ກຽມຄວາມພ້ອມຕ້ອນຮັບການມາຮອດຂອງລົດໄຟ ລາວ-ຈີນ ຂະບວນ “ລ້ານຊ້າງ” ໃນວັນທີ 15 ຕຸລາ 2021 ນີ້
ໃນວັນທີ 13 ຕຸລາ 2021, ທີມງານກຽມຂະບວນລົດໄຟ ໄດ້ນຳໃຊ້ຫົວຈັກລົດໄຟຟ້າ ຂັບຜ່ານອຸໂມງມິດຕະພາບລາວ-ຈີນ ທີ່ຢູ່ກັບຕິດຊາຍແດນລະຫວ່າງ ລາວ-ຈີນ ເພື່ອກຽມຄວາມພ້ອມໃນການຕ້ອນຮັບການມາຮອດຂອງລົດໄຟຂະບວນ “ລ້ານຊ້າງ” ທີ່ຈະມາເຖິງ ໃນວັນທີ 15 ຕຸລາ 2021 ຢູ່ທີ່ສະຖານນີນະຄອນຫລວງວຽງຈັນ, ເຊິ່ງເປັນສະຖານນີທີ່ໃຫຍ່ທີ່ສຸດ ຂອງໂຄງການທາງລົດໄຟ ລາວ-ຈີນ.
ຕາມຂໍ້ມູນໃນເບື້ອງຕົ້ນໃຫ້ຮູ້ວ່າ: ຂະບວນ “ລ້ານຊ້າງ” ກໍຄືຂະບວນລົດໄຟ EMU ແມ່ນມີ 7 ຕູ້ 2 ຊັ້ນ 720 ບ່ອນນັ່ງ, ແຕ່ລະຕູ້ມີປະມານ 90 ບ່ອນນັ່ງ, ຊັ້ນ 1 ລວມມີ 56 ບ່ອນນັ່ງ, ຊັ້ນ 2 ມີ 662 ບ່ອນນັ່ງ ແລະ ບ່ອນນັ່ງພິເສດ ສໍາລັບຄົນພິການ 2 ບ່ອນນັ່ງ.
ສຳລັບການອອກແບບ ຄະນະຊ່ຽວຊານອອກແບບໄດ້ນຳໃຊ້ສັນຍາລັກຂອງທຸງຊາດລາວ ເປັນແຮງບັນດານໃຈໃນການອອກແບບ, ທຸງຊາດລາວປະກອບມີ 3 ສີ ຄື: ສີແດງ, ສີຟ້າ ແລະ ສີຂາວ, ສີແດງ ໝາຍເຖິງເລືອດເນື້ອຂອງນັກຮົບປະຕິວັດລາວ, ສີຟ້າໝາຍເຖິງຄວາມອຸດົມສົມບູນທາງດ້ານຊັບພະຍາກອນທຳມະຊາດ ແລະ ສີຂາວ ໝາຍເຖິງຄວາມສາມັກຄີຂອງຄົນລາວ ພາຍໃຕ້ການນຳພາຂອງພັກປະ ຊາຊົນປະຕິດລາວ ຄືດັ່ງດວງເດືອນ.
ຂໍ້ມູນ-ພາບ: ລົດໄຟລາວ-ຈີນ
