປິ່ນປົວ ເພື່ອເຮັດການສຶກສາຄົ້ນຄວ້າ ກັບຄົນຕິດເຊື້ອໂຄວິດ 19 ທີ່ ແຂວງ ຈຳປາສັກ, ເຊິ່ງໃນທີ່ຜ່ານມາ ແຂວງຈຳປາສັກ ກໍ່ເປັນແຂວງໜຶ່ງ ໃນ 3 ແຂວງ ພາກໃຕ້ ທີ່ໄດ້ກຳນົດເອົາເປັນແຂວງ ເຮັດການສຶກສາ, ເຊີ່ງໃນເວລານັ້ນ ໄດ້ມີການລະບາດຂອງການຕິດເຊື້ອ ໂຄວິດ-19 ຫລາຍ ແລະ ການເຮັດການຄົ້ນຄວ້ານໍາໃຊ້ຢາພື້ນເມືອງ ກໍ່ແມ່ນເຮັດ ກັບກຸ່ມຄົນທີ່ໄດ້ຮັບເຊື້ອໂຄວິດ-19 ທີ່ມີອາການເບື້ອງຕົ້ນ ບໍ່ສະແດງອາການ ແລະ ອາການປານກາງ ແລະ ຢາທັງ 3 ຊະນິດຄື: ລາຊີບີ, ກະຊາຍຂາວ ແລະ ຜັກຄາວທອງ ທີ່ໄດ້ເຮັດການຄົ້ນຄວ້າກໍ່ແມ່ນເປັນອີກໜຶ່ງທາງເລືອກໃນການປະກອບສວ່ນການນຳໃຊ້ຢາພື້ນເມືອງສົມທົບ ກັບຢາຫລວງ ຈຸດປະສົງຫລັກກໍ ເພື່ອຊວ່ຍ ສ້າງພູມຄຸ້ມກັນໃຫ້ແກ່ຮ່າງກາຍ, ຫລຸດຜ່ອນອາການ ແລະ ເພື່ອຊ່ວຍຢັບຢັ້ງການນໍາຂອງເຊື້ອລົງສູ່ປອດ. ປັດຈຸບັນແມ່ນຍັງລໍຖ້າສະຫລຸບຜົນການສຶກສາ.

- lattana banner 1 - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ
- lattana banner - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ
-    AD conten website - ອົງການອະນາໄມໂລກຍັງບໍ່ໄດ້ໃຫ້ເອົາຢາພື້ນເມືອງ Lianhua Quingwen Capsule ເຂົ້າໃນຄູ່ມືປິ່ນປົວໂຄວິດ-19 ເທື່ອ

Comment (2)

    Anonymous
    13/10/2021 - 6:29 pm

    ຢາກຖາມວ່າ ລາຊາບີ,ກະຊາຍຂາວ ແລະ ຄາວທອງ ອົງການອະນາໄມໂລກໄດ້ຮັບຮອງ ແລ້ງບໍ

    Anonymous
    13/10/2021 - 6:30 pm

    ຢາກຖາມວ່າ ລາຊາບີ,ກະຊາຍຂາວ ແລະ ຄາວທອງ ອົງການອະນາໄມໂລກໄດ້ຮັບຮອງ ແລ້ວບໍນໍ

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!