ແມ່ຍິງຖືພາເກີນ 3 ເດືອນຂຶ້ນໄປ ແລະ ແມ່ລູກອ່ອນ ແມ່ນມີຄວາມຈໍາເປັນທີ່ສຸດທີ່ຕ້ອງໄດ້ຮັບວັກຊີນໃຫ້ຄົບໂດສ
October 14, 2021 - 11:59 AM
ທ່ານ ດຣ ນາງ ບົວຜັນ ຄຳພາພົງຜານ ຮອງຫົວໜ້າສູນວິເຄາະ ແລະ ລະບາດວິທະຍາ ລາຍງານວັນທີ 14 ຕຸລາ 2021 ນີ້ວ່າ: ການສັກວັກຊີນສໍາລັບ ແມ່ຍິງຖືພາເກີນ 3 ເດືອນຂຶ້ນໄປ ແລະ ແມ່ລູກອ່ອນ ແມ່ນມີຄວາມຈໍາເປັນທີ່ສຸດ ເພື່ອຊ່ວຍຫລຸດຜ່ອນອັດຕາຄວາມຮຸນແຮງ ແລະ ການເສຍຊີວິດ ຈາກພະຍາດໂຄວິດ-19ໄດ້.
ດັ່ງນັ້ນຈຶ່ງຂໍໃຫ້ທຸກຄົນທີ່ຢູ່ໃນກຸ່ມເປົ້າໝາຍນີ້ໄປຮັບການສັກວັກຊີນ ໃຫ້ຄົບທຸກເຂັມທີ່ໄດ້ແນະນຳ. ວັກຊີນກັນພະຍາດໂຄວິດ-19 ແມ່ນມີຄວາມປອດໄພ ແລະ ປະສິດທິພາບ ໂດຍຜ່ານການຮັບຮອງຈາກອົງການອະນາໄມໂລກ. ເຊິ່ງການສັກວັກຊີນ ເປັນການສ້າງພູມຄຸມກັນໃຫ້ແກ່ຮ່າງກາຍຂອງຄົນເຮົາໃນການຕໍ່ສູ້ກັບພະຍາດໂຄວິດ-19 ພ້ອມທັ ຊ່ວຍຫລຸດຜ່ອນອັດຕາຄວາມຮຸນແຮງ ແລະ ການເສຍຊີວິດ ຈາກພະຍາດໂຄວິດ-19ໄດ້. ຄຽງຄູ່ໄປກັບການຮັກສາໄລຍະຫ່າງ, ການໃສ່ຜ້າອັດປາກ-ດັງ ເມື່ອອອກຈາກບ້ານ ແລະ ການໝັ່ນລ້າງມືເລື້ອຍໆ ດ້ວຍນ້ຳສະອາດໃສ່ສະບູ ຫລື ເຈວລ້າງມືຂ້າເຊື້ອ.
